Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightThamarasserychevron_right...

വാട്​സ്​ആപ്പ്​-ഫേസ്​ബുക്ക്​-ഇൻസ്​റ്റഗ്രാം;  പരസ്​പരം മെസ്സേജ്​​ ചെയ്യാനുള്ള സാധ്യതകൾ തേടി സക്കർബർഗും കൂട്ടരും

text_fields
bookmark_border
വാട്​സ്​ആപ്പ്​-ഫേസ്​ബുക്ക്​-ഇൻസ്​റ്റഗ്രാം;  പരസ്​പരം മെസ്സേജ്​​ ചെയ്യാനുള്ള സാധ്യതകൾ തേടി സക്കർബർഗും കൂട്ടരും
cancel

വാട്​സ്​ആപ്പ്​-ഫേസ്​ബുക്ക്​-ഇൻസ്​റ്റഗ്രാം, ഇവർ മൂന്നുപേരും ഒരു കുടുംബത്തിലെ അംഗങ്ങളാണ്​. ആദ്യമുണ്ടായിരുന്നത്​ ഫേസ്​ബുക്കാണ്​. വാട്​സ്​ആപ്പിനേയും ഇൻസ്​റ്റഗ്രാമിനേയും ഫേസ്​ബുക്ക്​ പിന്നീട്​ വാങ്ങുകയായിരുന്നു. സമൂഹമാധ്യമ രംഗത്തെ വമ്പൻ കമ്പനികളാണ്​ മൂവരും. 260 കോടി വരിക്കാരാണ്​ മൂന്ന്​ പ്ലാറ്റ്​ഫോമുകളിലായുള്ളത്​. മൂന്ന്​ ആപ്പുകളും വ്യത്യസ്​ഥ ഉപയോഗങ്ങൾക്കാണ്​ പ്രശസ്​തർ​.

ഫേസ്​ബുക്ക്​ വൈവിധ്യങ്ങളെ പ്രോത്സാഹിപ്പിക്കുന്ന സംവിധാനമാണ്​. ടെക്​സ്​റ്റ്​, ഫോ​ട്ടോ, വീഡിയൊ എന്നിവയൊക്കെ ഇതിൽ പങ്കുവയ്​ക്കാം. വാട്​സ്​ആപ്പ്​ ആക​ട്ടെ മെസ്സേജിങ്ങിനാണ്​ പ്രശസ്​തം. ഇൻസ്​റ്റഗ്രാം ഫോ​ട്ടോ ഷെയറിങ്ങിനായി നിർമിക്കപ്പെട്ടവയാണ്​. ഇവയെല്ലാം ഒരുമിപ്പിച്ച്​​ കൂടുതൽ കാര്യക്ഷമമായ ഒരു അടിത്തറ രൂപപ്പെടുത്തിയെടുക്കാൻ 2019മുതൽ ഫേസ്​ബുക്ക്​ സി.ഇ.ഒ മാർക്ക്​ സക്കർബർഗും കൂട്ടരും ആലോചിക്കുന്നുണ്ട്​.

അതി​​െൻറ ആദ്യപടിയാണ്​ പരസ്​പരമുള്ള കമ്മ്യൂണിക്കേഷൻ സാധ്യമാക്കുക എന്നത്​. ഫേസ്​ബുക്കിൽ മെസ്സഞ്ചർ ആപ്​ ഉപയോഗിച്ചാണ്​ അംഗങ്ങൾ പരസ്​പരം ആശയവിനിമയം നടത്തുന്നത്​. മെസ്സഞ്ചറിനെ ഉപയോഗിച്ച്​​ മൂന്ന്​ പ്ലാറ്റ്​ഫോമിലും ഉള്ളവർക്ക്​ പരസ്​പരം ആശയം കൈമാറാനാകുമൊ എന്ന പരീക്ഷണമാണ്​ നിലവിൽ നടക്കുന്നത്​. ഈ പരീക്ഷണം സാധ്യമാകണമെങ്കിൽ ചില കടമ്പകൾ ​ഫേസ്​ബുക്ക്​ കടക്കേണ്ടതുണ്ട്​.

വാട്​സ്​ആപ്പിൽ എൻഡ്​ ടു എൻഡ്​ ഇൻസ്​ക്രിപ്​ഷൻ നിലനിൽക്കുന്നുണ്ട്​. ഇത്​ മെസ്സഞ്ചറിലേക്കും ഇൻസ്​റ്റഗ്രാമിലേക്കും വ്യാപിപ്പിക്കുക എന്നത്​ ഒരു വെല്ലുവിളിയാണ്​. തൽക്കാലം സാധ്യതകൾ മാത്രമെ നമ്മുക്ക്​ പറയാനാകൂ. എന്തായാലും ഇതുസംബന്ധിച്ച കാര്യമായ ആലോചനകൾ സക്കർബർഗും കുട്ടരും നടത്തുന്നുണ്ടെന്നാണ്​ വിവരം​. 

Show Full Article
TAGS:whatsapp facebook Messenger news 
Next Story