4,999 രൂപക്ക്​ ഐഫോൺ 11; മുട്ടൻ പണിയുമായി വ്യാജ ഫ്ലിപ്​കാർട്ടും ആമസോണും

ഫ്ലിപ്​കാർട്ടും ആമസോണുമടക്കമുള്ള ഒാൺലൈൻ ഷോപ്പിങ്​ സൈറ്റുകൾ ഇന്ത്യക്കാരുടെ ദൈനംദിന ജീവിതത്തി​​െൻറ പ്രധാന ഭാഗമായി മാറിയിരിക്കുകയാണ്​. ​ലോക്​ഡൗൺ കാലത്ത്​ ഇവയുടെ ഉപയോഗം പതിവിലും അധികമായി വളരുകയും ചെയ്​തു. ഇൗ സാഹചര്യം മുതലെടുത്ത്​ ചില വിരുതൻമാർ ഇന്ത്യക്കാരെ പറ്റിക്കാനും രംഗത്തെത്തിയിട്ടുണ്ട്​. ഫേസ്​ബുക്ക്​, ഇൻസ്റ്റഗ്രാം പോലുള്ള സമൂഹ മാധ്യമങ്ങളിൽ വ്യാജ ഫ്ലിപ്​കാർട്ടും ആമസോണും പരസ്യങ്ങളായാണ്​ പ്രത്യക്ഷപ്പെടുന്നത്​. 

4,999 രൂപക്ക്​ ​െഎഫോൺ, 2,999 രൂപക്ക്​ സാംസങ്​ ഫോണുകൾ എന്നിവ പരസ്യം ചെയ്​തുകൊണ്ടുള്ള ചിത്രങ്ങളടക്കം നൽകിയാണ്​ ആളുകളെ ആകർഷിക്കുന്നത്​. ഇത്തരത്തിൽ പ്രത്യക്ഷപ്പെട്ട ഒരു പരസ്യത്തിൽ പ്രശസ്​ത നടൻ അമിതാബ്​ ബച്ച​​െൻറ ചിത്രവും നൽകിയിട്ടുണ്ട്​. ഫ്ലിപ്​കാർട്ടി​​െൻറ യഥാർഥ വെബ്​ യു.ആർ.എല്ലിന്​ പകരം WWW.filpkart1.com എന്ന രീതിയിലുള്ള വ്യാജ വെബ്​ സൈറ്റ്​ അഡ്രസുകളാണ്​ പറ്റിക്കൽ പരിപാടിക്ക്​​ നൽകുന്നത്​. ഒറ്റനോട്ടത്തിൽ ഫ്ലിപ്​കാർട്ട്​ വെബ്​സൈറ്റ്​ എന്ന്​ തോന്നും. സൈറ്റ്​ തുറന്നാൽ ഫ്ലിപ്​കാർട്ടിന്​ സമാനമായ യൂസർ ഇൻറർഫേസുമായിരിക്കും.

എന്നാൽ കുറഞ്ഞ വിലയിലുള്ള ഫ്ലാഗ്​ഷിപ്പ്​ ഫോണുകളിൽ ക്ലിക്​ ചെയ്​ത്​ ഒാർഡർ ചെയ്യുന്നതോടെ അപകടം സംഭവിച്ച്​ തുടങ്ങും. നൽകിയ പണം മുഴുവൻ പോവുകയും ചിലപ്പോൾ അക്കൗണ്ടിലുള്ള പണം മുഴുവൻ നഷ്​ടപ്പെടുന്നതിന്​ വരെ കാരണമായേക്കും. ഇത്തരം സംഭവങ്ങൾ നിരവധി റിപ്പോർട്ട്​ ചെയ്ത പശ്ചാത്തലത്തിൽ മുന്നറിയിപ്പുമായി വിദഗ്​ധർ രംഗത്തെത്തുകയായിരുന്നു. 

വ്യാജൻമാരുടെ ഒാഫർ ​പെരുമഴ പലർക്കും ഫോണുകളിൽ മെസ്സേജുകളായും ഇ-മെയിലുകളായുമാണ്​​ ലഭിക്കുന്നത്​. സ്വകാര്യ നമ്പറിലും ​മെയിൽ ​െഎഡിയിലും വരുന്ന ​സന്ദേശങ്ങളായതിനാൽ വിശ്വാസത്തിലെടുക്കും എന്നത്​​ ഹാക്കർമാർക്ക്​ ഗുണം ചെയ്യുന്നു. 

ഇതുപോലുള്ള സ്​കാമിൽ നിന്ന്​ രക്ഷപ്പെടാനുള്ള ഏക മാർഗം സമൂഹ മാധ്യമങ്ങളിലും മറ്റും വരുന്ന വമ്പൻ ഒാഫറുകൾ വെച്ചുകൊണ്ടുള്ള പരസ്യങ്ങളിൽ ക്ലിക്​ ചെയ്യാതിരിക്കുക എന്നുള്ളതാണ്​. ഏറ്റവും കുറഞ്ഞത്​ നാം കയറുന്ന ഷോപ്പിങ്​ സൈറ്റുകളുടെ യു.ആർ.എല്ലി​​െൻറ അക്ഷരങ്ങൾ യഥാർഥ സൈറ്റുമായി സാമ്യമുണ്ട്​ എന്ന്​ ഉറപ്പുവരുത്തുക. പ്ലേസ്​റ്റോറിൽ നിന്നും ഡൗൺലോഡ്​ ചെയ്​ത ഒൗദ്യോഗിക ആപ്പുകളിൽ നിന്ന്​ മാത്രം ലോഗിൻ ചെയ്യുക, സ്വകാര്യ വിവരങ്ങൾ ചേർക്കുക.