റിലയൻസിനെ വെല്ലുവിളിച്ച്​ ടാറ്റ സ്​കൈ

മുംബൈ: ഇന്ത്യൻ ടെലികോം രംഗത്ത്​ വലിയ പുരോഗതിയുണ്ടാക്കിയ കമ്പനികളിലൊന്നാണ്​ റിലയൻസി​​െൻറ ജിയോ. മുകേഷ്​ അംബാനിയുടെ ഉടമസ്ഥതയിലുള്ള റിലയൻസ്​ ജി​േയാ എത്തിയതോടെ മറ്റ്​ മൊബൈൽ സേവനദാതാക്കൾക്ക്​ കാലിടറുന്നതിന്​ ഇന്ത്യൻ ടെലികോം ലോകം സാക്ഷിയായി. ഇതൊടൊപ്പം ബ്രോഡ്​ബാൻഡ്​ സേവനവും അവതരിപ്പിച്ച്​ ഇന്ത്യയിലെ സാന്നിദ്ധ്യം കൂടുതൽ ശക്​തമാക്കാൻ ഒരുങ്ങുകയാണ്​ റിലയൻസ്​. എന്നാൽ, ഇപ്പോൾ റിലയൻസ്​ ജിയോക്ക്​ കടുത്ത വെല്ലുവിളി ഉയർത്തി രംഗത്തെത്തിയിരിക്കുകയാണ്​ ടാറ്റ സ്​കൈ.

അൺലിമിറ്റഡ്​ പ്ലാനുകളുമായി പുതിയ ബ്രോഡ്​ബാൻഡ്​ സേവനം അവതരിപ്പിക്കുകയാണ്​ ടാറ്റ സ്​കൈ. 14 നഗരങ്ങളിലായിരിക്കും ടാറ്റ സ്​കൈയുടെ ബ്രോഡ്​ബാൻഡ്​ സേവനം ലഭ്യമാവുക. കമ്പനി വെബ്​സൈറ്റ്​ വഴി എതൊക്കെ പ്രദേശത്ത്​ ടാറ്റ സ്​കൈയുടെ ബ്രോഡ്​ബാൻഡ്​​ ഇൻറർനെറ്റ്​ ലഭ്യമാവുമെന്ന്​ അറിയാം. 

അഞ്ച്​ മുതൽ 100 എം.ബി.പി.എസ്​ വരെ വേഗതിയിലായിരിക്കും ടാറ്റ സ്​കൈ ബ്രോഡ്​ബാൻഡ്​ സേവനം നൽകുക. അഞ്ച്​ എം.ബി.പി.എസ്​ വേഗതയിൽ പ്രതിമാസം ബ്രോഡ്​ബാൻഡ്​ ഇൻറർനെറ്റ്​ ലഭിക്കുന്നതിന്​ 999 രൂപയാണ്​ നിരക്ക്​. 100 എം.ബി.പി.എസ്​ വേഗതയിൽ പ്രതിമാസം ഇൻറർനെറ്റ്​ ലഭിക്കുന്നതിന്​  2500 രൂപയാണ്​​. 

നേരത്തെ ആഗസ്​റ്റ്​ 15 മുതൽ ബ്രോഡ്​ബാൻഡ്​ ഇൻറർനെറ്റിനുള്ള രജിസ്​ട്രേഷൻ റിലയൻസ്​ ജിയോ ആരംഭിച്ചിരുന്നു. എന്നാൽ, പ്ലാനുകളെ കുറിച്ചുള്ള കൂടുതൽ വിവരങ്ങൾ ജിയോ പങ്കു​വെച്ചിരുന്നില്ല. ഇതിനിടെയാണ്​ ബ്രോഡ്​ബാൻഡ്​ സേവനവുമായി ടാറ്റ സ്​കൈ രംഗത്തെത്തിയത്​.