വില കുറഞ്ഞ ടാബുമായി മൈക്രോസോഫ്​റ്റ്​ 

18:07 PM
15/12/2018
SURFACE-GO

മൈക്രോസോഫ്​റ്റി​​െൻറ സർഫേസ്​ സീരീസിലെ വില കുറഞ്ഞ ടാബ്​  ഇന്ത്യൻ വിപണിയിൽ. വിൻഡോസ്​ 10 അധിഷ്​ഠിതമാക്കി പ്രവർത്തിക്കുന്ന സർഫേസ്​ ഗോ എന്ന ടാബ്​ലെറ്റാണ്​​ ഇന്ത്യയിൽ അവതരിപ്പിച്ചിരിക്കുന്നത്​. യു.എസ്​ വിപണിയിൽ കഴിഞ്ഞ ജൂണിൽ ടാബ​്​ലെറ്റ്​​ എത്തിയിരുന്നു.  വൈ-ഫൈ വകഭേദമാണ്​ ഇപ്പോൾ ഇന്ത്യയിൽ അവതരിപ്പിച്ചിരിക്കുന്നത്​.

 37,999 രൂപ മുതലാണ്​ സർഫേസ്​ ഗോയുടെ വില തുടങ്ങുന്നത്​. 4 ജി.ബി റാമും 64 ജി.ബി സ്​റ്റോറേജുമാണ്​ മോഡലിനുള്ളത്​. 49,999 രൂപക്ക്​ 8 ജി.ബി റാമും 128 ജി.ബി സ്​റ്റോറേജുമുള്ള മറ്റൊരു മോഡലും കമ്പനി വിപണിയിലെത്തിക്കുന്നുണ്ട്​. 1800X1200 പിക്​സൽ റെസല​ുഷനിലുള്ള 10 ഇഞ്ച്​ ഡിസ്​പ്ലേയാണ്​ സർഫേസ്​ ഗോയ്​ക്ക്​ നൽകിയിരിക്കുന്നത്​. 5 മെഗാപിക്​സലി​​െൻറ മുൻ കാമറയും 8 മെഗാപിക്​സലി​​െൻറ പിൻ കാമറയും ഉൾപ്പെടുത്തിയിരിക്കുന്നു​. 

യു.എസ്​.ബി-സി 3.1, ഹെഡ്​ഫോൺ ജാക്ക്​, സ്​റ്റോറേജ്​ വർധിപ്പിക്കാനായി മൈക്രോ എസ്​.ഡി കാർഡ്​ റീഡർ എന്നിവയെല്ലാം ടാബിലുണ്ട്. ഒമ്പത്​ മണിക്കൂർ ബാറ്ററി ബാക്ക്​ അപും ടാബിന്​ ലഭിക്കുമെന്നാണ്​​ മൈക്രോസോഫ്​റ്റി​​െൻറ അവകാശവാദം. ഫ്ലിപ്​കാർട്ട്​ വഴി പ്രീ-ഒാർഡർ നൽകാനുള്ള അവസരമാണ്​ മൈക്രോസോഫ്​റ്റ്​ ഇപ്പോൾ നൽകുന്നത്​. ഡിസംബർ 28 മുതലായിരിക്കും ടാബി​​െൻറ ഡെലിവറി ആരംഭിക്കുക.

Loading...
COMMENTS