മൂന്ന്​ വയസ്സുകാരൻ മരിച്ച നിലയിൽ; കൊലപാതകമെന്ന്​ സംശയം

പാലക്കാട്​: എലപ്പുള്ളിയിൽ മൂന്ന്​ വയസ്സുകാരൻ ദുരൂഹ സാഹചര്യത്തിൽ മരിച്ചു. മരണം കൊലപാതകമെന്ന്​ സംശയം. സംഭവവുമായി ബന്ധപ്പെട്ട്​ മാതാവ്​ ആസ്യയെ​ പൊലീസ്​ കസ്റ്റഡിയിലെടുത്തു.

ചോദ്യംചെയ്യലിൽ ശ്വാസംമുട്ടിച്ച്​ കൊലപ്പെടുത്തിയതാ​ണെന്ന്​ മാതാവ്​ മൊഴി നൽകി. ബുധനാഴ്ച പോസ്റ്റ്​മോർട്ടത്തിന്​ ശേഷം സ്ഥിരീകരണമാവും. ചൊവ്വാഴ്ച രാവിലെയാണ്​ സംഭവമെന്നാണ്​ സൂചന. മൃതദേഹം പാലക്കാട്​ ജില്ല ആശുപത്രിയിലേക്ക്​ മാറ്റി.