ഷവോമിയുടെ പുതിയ ഫോൺ എത്തുന്നു; വില 4.8 ലക്ഷം

വിലക്കുറവാണ്​ ചൈനീസ്​ കമ്പനിയായ ഷവോമിയെ ഇന്ത്യൻ വിപണിയിൽ പ്രിയങ്കരമാക്കുന്നത്​. എന്നാൽ, ഇക്കുറി ഷവോമി പുറത്തിറക്കുന്ന ഫോണിൻെറ വില കേട്ടാൽ ആരാധകരൊന്നു ഞെട്ടും. കാരണം ഐഫോണിൻെറ പ്രീമിയം മോഡലുകളേക്കാൾ വില കൂടുതലാണ്​ ഷവോമിയുടെ പുതിയ ഫോണിന്​. 4.8 ലക്ഷം രൂപയുടെ ഫോണാണ്​ കമ്പനി ഇന്ത്യൻ വിപണിയിൽ പുറത്തിറക്കുന്നത്​​.

റെഡ്​മിയുടെ കെ20 പ്രോയുടെ സ്​പെഷ്യൽ വേരിയൻറാണ്​ ആരാധകരെ ഞെട്ടിച്ച്​ പുറത്തിറങ്ങുന്നത്​. സ്​പെഷ്യൽ എഡിഷൻ കെ20 പ്രോയുടെ പിൻ കവർ നിർമിച്ചിരിക്കുന്നത്​ പൂർണമായും സ്വർണത്തിലാണ്​. ഇതിന്​ മുകളിലായി ഡയമണ്ട്​ കൊണ്ട്​ ​K എന്ന്​ എഴുതിയിട്ടുമുണ്ട്​.

കാർബൺ ഫൈബർ ബോഡിയിലാവും ഫോൺ നിർമിക്കുക എന്നതാണ്​ സൂചന. അതേസമയം, ഫോണിൻെറ സ്​പൈസിഫിക്കേഷനുകളെ കുറിച്ച്​ ഷവോമി സൂചനകളൊന്നും നൽകിയിട്ടില്ല. 12 ജി.ബി റാമും 512 ജി.ബി സ്​റ്റോറേജുമായിട്ടാവും ഫോൺ വിപണിയിലെത്തുക എന്നാണ്​ സൂചന.