മിഷൻ ശക്​തി എന്ത്​?

ന്യൂഡൽഹി: ഉപഗ്രഹവേധ മിസൈൽ വിജയകരമാക്കിയ നാലാമത്തെ രാജ്യമായി മാറിയിരിക്കുകയാണ്​ ഇന്ത്യ . താഴ്​ന്ന സഞ്ചാരപാതയ ുള്ള (ലോ എർത്ത്​ ഒാർബിറ്റ് - ഭൂമിയിൽ നിന്ന്​ 160 മുതൽ 2000 കിലോമീറ്റർ ദൂരത്തിലുള്ള ബഹിരാകാശ പാതയാണിത്​. അതിനു മുകള ിൽ മീഡിയം എർത്ത്​ ഒാർബിറ്റും അതിനു മേലെ ജിയോ സ്​റ്റേഷനറി ഒാർബിറ്റ്​ എന്നും അറിയപ്പെടുന്നു​) ഉപഗ്രഹങ്ങളെ നശി പ്പിക്കുന്ന മിസൈലുകളാണ്​ ഉപഗ്രഹവേധ മിസൈൽ.

ഇങ്ങനെ ഭൂമിയുടെ ഉപരിതലത്തിൽ 300 കിലോമീറ്റർ അകലെയായി മാത്രം (താഴ ്​ന്ന ഒാർബിറ്റിലൂടെ) സഞ്ചരിച്ച ഉപഗ്രഹത്തെയാണ്​ ഇന്ത്യ വി​േക്ഷപിച്ച ആൻറി സാറ്റലൈറ്റ്​​ മിസൈൽ നശിപ്പിച്ചത്​.

മിഷൻ ശക്​തി എന്ന്​ പേരിട്ട പദ്ധതിയിൽ ഉപഗ്രഹത്തി​​​​​െൻറ സഞ്ചാരപാത താഴ്​ത്തിയ ശേഷമാണ്​ ഡി.ആർ.ഡി.ഒ ശാസ്​ത്ര ജ്​ഞർ ആൻറി സാറ്റലൈറ്റ്​ മിസൈൽ പരീക്ഷിച്ചത്​. മൂന്ന്​ മിനിട്ടിനുള്ളിൽ ദൗത്യം പൂർത്തിയാക്കാൻ മിസൈലിന്​ സാധിച്ചു.

യു.എസ്​, ചൈന, റഷ്യ എന്നീ രാജ്യങ്ങളിൽ മാത്രമായിരുന്നു ഉപഗ്രഹവേധ മിസൈലുകൾ ഉണ്ടായിരുന്നത്​. ഇൗ ഗണത്തിലേക്കാണ്​ ഇന്ത്യയും എത്തിയത്​. ഇൗ സാ​േങ്കതിക വിദ്യ കൈവശമുണ്ടെന്ന്​ ഇസ്രായേലും അവകാശപ്പെടുന്നുണ്ട്​. എന്നാൽ ഇതുവരെ പരീക്ഷിച്ചിട്ടില്ല.

മിഷൻ ശക്​തി എന്തിന്​​?
ഗതാഗതം, വാർത്താവിനിമയം തുടങ്ങിയ ആവശ്യങ്ങൾക്കാണ്​ രാജ്യങ്ങൾ പ്രധാനമായും ഉപഗ്രഹങ്ങളെ ഉപയോഗിക്കാറ്​. മറ്റൊരു പ്രധാന ആവശ്യം രാജ്യങ്ങളുടെ മിസൈൽ ഉപയോഗങ്ങൾക്ക്​ നി​ർദേശം നൽകി വിജയിപ്പിക്കുക എന്നതാണ്​. മിസൈലുകൾ കൃത്യമായ സ്​ഥലങ്ങളിൽ പതിക്കുന്നതും മറ്റും ഉപഗ്രഹങ്ങളിൽ നിന്നുള്ള നിർദേശങ്ങൾക്കനുസരിച്ചാണ്​. ഇത്തരം ഉപഗ്രഹങ്ങളെ നശിപ്പിക്കുന്നതിലൂടെ ഒരു രാജ്യത്തി​​​​​െൻറ മിസൈലുകളെ ഉപയോഗ ശൂന്യമാക്കാൻ സാധിക്കും.

ശീതയുദ്ധകാലത്താണ്​ യു.എസ​ും റഷ്യയും ഉപഗ്രഹ വേധ മിസൈൽ പരീക്ഷിച്ചത്​. ഇതുവരെയും ഒരു രാജ്യവും മറ്റൊരു രാജ്യത്തി​​​​​െൻറ ഉപഗ്രഹങ്ങളെ തകർത്തിട്ടില്ല. പരീക്ഷണത്തിന്​ അതാത്​ രാജ്യത്തി​​​​​െൻറ ഉപഗ്രഹങ്ങളെയാണ്​ ഉപയോഗിക്കാറ്​. ഒാർബിറ്റിൽ തുടരുന്ന കാലഹരണപ്പെട്ട ഉപഗ്രഹങ്ങളാണ്​ പരീക്ഷണത്തിന്​ ഉപയോഗിക്കുന്നത്​. ഇന്ത്യയും സ്വന്തം ഉപഗ്രഹമാണ്​ ഉപയോഗിച്ചതെന്ന്​ പറയുന്നുണ്ടെങ്കിലും ഏതാണെന്ന്​ വ്യക്​തമാക്കിയിട്ടില്ല.

വിവാദങ്ങൾ
ഉപഗ്രഹ വേധ മിസൈൽ പരീക്ഷണങ്ങൾ എല്ലാ തവണയും വിവാദങ്ങൾക്കും വ​ഴിവെച്ചിട്ടുണ്ട്​. ബഹിരാകാശത്തെ ആയുധവത്​കരണത്തിലേക്ക്​ നയിക്കുന്നതാണ്​ നടപടി എന്നാണ്​ വിമർശനങ്ങളുയരാറ്​. ബഹിരാകാശ ആയുധവത്​കരണം 1967ലെ ബഹിരാകാശ ഉടമ്പടി പ്രകാരം നിരോധിച്ചതാണ്​.

പ്രധാനമന്ത്രി മോദി പ്രസംഗത്തിൽ ഇക്കാര്യം കൂട്ടിച്ചേർത്തിട്ടുണ്ട്​. ഇത്​ പ്രതിരോധത്തിന്​ ​േവണ്ടി മാത്രമാണെന്നും ഇന്ത്യയുടെ ബഹിരാകാശ സുരക്ഷ ഉറപ്പുവരുത്തുന്നതിനാണെന്നും പറഞ്ഞ മോദി ബഹിരാകാശ ആയുധവത്​കരണത്തിന്​ ഇന്ത്യ എപ്പോഴും എതിരായിരിക്കുമെന്നും കൂട്ടിച്ചേർത്തു.

ഉപഗ്രഹ വേധ മിസൈൽ പ്രയോഗങ്ങൾ ബഹിരാകാശ മാലിന്യങ്ങൾക്കും വഴിവെക്കുന്നു. ബഹിരാകാശത്ത്​ തകർക്കപ്പെടുന്ന ഉപഗ്രഹങ്ങളുടെ അവശിഷ്​ടങ്ങൾ മറ്റ്​ ബഹിരാകാശ പേടകങ്ങൾക്ക്​ ഭീഷണിയാകാനും സാധ്യതയുണ്ട്​.