Top
Begin typing your search above and press return to search.
exit_to_app
exit_to_app
Homechevron_rightTECHchevron_rightTech Reviewschevron_rightലോക്​ഡൗണിൽ...

ലോക്​ഡൗണിൽ കൊളംബിയയിൽ ഹോം ഡെലിവറി നടത്തുന്നത്​ റോബോട്ട്​

text_fields
bookmark_border
ലോക്​ഡൗണിൽ കൊളംബിയയിൽ ഹോം ഡെലിവറി നടത്തുന്നത്​ റോബോട്ട്​
cancel

ബൊഗോട്ട: ​കോവിഡ്​ മഹാമാരിയെ തുടർന്ന്​ ജനങ്ങൾ​ വീട്ടിനകത്തിരിക്കാൻ നിർബന്ധിതരായിരിക്കുകയാണ്​. പഴയതുപോ ലെ സാധനങ്ങൾ വാങ്ങാനും ഭക്ഷണം കഴിക്കാനും നിരന്തരം പുറത്തുപോകുന്ന ശീലം കുറച്ചുകാലത്തേക്ക്​ മാറ്റിവെക്കേണ്ട സാഹചര്യമാണ്​. പലയിടങ്ങളിലും ഒാൺലൈൻ ഷോപ്പിങ്​ സേവനങ്ങൾ പോലും പൂർണ്ണമായും നിർത്തലാക്കി. എന്നാൽ ഇൗ അവസരത്തിൽ കൊളംബിയയിലെ ഒരു സ്റ്റാർട്ട്​അപ്പ്​ കമ്പനി പുത്തനൊരു ആശയവുമായി എത്തിയിരിക്കുകയാണ്​.

ആളുകൾ സാധനങ്ങൾ ഹേ ാം ഡെലിവറി ചെയ്യുന്നതാണല്ലോ പ്രശ്​നം. അത്​ റോബോട്ടുകൾ ചെയ്​താൽ എങ്ങനെയിരിക്കും. അതെ, റാപ്പി എന്ന കമ്പനി ഹോട ്ടലുകളിൽ നിന്നും ഭക്ഷണം സുരക്ഷിതമായി വീട്ടിലെത്തിക്കാൻ റോബോട്ടുകളെയാണ് നിരത്തിലിറക്കിയിരിക്കുന്നത്. ലാറ്റിനമേരിക്കൻ രാജ്യങ്ങളിൽ ഏറെ സ്വീകാര്യതയുള്ള ഡെലിവറി കമ്പനിയായ റാപ്പി ലോക്​ഡൗണിൽ സേവനം തുടരാൻ റോബോട്ടുകളെ ആശ്രയിക്കുകയായിരുന്നു. ​അമേരിക്കൻ കമ്പനിയായ കിവി റോബോട്ടുമായി ചേർന്നാണ്​ റാപ്പി റോബോട്ടിന്റെ പ്രവർത്തനം കൈകാര്യം ചെയ്യുന്നത്​.

കൊളംബിയയിലെ വലിയ നഗരങ്ങളിലൊന്നായ മെഡെലിനിൽ നിലവിൽ സേവനം തുടങ്ങിയിട്ടുണ്ട്​. നാല്​ ചക്രങ്ങളിൽ ഒാടുന്ന റോബോട്ടിന്​ ഒരു ആൻറിനയും അതിന്​ മുകളിൽ ഒാറഞ്ച്​ നിറത്തിലുള്ള കൊടിയും നാട്ടിയിട്ടുണ്ട്​. തെരഞ്ഞെടുത്ത പ്രദേശങ്ങളിൽ 35 ചതുരശ്ര സെന്റീമീറ്റർ ചുറ്റളവിലാണ് റോബോട്ടുകൾ ഭക്ഷണ വിതരണം നടത്തുന്നത്. ഭക്ഷണത്തിന്​ ഒാൺലൈനായി പണമടച്ചാൽ റോബോട്ടുകൾ വീട്ടിലെത്തി ഡെലിവറി ചെയ്യും. 'പണി കഴിഞ്ഞെത്തുന്ന' റോബോട്ടുകളെ അണുവിമുക്​തമാക്കുമെന്നും റാപ്പി ഉറപ്പുനൽകുന്നു.

തിരഞ്ഞെടുത്ത ഒരു ​പ്രദേശത്ത്​ മാത്രമായി ഒരു ദിവസം 15 റോബോട്ടുകൾ 120 വീടുകളിലാണ്​ ഭക്ഷണ സാധനങ്ങൾ ഡെലിവറി ചെയ്യുന്നത്​. കോവിഡ്​ 19​ന്റെ പശ്ചാത്തലത്തിൽ ജുലൈ വരെ റോബോട്ടുകളെ വെച്ച്​ തന്നെ സേവനം തുടരാനാണ്​ റാപ്പി തീരുമാനിച്ചിരിക്കുന്നത്​.

തുണീഷ്യയിൽ ലോക്​ഡൗൺ ലംഘിക്കുന്നവരെ പിടിക്കാൻ വിജനമായ തെരുവുകളിൽ ‘പിഗാർഡ്​’ എന്ന പേരിട്ട റോബോട്ടുകളെ ഇറക്കിയത്​ വാർത്തായിരുന്നു. പൊലീസുകാർക്ക്​ നിയമലംഘകരോട്​ സംസാരിക്കാൻ സാധിക്കുന്ന വിധത്തിലായിരുന്നു റോബോട്ടിനെ നിർമിച്ചത്​. എന്തായാലും ഇൗ അടച്ചുപൂട്ടൽ കാലത്ത്​ സേവന സന്നദ്ധരായി റോബോട്ടുകളും രംഗത്തുണ്ട്​.

Show Full Article
TAGS:robot Colombia lock down 
News Summary - robots to deliver restaurant food to homes-technology news
Next Story