Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Reviewschevron_rightസമൂഹ മാധ്യമത്തെ​...

സമൂഹ മാധ്യമത്തെ​ ആധാറുമായി ബന്ധിപ്പിക്കൽ; സുപ്രീംകോടതി വാദം കേൾക്കും

text_fields
bookmark_border
സമൂഹ മാധ്യമത്തെ​ ആധാറുമായി ബന്ധിപ്പിക്കൽ; സുപ്രീംകോടതി വാദം കേൾക്കും
cancel

ന്യൂഡൽഹി: സമൂഹ മാധ്യമ അക്കൗണ്ട്​ ആധാറുമായി ബന്ധിപ്പിക്കണമെന്നാവശ്യപ്പെടുന്ന കേസിൽ സുപ്രീംകോടതി വാദം കേൾക ്കും. സമാന ആവശ്യമുന്നയിച്ചുകൊണ്ട്​ മദ്രാസ്​, ബോംബെ, മധ്യപ്രദേശ്​ ഹൈകോടതികളിൽ സമർപ്പിക്കപ്പെട്ട കേസുകൾ വാദ ം കേൾക്കലിനായി സുപ്രീംകോടതിയിലേക്ക്​ മാറ്റണമെന്ന ഫേസ്​ബുക്കി​​​െൻറ ഹരജി കോടതി അംഗീകരിച്ചു.

കേന്ദ്രത് തിനും ഗൂഗ്​ൾ, ട്വിറ്റർ, യു ട്യൂബ്​ എന്നീ സമൂഹ മാധ്യമങ്ങൾക്കും സുപ്രീംകോടതി നോട്ടീസ്​ അയച്ചിട്ടുണ്ട്​. സെപ്​തംബർ 13നകം വിഷയത്തിൽ അഭിപ്രായം അറിയിക്കണമെന്ന്​ ജസ്​റ്റിസ്​ ദീപക്​ ഗുപ്​ത, അനിരുദ്ധ ബോസ്​ എന്നിവരുൾപ്പെട്ട ബെഞ്ച്​​ ഉത്തരവിട്ടു. സമൂഹ മാധ്യമങ്ങളെ ആധാർ കാർഡുമായി ബന്ധിപ്പിക്കുന്നതുമായി ബന്ധപ്പെട്ട്​ മദ്രാസ്​ ഹൈകോടതിയിലുള്ള വാദം ​തുടരുമെന്നും എനാൽ അന്തിമ വിധി പുറപ്പെട​ുവിക്കില്ലെന്നും സുപ്രീംകോടതി വ്യക്തമാക്കി.

വ്യാജവാർത്തകളും അപകീർത്തിപ്പെടുത്തുന്നതും അശ്ലീല ഉള്ളടക്കമുള്ളതും ദേശവിരുദ്ധ, തീവ്രവാദ പ്രവർത്തനങ്ങളും തടയുന്നതിന്​ സമൂഹ മാധ്യമ അക്കൗണ്ട്​ ആധാർ നമ്പറുമായി ബന്ധിപ്പിക്കേണ്ടതുണ്ടെന്ന്​ തമിഴ്​നാട്​ സർക്കാർ തിങ്കളാഴ്​ച സുപ്രീംകോടതിയിൽ വ്യക്തമാക്കിയിരുന്നു.

എന്നാൽ ആധാർ നമ്പറും ബയോമെട്രിക്​ യുണീക്​​​ ഐഡൻറിറ്റിയും സമൂഹമാധ്യമങ്ങളുമായി പങ്കിടുന്നത്​ ഉപഭോക്താക്കളുടെ സ്വകാര്യത നയത്തി​നെ ലംഘിക്കുന്നതാണെന്ന്​ ചൂണ്ടിക്കാട്ടി ഫേസ്​ബുക്ക്​ നിർദേശ​ത്തെ എതിർത്തു. വാട്​സ്​ ആപ്​ എൻഡ്​ ടു എൻഡ്​ എൻക്രിപ്​റ്റ്​ ചെയ്​തതിനാൽ മൂന്നാം കക്ഷിക്ക്​ വാട്​സ്​ആപ്പിൽ പ്രവേശിക്കാനാവില്ല. അതിനാൽ തന്നെ ആധാർ നമ്പർ വാട്​സ്​ആപിൽ പങ്കിടാൻ സാധ്യമല്ലെന്നും ഫേസ്​ബുക്ക്​ കോടതിയെ അറിയിച്ചു..

Show Full Article
TAGS:Social Media Accounts Aadhaar supreme court facebook technology news malayalam news 
Next Story