Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Reviewschevron_rightഅൺഅക്കാദമിയുടെ 2.2...

അൺഅക്കാദമിയുടെ 2.2 കോടി യൂസർമാരുടെ സ്വകാര്യ വിവരങ്ങൾ ഡാർക്​ വെബിൽ വിൽപ്പനക്ക്​; വില 1.5 ലക്ഷം

text_fields
bookmark_border
അൺഅക്കാദമിയുടെ 2.2 കോടി യൂസർമാരുടെ സ്വകാര്യ വിവരങ്ങൾ ഡാർക്​ വെബിൽ വിൽപ്പനക്ക്​; വില 1.5 ലക്ഷം
cancel

ന്യൂഡൽഹി: ഇന്ത്യയിലെ ഏറ്റവും വലിയ ഇ-ലേണിങ്​ ആപ്പായ അൺഅക്കാദമി ഇൗ വർഷം ജനുവരിയിൽ  വലിയ സ്വകാര്യ വിവരച്ചോർച്ചയുടെ പേരിൽ വിവാദത്തിലായിരുന്നു. അന്ന്​ കമ്പനി അത്​ സമ്മതിക്കുകയും 1.1 കോടി ഉപയോക്​താക്കളുടെ സ്വകാര്യ വിവരങ്ങളെ ബാധിക്കുമെന്ന മുന്നറിയിപ്പും നൽകിയിരുന്നു. എന്നാൽ, ഞെട്ടിപ്പിക്കുന്ന പുതിയ വിവരങ്ങളാണ്​ ഇപ്പോൾ പുറത്തുവരുന്നത്​.

ഫേസ്​ബുക്കി​​​െൻറ പിന്തുണയോടെ പ്രവർത്തിക്കുന്ന അൺഅക്കാദമി ഹാക്ക്​ ചെയ്​ത വിരുതൻ കമ്പനി അവകാശപ്പെടുന്നതി​​​െൻറ ഇരട്ടിയോളമാണ്​ വിവരങ്ങൾ ചോർത്തിയിരിക്കുന്നത്​. ഡാർക്​ വെബിൽ 1.5 ലക്ഷം രൂപക്ക്​ (2000 ഡോളർ) വിൽപ്പനക്ക്​ വെച്ചിരിക്കുന്നത്​ 2.2 കോടി ഇ-ലേണിങ്​ ഉപയോക്​താക്കളുടെ സ്വകാര്യ വിവരങ്ങളാണ്​. അമേരിക്കൻ സൈബർ സുരക്ഷാ കമ്പനിയായ സൈബിൾ ആണ്​ ഡാർക്​ വെബിൽ അൺഅക്കാദമിയുടെ യൂസർ ഡാറ്റാബേസ്​ വിൽപ്പനക്ക്​ വെച്ചത്​ കണ്ടെത്തിയത്​. 

അൺഅക്കാദമി 20 മില്യൺ എന്ന പേരിൽ വിൽപ്പനക്ക്​ വെച്ച ചോർത്തിയ വിവരങ്ങൾ ഒരാൾ വാങ്ങിയതായും സൂചിപ്പിക്കുന്നുണ്ട്​. ഇ-ലേണിങ്​ ആപ്പ് ഇതുവരെ​ ഉപയോഗിച്ച എല്ലാവരുടെയും വിവരങ്ങൾ​ ഹാക്ക്​ ചെയ്യപ്പെട്ടിട്ടുണ്ട്​ എന്നർഥം​. ഉപയോക്​താക്കളുടെ പേര്​, യൂസർ നെയിം, ഇ-മെയിൽ, പാസ്​വേർഡുകൾ എന്നിങ്ങനെ ഡാറ്റാബേസിൽ ലഭ്യമാണ്​. 

സാധാരണക്കാരുടെ വിവരങ്ങൾക്ക്​ പുറമേ, കോഗ്​നിസൻറ്​, ഗൂഗ്​ൾ, ഇൻഫോസിസ്​, ഫേസ്​ബുക്ക്​, വിപ്രോ തുടങ്ങിയ ടെക്​ വമ്പൻമാരുടെ കോർപറേറ്റ്​ ഇ-മെയിൽ ​ ഐഡികളും ചോർത്തപ്പെട്ടിട്ടുണ്ട്​. ഇനി ഇത്തരം സ്ഥാപനങ്ങളിലെ ജീവനക്കാർ അവരുടെ ഒൗദ്യോഗിക ​ ഐഡികൾ ഉപയോഗിച്ചാണ്​ അൺഅക്കാദമിയിൽ ലോഗിൻ ചെയ്​തിരിക്കുന്നത്​ എങ്കിൽ അതും വലിയ അപകടത്തിലേക്കാണ്​ നയിക്കുക. 

അൺഅക്കാദമി കോ-ഫൗണ്ടറും സി.ഇ.ഒയുമായ ഗൗരവ്​ മഞ്ചൾ ഇതുമായി ബന്ധപ്പെട്ട്​ പ്രതികരിച്ചിട്ടുണ്ട്​. ഉപയോക്​താക്കളുടെ പൊതുവിവരങ്ങൾ മാത്രമാണ്​ ഹാക്ക്​ ചെയ്യപ്പെട്ടിരിക്കുന്നതെന്നും സാമ്പത്തിക വിവരങ്ങളും ലൊക്കേഷനുമെല്ലാം സുരക്ഷിതമാണെന്നും അദ്ദേഹം ട്വിറ്ററിൽ കുറിച്ചു. എന്തായാലും അൺഅക്കാദമി ഉപയോഗിക്കുന്നവർ എത്രയും പെട്ടന്ന്​ അവരവരുടെ പാസ്​വേർഡ്​ മാറ്റുന്നതാണ്​ ഉചിതം. ഉപയോക്​താക്കൾ അവരുടെ സ്വകാര്യ ഇ-മെയിൽ ​​െഎഡിയും പാസ്​വേർഡും ഉപയോഗിച്ചാണ്​ ആപ്പിൽ പ്രവേശിക്കുന്നത്​ എങ്കിൽ അതി​​െൻറ പാസ്​വേർഡും മാറ്റുന്നത്​ സുരക്ഷ വർധിപ്പിക്കും.

Show Full Article
TAGS:dark web unacademy data breach Cyber Attack technology news 
Next Story