ഇന്ത്യയുടെ ഭൗമനിരീക്ഷണ ഉപഗ്രഹം ഭ്രമണപഥത്തിൽ

17:52 PM
11/12/2019
risat-2br

ന്യൂഡൽഹി: ഇന്ത്യയുടെ അത്യാധുനിക ഭൗമനിരീക്ഷണ ഉപഗ്രഹം റിസാറ്റ്​-2ബി.ആർ 1 ഭ്രമണപഥത്തിൽ. ആന്ധ്രപ്രദേശിലെ ശ്രീഹരികോട്ടയിൽ നിന്നായിരുന്നു വിക്ഷേപണം. പി.എസ്​.എൽ.വി  സി-48 സാറ്റ്​ലൈറ്റാണ്​ ഉപഗ്രഹവും കൊണ്ട്​ കുതിച്ചത്​. ഒമ്പത്​ വിദേശ ഉപഗ്രഹങ്ങളും ഇതിനൊപ്പം ഐ.എസ്​.ആർ.ഒ വിക്ഷേപിച്ചിട്ടുണ്ട്​.  

576 കിലോ ഗ്രാമാണ്​ റിസാറ്റ്​-2 ബി.ആർ 1ൻെറ ഭാരം. സൈനികാവശ്യത്തിനാണ്​ പ്രധാനമായും റിസാറ്റ്​-2 ബി.ആർ 1  ഉപയോഗിക്കന്നത്​. ഇതിനൊപ്പം കാർഷികാവശ്യങ്ങൾക്കായും ദുരന്തനിവാരണത്തിനായും വനനിരീക്ഷണത്തിനും പ്രയോജനപ്പെടുത്തും. 

ഉച്ചക്ക്​ 3.25 ഓടെയാണ്​ ഉപഗ്രഹത്തെയും വഹിച്ച്​ പി.എസ്​.എൽ.വി റോക്കറ്റ്​ കുതിച്ചത്​. 16 മിനിട്ട്​ കൊണ്ട്​  ഭ്രമണപഥത്തിൽ പി.എസ്​.എൽ.വി ഉപഗ്രഹത്തെ എത്തിച്ചു. അഞ്ച്​ വർഷമായിരിക്കും ഉപഗ്രഹത്തിൻെറ കാലാവധി.

Loading...
COMMENTS