‘വൈൻ’ ഉ​ണ്ടോ​? ആൻഡ്രോയ്​ഡിലും ആവാം വിൻഡോസ്​ ആപ്​

ആൻഡ്രോയ്​ഡ്​ ആപ്പുകൾ വിൻഡോസ്​ കമ്പ്യൂട്ടറുകളിൽ പ്രവർത്തിപ്പിക്കാൻ ബ്ലൂസ്​റ്റാക്​സ്​ ഇൻസ്​റ്റാൾ ചെയ്​താൽ മതി. അതുപോലെ വിൻഡോസ്​ ആപ്പുകൾ ലിനക്​സ്​ അടക്കം സ്വതന്ത്ര സോഫ്​റ്റ്​വെയറുകളിലും ആപ്പിളി​​െൻറ മക്കി​േൻറാഷ്​ (മാക് ഒഎസ്​​) ഒാപറേറ്റിങ്​ സിസ്​റ്റമുള്ള കമ്പ്യൂട്ടറുകളിലും ഉപയോഗിക്കാൻ വൈൻ സഹായിക്കും. നിലവിൽ 25,000 ആപ്ലിക്കേഷനുകൾ ​കമ്പ്യൂട്ടറിനുള്ള വൈനിലുണ്ട്​. 

ഇപ്പോഴിതാ ഒരുപടികൂടി കടന്ന്​ വൈൻ വിൻഡോസ്​ ആപ്പുകൾ ആൻഡ്രോയ്​ഡ്​ ഫോണുകളിൽ ഉപയോഗിക്കാനും അസുലഭ അവസരം നൽകുന്നു. ഇതിന്​ വൈൻ 3.0 എന്ന പരിഷ്​കൃതപതിപ്പ്​ ആൻഡ്രോയിഡ്​ ഉപകരണങ്ങളിൽ ഇൻസ്​റ്റാൾ ചെയ്​താൽ മതി. സാധാരണ കണ്ട്​ പരിചയമുള്ള ആൻഡ്രോയ്​ഡ്​ ആപ്പുപോലെ തന്നെയാണ്​ വൈൻ 3.0യും. ആൻഡ്രോയിഡ്​ ഒാപറേറ്റിങ്​ സിസ്​റ്റവും ലിനക്​സ്​ അടിസ്​ഥാനമായ സ്വതന്ത്ര സോഫ്​റ്റ്​വെയറുമാണെന്നതാണ്​ ഇതി​​െൻറ അടിസ്​ഥാനം​. 

വൈൻ 2.0 എത്തി ഒരുവർഷത്തിന്​ ശേഷമാണ്​ മൂന്നാം പതിപ്പ്​ എത്തുന്നത്​. രണ്ടാമനിൽനിന്ന്​ 6000ത്തോളം വ്യത്യാസങ്ങൾ മൂന്നാമനിലുണ്ട്​. പൂർണ ഗ്രാഫിക്​ ഒാഡിയോ ഡ്രൈവർ പിന്തുണ വൈൻ ആൻഡ്രോയ്​ഡിന്​ നൽകുന്നു. 1993ലാണ്​ വൈനി​​െൻറ ജനനം. 2016ലാണ്​ വൈനി​​െൻറ ആൻഡ്രോയ്​ഡ്​ പ്രിവ്യൂ സ്രഷ്​ടാക്കളായ കോഡ്​വീവർ പുറത്തിറക്കിയത്​. 2017 ജനുവരിയിൽ വൈൻ 2.0 മാക്​, മൈക്രോസോഫ്​റ്റ്​ ഒാഫിസ്​ പിന്തുണയുമായി വന്നു.

എ.ആർ.എം പ്രോസസർ ഉള്ള ഉപകരണങ്ങൾക്ക്​ 'wine-3.0-arm' ഇൻറൽ, എ.എം.ഡി x86 പ്രോസസറുള്ളവക്ക്​ 'wine-3.0-x86' എന്നീ ആൻഡ്രോയ്​ഡ്​ ആപ്ലിക്കേഷൻ പാക്കേജസ്​ (APKs)ഇൻസ്​റ്റാൾ ചെയ്യാം. ഫുൾ സ്​ക്രീൻ വിൻഡോസ്​ ഡിസ്​പ്ലേ, സ്​റ്റാർട്ട്​ മെനു, ഒാഡിയോ, അടിസ്​ഥാന ഗ്രാഫിക്​സ്​ സൗകര്യം എന്നിവ ലഭിക്കും.