ആദ്യമായി ഡ്യുവൽ സിം; കിടിലൻ മോഡലുകളുമായി ആപ്പിൾ

കാത്തിരിപ്പുകൾക്ക്​ വിരാമമിട്ട്​ മൂന്ന്​ പുതിയ ​െഎഫോൺ മോഡലുകൾ ആപ്പിൾ പുറത്തിറക്കി. ​െഎഫോൺ X എസ്​, X എസ്​ മാക്​സ്, X ആർ​ എന്നീ മോഡലുകളാണ്​ പുറത്തിറക്കിയത്​. ആപ്പിൾ X എസിന്​ 5.8 ഇഞ്ചും X എസ്​ മാക്​സിന്​ 6.5 ഇഞ്ചുമാണ്​ ഡിസ്​പ്ലേ വലിപ്പം. സുപ്പർ റെറ്റിന ഒ.എൽ.ഇ.ഡി ഡിസ്​പ്ലേയാണ്​ ഇരു മോഡലുകൾക്കും നൽകിയിരിക്കുന്നത്​.

​െഎഫോൺ എക്​സിലെ A11 പ്രൊസസർ മാറ്റി കൂടുതൽ കരുത്ത്​ കൂടിയ A12 ആണ്​ ഇരു മോഡലുകൾക്കും നൽകിയിരിക്കുന്നത്​. പഴയ പ്രൊസസറുമായി താരത്മ്യം ചെയ്യു​േമ്പാൾ 15 ശതമാനം വേഗത കൂടുതലാണ്. മുൻ മോഡലിനേക്കാൾ 40 ശതമാനം ബാറ്ററി ഉപയോഗവും കുറവാണ്​. 50 ശതമാനം കൂടുതൽ വേഗതയിൽ ഗ്രാഫിക്​സും പ്രത്യേകതയാണ്​. ഇരട്ട സിം പ്രേമികളെ കൂടി കൈയിലെടുക്കാൻ ആദ്യമായി ഡ്യുവൽ സിം കൂടി ഫോണിനൊപ്പം ഉൾപ്പെടുത്തി. സാധാരണ സ്ലിം സ്ലോട്ട്​ കൂടാതെ ഇ-സിം കാർഡ്​ കൂടി പുതിയ ​െഎഫോണിൽ ഉപയോഗിക്കാം.

12 മെഗാപിക്​സലി​​​​െൻറ ഇരട്ട പിൻ കാമറകളാണ്​ മോഡലുകൾക്ക്​​ ആപ്പിൾ നൽകിയിരിക്കുന്നത്​. ഒരു കാമറക്കൊപ്പം ടെലിഫോ​േട്ടാ ലെൻസും മറ്റൊന്നിന്​ വൈഡ്​ ആംഗിൾ ലെൻസുമാണ്​ ഉൾപ്പെടുത്തിയിട്ടുണ്ട്​​. ആർട്ടിഫിഷ്യൽ ഇൻറലിജൻസി​​​​െൻറ സേവനം ഇരുഫോണുകളിലും ഉപയോഗിച്ചിട്ടുണ്ട്​. ഗെയിമിങ്ങിലുൾപ്പടെ ഇതി​​​​െൻറ ഭാഗമായി വിപ്ലവകരമായ മാറ്റങ്ങൾ ഉണ്ടാവും.

കൂടുതൽ ആളുകളിലേക്ക്​ ​െഎഫോൺ എത്തിക്കുക എന്ന ലക്ഷ്യം മുൻനിർത്തിയാണ്​ ​െഎഫോൺ X ആർ എന്ന മോഡൽ ആപ്പിൾ പുറത്തിറക്കിയത്​​. ​6.1 ഇഞ്ച് എൽ.സി.ഡി​ ഡിസ്​പ്ലേയുമായാണ്​ ​െഎഫോൺ x ആർ പുറത്തിറങ്ങുന്നത്​. വില കുറഞ്ഞ മോഡലായ ​െഎഫോൺ X ആറിൽ വൈഡ്​ ആംഗിൾ ലൈൻസുമായെത്തുന്ന ഒരു കാമറ മാത്രമാണ്​ ഉള്ളത്​. 64,128,256 ജി.ബി വേരിയൻറുകളിൽ ​െഎഫോൺ X ആർ വിപണിയിലെത്തും. ​െഎഫോൺ X എസിനും മാക്​സിനുംമൊപ്പം 512 ജി.ബിയുടെ വേരിയൻറ്​ കൂടി ഉൾപ്പെടുത്തിയിട്ടുണ്ട്​. 749 ഡോളറിലാണ്​ ​െഎഫോൺ X ആറി​​​​െൻറ വില തുടങ്ങുന്നത്​. മറ്റ്​ രണ്ട്​ മോഡലുകൾക്കും യഥാക്രം 999 ഡോളറും 1099 ഡോളറുമാണ്​ വില.