പഴയ തിരക്കില്ല; ഐഫോൺ 11ന്​ ചൈനയിൽ തണുപ്പൻ പ്രതികരണം

20:23 PM
20/09/2019
i-phone-11

ഐഫോൺ 11 ​സീരിസ്​ ഫോണുകൾ ചൈനയിൽ പുറത്തിറങ്ങി. വെള്ളിയാഴ്​ച സ്​റ്റോറുകളിലെത്തിയ ഫോണിന്​ തണുപ്പൻ പ്രതികരണമാണ്​ ചൈനയിൽ ലഭിക്കുന്നത്​. മുമ്പ്​ ഐഫോണുകൾ പുറത്തിറങ്ങിയപ്പോഴുള്ള നീണ്ട ക്യു ഇക്കുറിയില്ല എന്നതാണ്​ പ്രധാന സവിശേഷത. 

കഴിഞ്ഞ വർഷം ഐഫോൺ മോഡലുകൾ വാങ്ങാൻ നൂറു കണക്കിന്​ ആളുകൾ സ്​റ്റോറുകൾക്ക്​ മുന്നിൽ കാത്തിരുന്നുവെങ്കിൽ ഇക്കുറി എതാനം കടുത്ത ആപ്പിൾ ആരാധകർ മാത്രമാണ്​ എത്തിയത്​. വില കുറഞ്ഞ സ്​മാർട്ട്​ഫോണുകൾ ആപ്പിളിൻെറ വിപണി വിഹിതത്തിൽ വൻ ഇടിവുണ്ടാക്കുന്നുവെന്ന വാർത്തകൾക്കിടെയാണ്​ ചൈനയിൽ ആപ്പിൾ ഫോണുകൾക്ക്​ തണുപ്പൻ പ്രതികരണം ലഭിക്കുന്നത്​. വിവിധ ഓൺലൈൻ ഷോപ്പിങ്​ സൈറ്റുകളിലും ഫോൺ വാങ്ങാൻ പ്രതീക്ഷിച്ച ഉപഭോക്​താക്കൾ എത്തിയിട്ടില്ല.

ഐഫോൺ 11 സീരിസിൽ മൂന്ന്​ ഫോണുകളാണ്​ ആപ്പിൾ പുറത്തിറക്കിയത്​. ഐഫോൺ 11, ഐഫോൺ 11 പ്രോ, ഐഫോൺ 11 പ്രോ മാക്​സ്​ എന്നീ ഫോണുകളാണ്​ ആപ്പിൾ പുറത്തിറക്കിയത്​.

Loading...
COMMENTS