ജിയോയെ വെല്ലാൻ വോഡഫോൺ ​െഎഡിയയുമായി കൈകോർക്കുന്നു

മുംബൈ: ​റിലയൻസ്​ ജിയോ ഉയർത്തുന്ന വെല്ലുവിളി നേരിടാൻ വോഡഫോൺ ​െഎഡിയയുമായി സഹകരണത്തിന്​ ഒരുങ്ങുന്നു​. ഇക്കണോമിക്​സ്​ ടൈംസാണ്​ വാർത്ത പുറത്ത്​ വിട്ടത്​. വോഡഫോണിനെ സംബന്ധിച്ച്​നിർണായകമായ വിപണിയാണ്​ ഇന്ത്യ. എന്നാൽ ഏത്​ തരത്തിലുള്ള സഹകരണമാണ്​ ഇരു കമ്പനികളും തമ്മിൽ ഉണ്ടാവുക എന്ന കാര്യത്തിൽ ഇനിയും വ്യക്​തതയായിട്ടില്ലെന്ന്​ ഇക്കണോമിക്​സ്​ ടൈംസ്​ റിപ്പോർട്ട്​ ചെയ്യുന്നു​.

ഇരു കമ്പനികളും ഒന്നിച്ച്​ ചേരുകയാണെങ്കിൽ ഇന്ത്യയിലെ ഏറ്റവും വലിയ ടെലികോം കമ്പനിയായി അത്​ മാറും. ഇത്​ വലിയ വെല്ലുവിളി ഉയർത്തുക ഭാരതി എയർടെല്ലിനാണ്​. ഇരു കമ്പനികളും ലയിക്കുക എന്നത്​ വളരെ പ്രയാസകരമായിരിക്കും എന്നാണ്​ സാമ്പത്തിക രംഗത്തെ വിദഗ്​ധരുടെ അഭിപ്രായം. ടെലികോം റെഗുലേറ്ററി എജൻസിയായ ട്രായിയുടെ അനുമതി അടക്കം നിരവധി കടമ്പകൾ കടക്കേണ്ടി വരും. സെപ്​​ക്​ട്രം ഉൾപ്പടെയുള്ള കാര്യങ്ങളിലും നിയമപരമായ പ്രശ്​നങ്ങൾ നേരിടേണ്ടി വരും. ഇതെല്ലാം പരിഹരിച്ച്​ മാത്രമേ പരസ്​പര ധാരണയിലെത്താൻ ഇരു കമ്പനികൾക്കും സാധിക്കുകയുള്ളു.

എന്നാൽ ഇരു കമ്പനികളുടെയും സഹകരണം നടപ്പിലായാൽ ഇന്ത്യയിലെ പ്രമുഖ മൊബൈൽ ടവർ നിർമാതാക്കളായ ഇൻഡസ്​ ടവറി​െൻറ 58 ശതമാനം ഒാഹരികളും ഇൗ കമ്പനികളുടെ വരുതിയിലാവും​. ഇതും എയർടെല്ലിന്​ വെല്ലുവിളി ഉയർത്തും. ഇൗ സാഹചര്യത്തിൽ പരസ്​പര ധാരണ എന്നത്​ എ​ത്രത്തോളം സാധ്യമാവുമെന്നാണ്​ വിപണിയിലെ വിദഗ്​ധരുടെ ചോദ്യം