മടക്കാവുന്ന ഫോൺ അവതരിപ്പിച്ച്​ സാംസങ്​

16:50 PM
08/11/2018
samsung-232

ഏറെ നാളായി ടെക്​ ലോകത്ത്​ പറഞ്ഞ്​ കേട്ടിരുന്ന വാർത്തയായിരുന്നു സാംസങ്​ മടക്കാവുന്ന ഡിസ്​പ്ലേയുള്ള ഫോൺ പുറത്തിറക്കുന്നു എന്നത്​. എതാനും ദിവസങ്ങൾക്ക്​ മുമ്പ്​ ഫോണി​​​െൻറ ടീസർ ചിത്രം പുറത്ത്​ വിട്ട്​ സാംസങ്​ ആരാധകരുടെ​ പ്രതീക്ഷ വീണ്ടും കൂട്ടി. അതിനിടെ ചൈനയിൽ നിന്നുള്ള കമ്പനി മടക്കാവുന്ന ഫോണുമായി ബന്ധപ്പെട്ട ഗവേഷത്തിൽ ഏറെ മുന്നോട്ട്​ പോയത്​ സാംസങ്ങി​ന്​ ചെറിയ തിരിച്ചടിയായി. പക്ഷേ, ഇപ്പോൾ സാൻഫ്രാൻസിസ്​കോയിൽ നടന്ന ചടങ്ങിൽവെച്ച്​ മടക്കാവുന്ന ഫോൺ ഒൗദ്യോഗികമായി അവതരിപ്പിച്ചിരിക്കുകയാണ്​ സാംസങ്​.

samsung-foldable-phone-23

മടക്കാവുന്ന 7.3 ഇഞ്ച്​ സൂപ്പർ ആമലോഡഡ്​ ഡിസ്​പ്ലേയാണ്​  ഫോണിൽ സാംസങ്​ നൽകിയിരിക്കുന്നത്​. മടക്കിയാൽ ഡിസ്​പ്ലേ വലിപ്പം 4.6 ഇഞ്ചായി ചുരുങ്ങും. പബ്​ജി പോലുള്ള ഗെയിമുകൾ കളിക്കുന്നവർക്ക്​ അനുയോജ്യമാണ്​ വലിയ ഡിസ്​പ്ലേ. ഗ്ലാസിന്​ പകരം ​പ്രത്യേക പോളിമർ ലെയറുമായാണ്​ സാംസങ്ങി​​​െൻറ പുതിയ ഫോൺ വിപണിയിലെത്തുക. ഇൗ കവചം ഡിസ്​പ്ലേ​​​യെ മടക്കു​േമ്പാഴുണ്ടാകുന്ന ആഘാതങ്ങളിൽ നിന്ന്​ സംരക്ഷിക്കും.

മടക്കാവുന്ന ഡിസ്​പ്ലേയുള്ള ഫോൺ എത്തുന്നതിന്​ മുന്നോടിയായി പുതിയ യൂസർ ഇൻറർഫേസും സാംസങ്​ അവതരിപ്പിക്കുന്നുണ്ട്​. ടാബ്​ലറ്റിലും മൊബൈലിലും ഒരുപോലെ ഉപയോഗിക്കാൻ കഴിയുന്ന കൂടുതൽ മികച്ച യുസർഇൻറർഫേസ്​ വികസിപ്പിക്കാനാണ്​ സാംസങ്​ ശ്രമം. ഇതിനായി ഗൂഗിളുമായി ചേർന്ന്​ പദ്ധതികൾ സാംസങ്​ ആവിഷ്​കരിച്ച്​ കഴിഞ്ഞു. 2019ഒാടെ സാംസങ്ങി​​​െൻറ മടക്കാവുന്ന ഫോൺ വിപണിയിലെത്തുമെന്ന സൂചന.

Loading...
COMMENTS