Top
Begin typing your search above and press return to search.
exit_to_app
exit_to_app
Homechevron_rightTECHchevron_rightTech Reviewschevron_rightഷവോമി ഫോണുകളിൽ...

ഷവോമി ഫോണുകളിൽ സുരക്ഷാ വീഴ്​ച​; സ്വകാര്യ വിവരങ്ങൾ ചൈനയിലേക്ക്​ ഒഴുകുന്നുവെന്ന്​ ആരോപണം

text_fields
bookmark_border
ഷവോമി ഫോണുകളിൽ സുരക്ഷാ വീഴ്​ച​; സ്വകാര്യ വിവരങ്ങൾ ചൈനയിലേക്ക്​ ഒഴുകുന്നുവെന്ന്​ ആരോപണം
cancel

ബീജിങ്​: ചൈനീസ്​ സ്​മാർട്ട്​ ഫോൺ നിർമാതാക്കളായ ഷവോമിക്കെതിരെ വീണ്ടും സുരക്ഷാ വീഴ്​ച ആരോപിച്ച്​ സെക്യൂരിറ്റി ഗവേഷകർ രംഗത്ത്​. മാർക്കറ്റ്​ ഷെയറിൽ ഇന്ത്യയിൽ ഏറ്റവും മുൻപന്തിയിലുള്ള കമ്പനിയായ ഷവോമിയുടെ ഫോണുകളിൽ ഉപഭോക്​താക്കളുടെ വിവരങ്ങൾ ആലിബാബ ഹോസ്റ്റ്​ ചെയ്യുന്ന വിദൂര സെർവറുകളിലേക്ക്​ കൈമാറുന്നതിനുള്ള പഴുതുകൾ നൽകിയിട്ടുണ്ടെന്ന്​ ഗവേഷകർ ആരോപിക്കുന്നു.​ ഫോർബ്​സ്​ ആണ്​ ഇതുമായി ബന്ധപ്പെട്ട വാർത്ത പുറത്തുവിട്ടത്​. 

സുരക്ഷാ ഗവേഷകരായ ഗാബി സിർലിഗ്​, ആൻഡ്ര്യൂ ടിയേർണി എന്നിവരാണ്​ ഞെട്ടിക്കുന്ന വിവരം പുറത്തുവിട്ടത്​. ഷവോമി മനഃപ്പൂർവ്വം അവരുടെ ഫോണുകളിലെ സോഫ്റ്റ്​വെയറിലുള്ള പഴുതുകൾ ഉപയോഗിച്ച്​ ത​ങ്ങളുടെ സ്വകാര്യ വിവരങ്ങൾ പരസ്യപ്പെടുത്തുകയാണെന്ന്​ അവർ ആരോപിക്കുന്നു. താൻ ഉപയോഗിക്കുന്ന റെഡ്​മി നോട്ട്​ 8 എന്ന ഫോണിൽ മാത്രമല്ല ഇത്തരം സുരക്ഷാ വീഴ്​ചയെന്നും എല്ലാ ഫോണുകളിലും സമാന പഴുതുകൾ ഉണ്ടായേക്കാമെന്നും ഗാബി സിർലിഗ്​ പറഞ്ഞു.

മറ്റ്​ ആപ്പുകൾക്കൊപ്പം എം​െഎ സീരീസിലേയും റെഡ്​മി സീരീസിലെയും ഡിഫോൾട്ട്​ ബ്രൗസറാണ്​ പ്രധാനമായും വിവരങ്ങൾ ചോർത്തുന്നതത്രേ. വെബ്​ ഹിസ്റ്ററിയടക്കമുള്ള വിവരങ്ങൾ വെളിപ്പെടുത്താതെ ബ്രൗസ്​ ചെയ്യാനുള്ള സംവിധാനമായ ‘ഇൻകോഗ്​നിറ്റോ’മോഡ്​ ആക്​ടിവേറ്റ്​ ചെയ്​താൽ പോലും വിവരച്ചോർച്ചയുണ്ടെന്നാണ്​ സൂചന. 

അതേസമയം, സുരക്ഷാ ഗവേഷകരുടെ ആരോപണം ഷവോമി തള്ളി. ചില അജ്ഞാത ബ്രൗസിങ്​ വിവരങ്ങൾ തങ്ങൾ ട്രാക്​ ചെയ്യുന്നുണ്ടെങ്കിലും അവ മറ്റുള്ളവരുമായി പങ്കുവെക്കുന്നില്ലെന്ന്​ അവർ വ്യക്​തമാക്കി.

ഷവോമിയുടെ ബ്രൗസർ ഉപയോഗിച്ച്​ യൂസർമാർ ​ഇൻറർനെറ്റിൽ വിരാജിക്കുന്നതെല്ലാം ആലിബാബയുടെ സർവറിലേക്ക്​ നിരന്തരം കൈമാറുന്നുണ്ടെന്നാണ്​ ആരോപണം. ഗൂഗ്​ൾ, മികച്ച സുരക്ഷാ സംവിധാനമുള്ള ഡക്​ ഡക്​ ഗോ തുടങ്ങിയ സെർച്ച്​ എൻജിനുകളിൽ സെർച്ച്​ ചെയ്യുന്നതും ഇത്തരത്തിൽ ട്രാക്​ ചെയ്യപ്പെടുന്നുണ്ട്​. ഏതൊക്കെ ഫോൾഡറുകൾ തുറക്കുന്നു, എത്രതവണ സ്​ക്രീൻ സ്വൈപ്​ ചെയ്യുന്നു, സ്റ്റാറ്റ്​സ്​ ബാറിൽ എന്തൊക്കെ അപ്​ഡേറ്റ്​ ആവുന്നു, തുടങ്ങിയ സകല വിവരങ്ങളും സിംഗപ്പൂരിലും റഷ്യയിലുമുള്ള സെർവറുകളിലേക്കാണ്​​ കൈമാറുന്നത്​. ഗൂഗ്​ൾ പ്ലേ സ്​റ്റോറിൽ ലഭ്യമായ ഷവോമിയുടെ ​ബ്രൗസറുകളായ ‘എം​െഎ ബ്രൗസർ, മിൻറ്​ ബ്രൗസർ എന്നിവയിലും സമാന സുരക്ഷാ വീഴ്​ച്ചയുള്ളതായി ഗവേഷകർ വ്യക്​തമാക്കി. ഒന്നരക്കോടി ആളുകൾ ഡൗൺലോഡ്​ ചെയ്​ത രണ്ട്​ ബ്രൗസറുകളും നിരന്തരം സ്വകാര്യ വിവരങ്ങൾ ചോർത്തുന്നതായി അവർ കൂട്ടിച്ചേർത്തു.

Show Full Article
TAGS:xiaomi redmi phones Security Breach Cyber Attack 
News Summary - Xiaomi sending browser data to China-technology news
Next Story