Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightThamarasserychevron_rightയൂസർമാർക്ക്​ ഇനി​...

യൂസർമാർക്ക്​ ഇനി​ വരുമാനവും; ക്രിയേറ്റർ ഫണ്ടായി​ ടിക്​ടോക്കി​െൻറ 200 മില്യൺ ഡോളർ

text_fields
bookmark_border
യൂസർമാർക്ക്​ ഇനി​ വരുമാനവും; ക്രിയേറ്റർ ഫണ്ടായി​ ടിക്​ടോക്കി​െൻറ 200 മില്യൺ ഡോളർ
cancel

ന്യൂയോർക്​: വിവരച്ചോർച്ചയും മറ്റ്​ സുരക്ഷാ കാരണങ്ങളും ചൂണ്ടിക്കാട്ടി ഇന്ത്യയിൽ നിന്നും നിരോധിച്ചതിന്​ പിന്നാലെ സുപ്രധാന നീക്കവുമായി ചൈനീസ്​ ഷോർട്ട്​ വിഡിയോ ഷെയറിങ്​ ആപ്പായ ടിക്​ടോക്​. ആപ്പിലൂടെ ഉപയോക്​താക്കൾക്ക്​ വരുമാനം ലഭ്യമാക്കാനായി 200 മില്യൺ അമേരിക്കൻ ഡോളറാണ്​ ബൈറ്റ്​ ഡാൻസ്​ പ്രഖ്യാപിച്ചിരിക്കുന്നത്​. ‘ടിക്​ടോക്​ ക്രിയേറ്റർ ഫണ്ട്’​ എന്ന പേരിൽ അവതരിപ്പിച്ചിരിക്കുന്ന പുതിയ റിവാർഡ്​ പ്രോഗ്രാമിലൂടെയാണ്​ ഉപയോക്​താക്കൾക്ക്​ വരുമാനം ലഭിക്കുക. എന്നാൽ, പണം ലഭിക്കാൻ ചില യോഗ്യതാ മാനദണ്ഡങ്ങൾ പാലിക്കേണ്ടി വരുമെന്ന്​ മാത്രം.

ആപ്പ്​ ഉപയോഗിക്കുന്നയാൾ 18 വയസ്സ്​ തികഞ്ഞിരിക്കണം. ടിക്​ടോകി​​െൻറ മാർഗ നിർദേശങ്ങൾ പാലിച്ചുകൊണ്ടുള്ള  ഒറിജിനൽ ഉള്ളടക്കം പോസ്റ്റ്​ ചെയ്യണം. കൂടാതെ കമ്പനി പറയുന്ന അത്രയും ആളുകൾ ഫോളോ ചെയ്യുന്ന അക്കൗണ്ടും​ ആയിരിക്കണം. -എന്നിങ്ങനെയാണ്​ മാനദണ്ഡങ്ങൾ. അതേസമയം നിലവിൽ അമേരിക്കയിലുള്ള ടിക്​ടോക്​ യൂസർമാർക്ക്​ മാത്രമായിട്ടാണ്​ ബൈറ്റ്​ ഡാൻസ്​ ടിക്​കോട്​ ക്രിയേറ്റർ ഫണ്ട്​ അവതരിപ്പിക്കുന്നത്​. അടുത്ത മാസം മുതലായിരിക്കും ആരംഭിക്കുക. അമേരിക്കയിൽ വിലക്ക്​ ഭീഷണി നേരിടുന്ന സാഹചര്യത്തിലാണ്​ ടിക്​ടോക്കി​​െൻറ ശ്രദ്ധേയമായ പ്രഖ്യാപനം.

പ്ലാറ്റ്​ഫോമിൽ പ്രചോദനാത്മ വിഡിയോകൾ തയാറാക്കി പോസ്റ്റുചെയ്യുന്ന മികച്ച ഉള്ളടക്ക നിർമാതാക്കൾക്കുള്ള പ്രതിഫലമാണ്​ ക്രിയേറ്റർ ഫണ്ടെന്ന്​​ ടിക്​ടോക്​ അറിയിച്ചു​. ആപ്പിനെ ക്രിയാത്മകമായി സമീപിച്ച്​ ആരാധകർക്ക്​ ആനന്ദവും പ്രചോദനവും നൽകുന്നവർക്കുള്ള വരുമാന മാർഗമായിരിക്കും ഇതെന്നും യൂസർമാർക്ക്​ വേണ്ടി ഇനിയും കൂടുതൽ പദ്ധതികളുമായി മുന്നോട്ട്​ വരുമെന്നും ടിക്​ടോക്​ ബ്ലോഗ്​ പോസ്റ്റിലൂടെ അറിയിച്ചു. 

നിലവിൽ ഇന്ത്യയിൽ പൂർണ്ണമായി നിരോധിക്കപ്പെട്ട ടിക്​ടോക്​ അമേരിക്കയിലും ആസ്​ട്രേലിയയിലും നിരോധനത്തി​​െൻറ വക്കിലാണ്​. ചൈനീസ്​ ആപ്പെന്ന പേരിൽ നേരിടുന്ന പ്രതിസന്ധി മറികടക്കാൻ തങ്ങളുടെ ആപ്പിനെ പൂർണ്ണമായും പറിച്ചുനടാനുള്ള ശ്രമവും ബൈറ്റ്​ ഡാൻസ്​ ആരംഭിച്ചിട്ടുണ്ട്​. ലണ്ടനാണ്​ അവർ അടുത്ത തട്ടകമായി ഇപ്പോൾ ആലോചിക്കുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:tiktok
News Summary - TikTok Announces $200 Million Creator Fund
Next Story