സൂക്ഷിക്കുക; നിരീക്ഷിക്കാൻ 30,000 പേരുണ്ട്​, തെരഞ്ഞെടുപ്പ്​ നേരിടാൻ ഫേസ്​ബുക്കും​

16:59 PM
08/04/2019
fake-news -technology news

ലോകത്തെ ഏറ്റവും ജനസംഖ്യയുള്ള രണ്ടാമത്തെ രാജ്യമായ ഇന്ത്യ ഏപ്രിൽ 23ന് ലോക്​സഭാ​ തെരഞ്ഞെടുപ്പ്​ നേരിടാൻ ഒരുങ്ങുകയാണ്​. രാജ്യം ഉറ്റുനോക്കുന്ന തെരഞ്ഞെടുപ്പ്​ കാര്യമായ കേടുപാടുകൾ ഇല്ലാതെ നടന്നുപോകാനാണ്​ അധികൃതരും ജനങ്ങളും ആഗ്രഹിക്കുന്നത്​. എന്നാൽ വ്യാജ വാർത്തകളും വീഡിയോകളും തെരഞ്ഞെടുപ്പിൽ വളരെ വലിയ സ്വധീനം ചെലുത്തുന്നുണ്ട്​. സമൂഹ മാധ്യമങ്ങളിലൂടെ അവ കാട്ടുതീ പോലെ​​ പ്രചരിക്കും.

ഇന്ത്യയിൽ ഏറ്റവും കൂടുതൽ ആളുകൾ ഉപയോഗിക്കുന്ന സോഷ്യൽ മീഡിയ പ്ലാറ്റ്​ഫോം ഫേസ്​ബുക്കാണ്​. അതുകൊണ്ട്​ തന്നെ ഫേസ്​ബുക്കിലൂടെയാവും ഏറ്റവും കൂടുതൽ വ്യാജവാർത്തകൾ പ്രചരിക്കുന്നത്​. അതിന്​ തടയിടാനായി വൻ പദ്ധതികളാണ്​ അണിയറയിൽ ഒരുങ്ങുന്നത്​. വ്യാജ വാർത്തകൾ ​ൈകയോടെ പിടികൂടി നശിപ്പിച്ച്​ കളയാനായി മാ​ത്രം​ 40 ടീമുകളിലായി 30,000 പേരെയാണ്​​​​ ഫേസ്​ബുക്ക്​ വിന്യസിച്ചിരിക്കുന്നത്​​​. 

വ്യാജ വാർത്തകൾ തടയാൻ ഫേസ്​ബുക്ക്​ നിർബന്ധിതമായതിന് പല​ കാരണങ്ങളുണ്ട്​. ഇന്ത്യയിൽ കഴിഞ്ഞ വർഷം നടന്ന നിയമസഭാ തെരഞ്ഞെടുപ്പുകളിൽ സമൂഹ മാധ്യമങ്ങളിലൂടെ പ്രചരിച്ചത്​ ലക്ഷക്കണക്കിന്​ വ്യാജ വാർത്തകൾ ആയിരുന്നത്രേ. ഫേസ്​ബുക്കി​​​​െൻറ സഹസ്ഥാപനമായ വാട്​സ്​ആപ്പ്​ വ്യാജവാർത്തകൾക്കെതിരെ മാസങ്ങൾക്ക്​ മുമ്പ്​ പത്രങ്ങളിലടക്കം പരസ്യം നൽകിയതും നാം കണ്ടതാണ്​.

എന്തൊക്കെയാണ്​ പദ്ധതികൾ

mark-Zuckerberg

വിവിധ രാജ്യങ്ങളിലെ തെരഞ്ഞെടുപ്പുകൾ ക്രോഡീകരിക്കാനായി രണ്ട്​ റീജ്യണൽ ഓഫീസുകൾ തുറക്കാൻ ഫേസ്​ബുക്ക്​ പദ്ധതിയിടുന്നുണ്ട്​. ഒന്ന്​ സിംഗപ്പൂരിലും മറ്റൊന്ന്​ ഡബ്ലിനിലും ആയിരിക്കും. സിംഗപ്പൂരിലെ ഓഫീസായിരിക്കും ഇന്ത്യയിലെ തെരഞ്ഞെടുപ്പ്​ ക്രോഡീകരിക്കുക. 

തെരഞ്ഞെടുപ്പിനെയൊക്കെ സ്വാധീനിക്കാൻ തക്കവണ്ണം അപകടകാരിയായ വ്യാജ വാർത്തകളും വീഡിയോകളും അക്രമം പ്രോത്സാഹിപ്പിക്കുന്ന ഉള്ളടക്കങ്ങളുമൊക്കെ നീക്കം ചെയ്യലാണ്​ ഈ ഓഫീസുകളുടെയും അതിൽ ഉൾകൊള്ളുന്ന സ്റ്റാഫി​​​​െൻറയും ജോലി. 

ഫേസ്​ബുക്ക്​ ഉപയോഗിക്കുന്ന രാജ്യത്തെ പൗരന്മാർ സദാ സമയം ഫേസ്​ബുക്കി​​​​െൻറ നിരീക്ഷണത്തിലായിരിക്കും. മുകളിൽ പറഞ്ഞ തരത്തിലുള്ള ഉള്ളടക്കം വല്ലതും പങ്കുവെച്ചാൽ അത്​ നീക്കം ചെയ്യുക മാത്രമല്ല, ചിലപ്പോൾ എന്നെന്നേക്കുമായി എഫ്​.ബിയിൽ നിന്നും വിട പറയേണ്ടിയും വന്നേക്കാം. 

വ്യാജ വാർത്തകൾ തടയാനായി ചില്ലറ സജ്ജീകരണങ്ങൾ അല്ല സക്കർബർഗും കൂട്ടരും ഒരുക്കിയിരിക്കുന്നത്​. 16 ഭാഷകളടങ്ങിയ പ്രത്യേക ആപ്ലിക്കേഷൻ തന്നെ ഇതിന്​ വേണ്ടി നിർമിച്ചു. അതായത്​, മലയാളത്തിൽ വ്യാജ വാർത്ത പങ്കുവെച്ചാലും കുടുങ്ങിയേക്കുമെന്ന്​ വ്യക്​തം. 

തെരഞ്ഞെടുപ്പിലെ പരസ്യങ്ങൾ നിയന്ത്രിക്കുന്നതിനും തീരുമാനമായി. ഇനി പരസ്യങ്ങൾ നൽകുന്നതിന്​ നിയന്ത്രണമുണ്ടായേക്കും. ഫേസ്​ബുക്ക്​ സ്വീകരിക്കുന്ന പരസ്യത്തിനാക​ട്ടെ കൂടെ വിശദ വിവരണവും നൽകേണ്ടി വരും. 

വ്യാജ അക്കൗണ്ടുകൾ നീക്കം ചെയ്യുന്നതിന്​ പുതിയ സംവിധാനം വരും. സുരക്ഷാ വിഭാഗത്തിൽ മാത്രം നിയമിച്ചവരുടെ എണ്ണം കഴിഞ്ഞ ഒന്നര വർഷം കൊണ്ട്​ 10,000ത്തിൽ നിന്നും 30,000 പേരായി. ഇവർ റിപ്പോർട്ട്​ ചെയ്​ത പല വ്യാജ അക്കൗണ്ടുകളും നീക്കം ചെയ്​തതായി ഫേസ്​ബുക്കി​​​െൻറ പബ്ലിക്​ പോളിസി ഡയറക്​ടർ കാറ്റി ഹാർബാത്​ പറഞ്ഞു. 

Loading...
COMMENTS