Top
Begin typing your search above and press return to search.
exit_to_app
exit_to_app
Homechevron_rightTECHchevron_rightTech Reviewschevron_rightമൊബൈൽ...

മൊബൈൽ നെറ്റ്​വർക്കില്ലാതെയും കോൾ ചെയ്യാം; വീണ്ടും ഞെട്ടിച്ച്​ ജിയോ

text_fields
bookmark_border
മൊബൈൽ നെറ്റ്​വർക്കില്ലാതെയും കോൾ ചെയ്യാം; വീണ്ടും ഞെട്ടിച്ച്​ ജിയോ
cancel

രാജ്യത്തെ മോശം മൊബൈൽ നെറ്റ്​വർക്ക്​ കണക്​ടിവിറ്റി മൂലം ഫോൺ വിളിക്കാൻ കഴിയാത്ത സാഹചര്യത്തിന്​ പരിഹാരവുമ ായി ജിയോ എത്തുന്നു. വോയ്​സ്​ ഒാവർ വൈ-ഫൈ നെറ്റ്​വർക്കാണ്​ ജിയോ ഇതിനായി അവതരിപ്പിക്കുന്നത്​. മൊബൈൽ നെറ്റ്​വർക്ക്​ കുറവുള്ള സ്ഥലങ്ങളിൽ വൈ-ഫൈയുടെ സഹാ​യത്തോടെ കോൾ ചെയ്യാൻ സഹായിക്കുന്നതാണ്​ ജിയോയുടെ പുതിയ സാ​േങ്കതികവിദ്യ. മധ്യപ്രദേശിലാണ്​ ജിയോ സാ​േങ്കതിക വിദ്യയുടെ പരീക്ഷണം നടത്തുന്നത്​.

പുതുവർഷത്തോടെ ആന്ധ്രപ്രദേശ്​, തെലങ്കാന, കേരള തുടങ്ങിയ സംസ്ഥാനങ്ങളിൽ വോയ്​സ്​ ​ഒാവർ വൈ-ഫൈയുടെ പരീക്ഷണം തുടങ്ങുമെന്നാണ്​ റിപ്പോർട്ടുകൾ. അതിന്​ ശേഷവമാവും മറ്റ്​ സംസ്ഥാനങ്ങളിലേക്ക്​ എത്തുക. ആദ്യഘട്ടത്തിൽ ജിയോ ​നമ്പറുകളിലേക്ക്​ മാത്രമാവും വൈ-ഫൈ ഉപയോഗിച്ച്​ കോൾ ചെയ്യാൻ കഴിയുക. എന്നാൽ, പിന്നീട്​ എല്ലാ നമ്പറുകളിലേക്കും വിളിക്കാവുന്ന രീതിയിലേക്ക്​ ഇതിനെ മാറ്റിയെടുക്കും.

സ്​മാർട്ട്​ഫോണുകൾക്കൊപ്പം ജിയോയുടെ ഫീച്ചർ ഫോണുകളിലും ഇത്​ ലഭ്യമാവും. കോൾ ഡ്രോപ്പ്​ ഉൾപ്പടെയുള്ള പ്രശ്​നങ്ങളിൽ നിന്ന്​ റിലയൻസ്​ ജിയോയും നിലവിൽ മുക്​തമല്ല. പുതിയ സാ​​േങ്കതിക വിദ്യ ഒരുപരിധി വരെ ഇതിന്​ പരിഹാരമാകുമെന്നാണ്​ കമ്പനിയുടെ കണക്ക്​ കൂട്ടൽ.

Show Full Article
TAGS:Reliance Jio VoWiFi call drop technology mobiles malayalam news 
News Summary - Reliance Jio testing VoWiFi once again-​Technology
Next Story