Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightThamarasserychevron_rightചൈനീസ്​ ആപ്പുകളുടെ...

ചൈനീസ്​ ആപ്പുകളുടെ നിരോധനം; ഷെയര്‍ചാറ്റിന് വന്‍കുതിപ്പ്

text_fields
bookmark_border
ചൈനീസ്​ ആപ്പുകളുടെ നിരോധനം; ഷെയര്‍ചാറ്റിന് വന്‍കുതിപ്പ്
cancel

കൊച്ചി: രാജ്യസുരക്ഷയും വിവരചോർച്ചയും കണക്കിലെടുത്ത് കേന്ദ്ര സർക്കാർ 59 ചൈനീസ് ആപ്പുകള്‍ക്ക് നിരോധനം ഏര്‍പ്പെടുത്തിയതോടെ സോഷ്യല്‍ മീഡിയ പ്ലാറ്റ്‌ഫോമായ ഷെയര്‍ചാറ്റില്‍ വന്‍കുതിപ്പ്. മണിക്കൂറില്‍ അഞ്ചു ലക്ഷം ഡൗണ്‍ലോഡാണ് പ്ലാറ്റ്‌ഫോമിന് ലഭിക്കുന്നതെന്ന്​ കമ്പനി അധികൃതർ അവകാശപ്പെട്ടു. 

നിരോധനം പ്രഖ്യാപിച്ചശേഷം 1.50 കോടി ഡൗണ്‍ലോഡ് നടന്നു. ചൈനീസ് ആപ്പുകള്‍ നിരോധിച്ചതിന് സര്‍ക്കാറിനെ പിന്തുണച്ചുകൊണ്ട് ഒരു ലക്ഷത്തിലധികം പോസ്​റ്റുകള്‍ പ്ലാറ്റ്‌ഫോമില്‍ വന്നുകഴിഞ്ഞു. പോസ്​റ്റുകള്‍ക്ക് 10 ലക്ഷം പേരുടെ ലൈക്കും വാട്ട്‌സ്ആപ്പില്‍ അഞ്ചു ലക്ഷം പേരുടെ ഷെയറും ഇതിനകം ലഭിച്ചു.

ഇതിനിടെ കേന്ദ്ര സർക്കാറിൻെറ മൈ ഗവ് ഇന്ത്യ (mygovindia) ഷെയര്‍ചാറ്റുമായി സഹകരിക്കുകയാണെന്ന പ്രഖ്യാപനവും ഉണ്ടായി. ഇതോടെ മൈഗവ് ഇന്ത്യക്ക്​ 15 ഇന്ത്യന്‍ ഭാഷകളിലായി ആറു കോടി സജീവ ഉപയോക്താക്കളുമായി കണക്റ്റ് ചെയ്യാനാകും.

ഏറ്റവും പുതിയ കണക്കുകള്‍ അനുസരിച്ച് ഷെയര്‍ചാറ്റിന് 15 ഇന്ത്യന്‍ ഭാഷകളിലായി 15 കോടിയിലധികം രജിസ്​റ്റര്‍ ചെയ്​ത ഉപയോക്താക്കളും ആറ്​ കോടിയിലധികം സജീവ പ്രതിമാസ ഉപയോക്താക്കളുമുണ്ട്. പിന്തുണ നല്‍കിയതില്‍ എല്ലാവരോടും നന്ദിയുണ്ടെന്നും ഷെയര്‍ചാറ്റിൻെറ മറ്റൊരു വിജയത്തിന് ഇത് നല്ലൊരു അടിത്തറയാകുമെന്ന് ഉറപ്പുണ്ടെന്നും സി.ഒ.ഒയും സഹസ്ഥാപകനുമായ ഫരീദ് ആഹ്‌സാന്‍ പറഞ്ഞു.
 

Show Full Article
TAGS:sharechat technology tiktok 
Next Story