മുർമുവി​ന് പിന്തുണ ​പ്രഖ്യാപിച്ച് മായാവതി

ലഖ്നോ: എൻ.ഡി.എയുടെ രാഷ്ട്രപതി സ്ഥാനാർഥി ദ്രൗപദി മുർമുവിന് ബഹുജൻ സമാജ്‍വാദി പാർട്ടി പിന്തുണ. ജൂലൈ 18ന് നടക്കുന്ന പ്രസിഡന്റ് തെരഞ്ഞെടുപ്പിന് വെള്ളിയാഴ്ചയാണ് നാമനിർദേശപത്രിക സമർപ്പിച്ചിരുന്നത്. പാർട്ടിക്ക് ആദിവാസി സമൂഹം ഏറെ പ്രധാനപ്പെട്ടതായതിനാൽ മുർമുവിന് പിന്തുണ നൽകുകയാണെന്ന് ബി.എസ്.പി നേതാവ് മായാവതി പറഞ്ഞു. പ്രസിഡന്റ് സ്ഥാനാർഥിയെ തീരുമാനിക്കുന്നതിൽ പ്രതിപക്ഷം തന്റെ കക്ഷിയെ അവഗണിച്ചതായും അവർ കുറ്റപ്പെടുത്തി.

ബി.എസ്.പിക്ക് യു.പി നിയമസഭയിൽ ഒരു എം.എൽ.എയും ലോക്സഭയിൽ 10 എം.പിമാരുമുണ്ട്.