ട്വീറ്റുകൾക്ക്​ എഡിറ്റ്​ ബട്ടൺ തരാമെന്ന്​ ട്വിറ്റർ; പക്ഷെ ഒരു കണ്ടീഷൻ

വാഷിങ്​ടൺ: ട്വിറ്ററിനോട്​ അതി​​​െൻറ യൂസർമാർ ഏറ്റവും കൂടുതൽ ആവശ്യപ്പെടുന്ന ഫീച്ചറാണ്​ ട്വീറ്റുകൾക്കുള്ള എഡിറ്റ്​ ബട്ടൺ. ദിവസേനെ ട്വിറ്ററി​​​െൻറ ഒൗദ്യോഗിക ഹാൻഡിലിൽ പോയി ഒാരോരുത്തരും ഇത്​ നിരന്തരം ആവശ്യപ്പെടുന്നുണ്ടെങ്കിലും അതിനോട്​ പുറംതിരിഞ്ഞുനിൽക്കുകയാണവർ. ഒടുവിൽ ട്വിറ്റർ ട്വീറ്റുകൾ​ തിരുത്താനുള്ള എഡിറ്റ്​ ബട്ടൺ നൽകാൻ സമ്മതിച്ചിരിക്കുകയാണ്​. എന്നാൽ, ഒരു വ്യവസ്ഥയുണ്ട്​ എന്ന്​ മാത്രം.

You can have an edit button when everyone wears a mask

— Twitter (@Twitter) July 2, 2020

എല്ലാവരും മാസ്​ക്​ ധരിക്കുകയാണെങ്കിൽ തങ്ങൾ എഡിറ്റ്​ ബട്ടൺ ട്വിറ്ററിൽ ചേർക്കാമെന്നാണ്​ ട്വിറ്റർ ഒൗദ്യോഗിക ഹാൻഡിലിൽ ഇട്ട ട്വീറ്റിൽ പറയുന്നത്​. എന്നാൽ, ഇതിനോട്​ ട്വിറ്ററാട്ടികൾ വ്യത്യസ്​തമായാണ്​ പ്രതികരിച്ചത്​. ചിലർ എല്ലാവരോടും മാസ്​ക്​ ധരിക്കാൻ നിർബന്ധിച്ചപ്പോൾ, മറ്റു ചിലർ ട്വിറ്ററി​​​െൻറ ആവശ്യം നിഷേധിച്ച്​ രംഗത്തെത്തി. അതേസമയം, ഒരു കൂട്ടരാക​െട്ട ഒരിക്കലും എഡിറ്റ്​ ബട്ടൺ നൽകില്ലെന്നാണ്​ ട്വിറ്റർ ഇതുകൊണ്ട്​ ഉദ്ദേശിക്കുന്നതെന്ന്​ പറഞ്ഞ്​ സ്ഥലംവിടുകയും ചെയ്​തു.

Twitter basically said we’re never getting an edit button https://t.co/PBGgFvECW4

— T A M E R A  (@callme_mera) July 2, 2020

When everyone wears a mask, they'll just edit this Tweet. https://t.co/tBRC7NSLjg

— Dan McLaughlin (@baseballcrank) July 3, 2020

ഒരിക്കലും ട്വിറ്ററിൽ ട്വീറ്റുകൾ തിരുത്താനുള്ള ഒാപ്​ഷൻ നൽകില്ലെന്ന്​ സി.ഇ.ഒ ജാക്​ ഡോർസി മുമ്പ്​ വ്യക്​തമാക്കിയിരുന്നു. ഇൗ ഫീച്ചർ തെറ്റായ രീതിയിൽ ഉപയോഗിച്ച്​ ആളുകളെ തെറ്റിധരിപ്പിക്കുന്നതിലേക്ക്​ നയിക്കുമെന്നാണ്​ അദ്ദേഹം പറഞ്ഞത്​.

ലോകമാകെ പടർന്നുപിടിച്ച കോവിഡ്​ 19 വൈറസിനെ പ്രതിരോധിക്കാൻ ലോകാരോഗ്യ സംഘടന മാസ്​ക്​ ധരിക്കൽ നിർബന്ധിതമാക്കിയിരുന്നു. ഇന്ത്യയടക്കമുള്ള രാജ്യങ്ങളിൽ വൈറസ്​ അനിയന്ത്രിതമായി പടർന്നുപിടിക്കു​േമ്പാഴും ആളുകൾ സുരക്ഷാ മാനദണ്ഡങ്ങൾ പാലിക്കാത്തതും അനാവശ്യമായി പുറത്തിറങ്ങുന്നതും വലിയ പ്രതിസന്ധിയാണ്​ സൃഷ്​ടിക്കുന്നത്​.

LATEST VIDEO