Begin typing your search above and press return to search.
proflie-avatar
Login
exit_to_app
exit_to_app
Homechevron_rightTECHchevron_rightTech Reviewschevron_rightആമസോൺ,...

ആമസോൺ, ഫ്ലിപ്​കാർട്ട്​ ഓഫർ പെരുമഴക്ക്​ പൂട്ടിടാൻ കേന്ദ്രസർക്കാർ

text_fields
bookmark_border
amazon-flipkart-23
cancel

ന്യൂഡൽഹി: വിദേശ ഓൺലൈൻ സൈറ്റുകളായ ആമസോണും ഫ്ലിപ്​കാർട്ടും നടത്തുന്ന ഓഫർ പെരുമഴ നിയന്ത്രിക്കാൻ നടപടിയുമായി ക േന്ദ്രസർക്കാർ. ചെറുകിട നിക്ഷേപകരെ സഹായിക്കുന്നതിനായാണ്​ പുതിയ നീക്കമെന്നാണ്​ കേന്ദ്രസക്കാർ നൽകുന്ന വിശദീകര ണം. ഓഫർ വിൽപനകളെ നിയന്ത്രിക്കുന്ന പുതിയ വിദേശനിക്ഷേപ നിയമം പാലിക്കാൻ ആമസോണും ഫ്ലിപ്​കാർട്ടും ബാധ്യസ്ഥരാണെന ്ന്​ വ്യവസായ മന്ത്രി പിയൂഷ്​ ഗോയൽ കമ്പനികളെ അറിയിച്ചു.

ഓൺലൈൻ ഷോപ്പിങ്​ സൈറ്റുക​ളുടെ ഓഫർ വിൽപനകൾ നിയന്ത്രിക്കുന്നതിനായാണ്​ കഴിഞ്ഞ ഫെബ്രുവരിയിൽ കേന്ദ്രസർക്കാർ വിദേശനിക്ഷേപ നിയമം പാസാക്കിയത്​. കടുത്ത വ്യവസ്ഥകളാണ്​ നിയമത്തിൽ കേന്ദ്രസർക്കാർ ഉൾപ്പെടുത്തിയിരിക്കുന്നത്​. ഇ-കോമേഴ്​സ്​ കമ്പനികൾക്ക്​ ഏതെങ്കിലും തരത്തിൽ ഓഹരി പങ്കാളിത്തമുള്ള കമ്പനികളുടെ ഉൽപന്നങ്ങൾക്ക്​ അവരുടെ തന്നെ ഓൺലൈൻ സൈറ്റുകളിലൂടെ വിറ്റഴിക്കുന്നതിന്​ നിയമപ്രകാരം നിയ​ന്ത്രണമുണ്ട്​. ക്ലൗഡ്​ ടെൽ, അപാരിയോ തുടങ്ങിയ കമ്പനികളിൽ ഓഹരി പങ്കാളിത്തമുള്ള ആമസോണിനാണ്​ ഇത്​ കനത്ത തിരിച്ചടി നൽകുക.

ഇതിന്​ പുറമേ ഉൽപാദകരുമായി നേരിട്ട്​ കരാറിലേർപ്പെട്ട്​ ഉൽപന്നങ്ങൾ എക്​സ്​ക്ലുസീവായി ഓൺലൈൻ സൈറ്റുകളിലൂടെ വിറ്റഴിക്കുന്നതും നിയമം നിയന്ത്രിക്കുന്നു. വിവിധ സ്​മാർട്ട്​ഫോൺ നിർമാതാക്കളുമായി സഹകരിച്ച്​ ഓൺലൈൻ ഷോപ്പിങ്​ സൈറ്റുകൾ എക്​സ്​ക്ലൂസീവായി ഉൽപന്നങ്ങൾ വിറ്റഴിക്കാറുണ്ട്​. ​ഓൺലൈൻ ഷോപ്പിങ്​ സൈറ്റുകൾ വഴി വിറ്റഴിക്കുന്ന ഉൽപന്നങ്ങളിൽ 50 ശതമാനവും മൊബൈൽ ഫോണുകളാണ്​. അതേസമയം, കേന്ദ്രസർക്കാറിൻെറ നിർദേശത്തോട്​ ആമസോണോ ഫ്ലിപ്​​കാർ​ട്ടോ ഇതുവരെ പ്രതികരിച്ചിട്ടില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Flipkartmalayalam newsOffer saleTechnology News
News Summary - India warns foreign e-commerce firms like Amazon, Flipkart-Technology
Next Story