Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_right2ജി മുക്​ത ഭാരതം; വില...

2ജി മുക്​ത ഭാരതം; വില കുറഞ്ഞ 5ജി ഫോണുകൾക്കായി കൈകോർത്ത്​ ജിയോയും ഗൂഗ്​ളും

text_fields
bookmark_border
2ജി മുക്​ത ഭാരതം; വില കുറഞ്ഞ 5ജി ഫോണുകൾക്കായി കൈകോർത്ത്​ ജിയോയും ഗൂഗ്​ളും
cancel

ഗൂഗ്​ളുമായി സഹകരിച്ച്​ വില കുറഞ്ഞ 5ജി സ്​മാർട്ട്​ഫോൺ വിപണിയിലെത്തിക്കാനുള്ള നീക്കവുമായി ജിയോ. റിലയൻസി​​​െൻറ 43ാം വാർഷിക ജനറൽ മീറ്റിങ്ങിലാണ്​ (എ.ജി.എം)മുകേഷ്​ അംബാനി പുതിയ പ്രഖ്യാപനം നടത്തിയത്​. 7.7 ശതമാനം ഒാഹരികൾക്കായി ജിയോ പ്ലാറ്റ്ഫോമിൽ ഗൂഗ്​ൾ 4.5 ബില്യൺ ഡോളൾ (33,737 കോടി)​ നിക്ഷേപിച്ചതിന്​​ പിന്നാലെയാണ്​ അംബാനിയുടെ പ്രഖ്യാപനം​.

പങ്കാളിത്തത്തി​​​െൻറ ഭാഗമായി ഇരുകമ്പനികളും ഇന്ത്യക്കാർക്ക്​ താങ്ങാനാവുന്ന വിലയിലുള്ള 5ജി സ്​മാർട്ട്​ഫോണുകൾ നിർമിക്കും. അതിനോടൊപ്പം ഗൂഗ്​ളുമായി സഹകരിച്ച്​ ആൻഡ്രോയ്​ഡ്​ അടിസ്ഥാനമാക്കിയുള്ള പുതിയ ഒാപറേറ്റിങ്​ സിസ്റ്റത്തി​​​െൻറയും പണിപ്പുരയിലാണ്​ ജിയോ. നേരത്തെ ജിയോ വിപണിയിൽ എത്തിച്ച ലൈഫ്​ സ്​മാർട്ട്​ഫോണുകൾ കാര്യമായ ചലനമൊന്നും സൃഷ്​ടിക്കാതെ പിൻവാങ്ങിയിരുന്നു. ഇത്തവണ ഗൂഗ്​ളുമായി സഹകരിച്ച്​ ഗംഭീര തിരിച്ചുവരവിനാണ്​ അംബാനിയും കൂട്ടരും ഒരുങ്ങുന്നത്​. നിലവിൽ രാജ്യത്ത്​ നിലനിൽക്കുന്ന ചൈന വിരുദ്ധ വികാരം കൂടി മുതലെടുക്കാനാണ്​ കമ്പനിയുടെ നീക്കം.

ഗൂഗ്​ളുമായുള്ള പുതിയ പങ്കാളിത്തത്തിലൂടെ എല്ലാ ഇന്ത്യക്കാര​​​െൻറ കയ്യിലും ഒരു സ്​മാർട്ട്​ ഫോൺ എത്തിക്കുക എന്ന തങ്ങളുടെ ലക്ഷ്യം നിറവേറ്റാൻ സാധിക്കുമെന്നും അംബാനി പറയുന്നു. രാജ്യത്ത്​ 5ജി യുഗം ആരംഭിക്കാനിരിക്കുന്ന സാഹചര്യത്തിൽ 2ജി ഫോണുകൾ ഉപയോഗിച്ചുവരുന്ന ഇന്ത്യയിലെ 35 കോടിയോളം ജനങ്ങളെ 4ജി/5ജി സ്​മാർട്ട്​ഫോൺ ഉപയോഗിക്കുന്നവരാക്കി മാറ്റാൻ കഴിയുമെന്ന പ്രത്യാശയും അംബാനി പ്രകടിപ്പിച്ചു. ജിയോ ഇന്ത്യയെ 2ജി ഫ്രീ രാജ്യമാക്കുമെന്നും അദ്ദേഹം കൂട്ടിച്ചേർത്തു.

Show Full Article
TAGS:Reliance Jio mukesh ambani 
Next Story