സോളാർ പാനലുള്ള ​ഫോണുമായി ഷവോമി; ബാറ്ററി പ്രശ്​നത്തിന്​ ശാശ്വത പരിഹാരമാകുമോ​?

20:39 PM
07/08/2019
xioami

മൊബൈൽ ഫോൺ ഉപഭോക്​താകൾക്ക്​ എക്കാലത്തും തലവേദന സൃഷ്​ടിക്കുന്ന ഒന്നാണ്​ ബാറ്ററി. മികച്ച ഫീച്ചറുകളുണ്ടായിട്ടും ബാറ്ററി ബാക്ക്​ അപിലെ  കുറവ്​ മൂലം ചില ഫോണുകൾ വിപണിയിൽ കാര്യമായ ചലനം സൃഷ്​ടിക്കാതെ പോയിട്ടുണ്ട്​. ബാറ്ററിയിലെ ഈ പ്രശ്​നത്തിന്​ ശാശ്വത പരിഹാരം കൊണ്ടുവരാനുള്ള ​ശ്രമത്തിലാണ്​ ചൈനീസ്​ സ്​മാർട്ട്​ ഫോൺ നിർമാതാക്കളായ ഷവോമി. ബാറ്ററി ബാക്ക്​ അപിലെ പ്രശ്​നം പരിഹരിക്കുന്നതിനായി സോളാർ പാനലാണ്​ ഷവോമി തുറുപ്പ്​ ചീട്ട്​.

കാമറക്ക്​ താഴെയായിരിക്കും ഷവോമി സോളാർ പാനൽ ഉൾക്കൊള്ളിക്കുക. നേർത്ത സോളാർ പാനലാണ്​ ഫോണിലുണ്ടാവുക. അതുകൊണ്ട്​ തന്നെ ഫോണിൻെറ ഭാരം വർധിക്കാനുള്ള സാധ്യതകൾ കുറവാണ്​. ഫോണിൻെറ പിൻവശത്ത്​ ഫിംഗർപ്രിൻറ്​ സെൻസർ ഇല്ല. ഇൻ ഡിസ്​പ്ലേ ഫിംഗർപ്രിൻറ്​ സെൻസറായിരിക്കും ഷവോമി ഉൾക്കൊള്ളിക്കുക.

നോച്ച്​ ഇല്ലാതെ ഫുൾ സ്​ക്രീൻ ഡിസ്​പ്ലേയുമായിട്ടായിരിക്കും ഷവോമിയുടെ ഫോൺ വിപണിയിലെത്തുക. സെൽഫി കാമറ സ്​ക്രീനിനുള്ളിലായിരിക്കും. ഇടതുവശത്ത്​ സിം ട്രേയും, വലതു വശത്ത്​ ​ശബ്​ദ നിയന്ത്രണ ബട്ടണുകളും, പവർ ബട്ടണും ഇടം നൽകിയിരിക്കുന്നു. അടിയിലായി ഇരട്ട സ്​പീക്കറുകളും അവക്ക്​ മധ്യേ യു.എസ്​.ബി-ടൈപ്പ്​ സി പോർട്ടുംകാണാം. ഫോണിൻെറ പേറ്റൻറിനായി ഷവോമി അപേക്ഷ സമർപ്പിച്ചുവെന്നാണ്​ പുറത്ത്​ വരുന്ന റിപ്പോർട്ടുകൾ. 

Loading...
COMMENTS