ഫേസ്​ബുക്കി​െൻറ വിഭാഗീയത; ഇനിയങ്ങോട്ട്​ പണക്കാരനും ഇടത്തരക്കാരനും പാവപ്പെട്ടവനും

പണക്കാരനെന്നോ പാവപ്പെട്ടവനെന്നോ വേർതിരിവില്ലാതെ എല്ലാവർക്കും എന്തും എഴുതാനും പറയാനും അവസരമൊരുക്കുന്ന മാധ്യമമാണ്​ ഫേസ്​ബുക്ക്​ അടങ്ങുന്ന സോഷ്യൽ നെറ്റ്​വർകിങ്​ സൈറ്റുകൾ. സ്വന്തം ​െഎഡിൻറിറ്റി പുറത്ത്​ പറയാൻ ഇഷ്​ടമില്ലാത്തവർക്ക്​ അത്​ മറച്ച്​ പിടിക്കാനും ഉയർന്ന നിലയിലുള്ള യൂസർമാർക്ക്​​ സ്വന്തം വോളിൽ അവരുടെ സാമൂഹിക വിദ്യാഭ്യാസ യോഗ്യത പരസ്യപ്പെടുത്താനുമുള്ള സ്വാതന്ത്ര്യം അത്​ നൽകുന്നു. 

എന്നാൽ ഫേസ്​ബുക് ഇനി പണക്കാരനും പാവപ്പെട്ടവനും ഇടത്തരക്കാരനും വ്യത്യസ്​ത രീതിയിലായിരിക്കും ലഭിക്കുക. ഉപയോക്​താക്കളുടെ സാമൂഹിക സാമ്പത്തിക നില കണ്ടെത്താൻ പുതിയ വിവരസാ​േങ്കതിക വിദ്യയുടെ നിർമാണത്തിനുള്ള കഠിന ശ്രമത്തിലാണ്​ സോഷ്യൽ മീഡിയ ഭീമൻ ഫേസ്​ബുക്ക്​. 

ഒരു വിഭാഗീയത മണക്കുന്നുണ്ട്​ അല്ലേ. പ്രക്ഷോഭവുമായി ഇറങ്ങുന്നതിന്​ മുമ്പ്​ എന്താണ്​ സുക്കർബർഗി​​െൻറ ആശയം എന്ന്​ പരിശോധിക്കാം.

എന്തിനാണീ വിഭാഗീയത  

ഉപയോക്​താക്കളെ മൂന്ന്​ ക്ലാസുകളായി തിരിക്കാനുള്ള കാരണം പരസ്യങ്ങളാണ്​. അതെ ! ഫേസ്​ബുക്കിൽ നീരാടുന്ന ഒാൺലൈൻ ജീവികൾക്ക്​ അവരുടെ സാമ്പത്തിക സാമൂഹിക നിലയനുസരിച്ചുള്ള സാധനങ്ങളും സേവനങ്ങളും ലഭ്യമാക്കാൻ തേർഡ്​ പാർട്ടി കമ്പനികൾക്ക്​ അവസരമൊരുക്കുകയാണ്​ സുക്കർബർഗും കൂട്ടരും. കമ്പനികൾക്ക്​ അവരുടെ ഉൽപന്നങ്ങളുടെ പരസ്യങ്ങൾ കോടികൾ വരുന്ന ഫേസ്​ബുക്ക്​ ഉപയോക്​താക്കളിൽ എത്തിക്കാം. 

താഴെ തട്ടിലുള്ളവർക്ക്​ വാങ്ങിക്കാൻ ക​​ഴിയുന്ന സാധനസേവനങ്ങളുടെ പരസ്യങ്ങൾ അവരുടെ ക്ലാസിലുള്ളവർക്ക്​ മാത്രമായി ലഭ്യമാക്കും. പണക്കാർക്കും ഇടത്തരക്കാർക്കും വെവ്വേറെ പരസ്യങ്ങൾ. നിലവിൽ ഉപയോക്​താക്കളിൽ എല്ലാ തരം പരസ്യങ്ങളും എത്താറുണ്ടെങ്കിലും സമീപ ഭാവിയിൽ അതെല്ലാം അവസാനിച്ചേക്കും. ആകർഷകമായും ഫലവത്തായും പരസ്യങ്ങൾ നൽകാം എന്ന ലക്ഷ്യം മുൻ നിർത്തിയാണ്​ പുതിയ പദ്ധതി.

എങ്ങനെ വിഭജിക്കും 

വർകിങ്​ ക്ലാസ്​, മിഡിൽ ക്ലാസ്​, അപ്പർ ക്ലാസ്​ എന്നിങ്ങനെ ഉപയോക്​താക്കളെ വേർതിരിക്കാൻ ഫേസ്​ബുക്ക്​ റേഷൻ കാർഡുകൾ ചോദിക്കില്ല. നീല നിറമുള്ള മുഖപുസ്​തകത്തിന്​ ഒാറഞ്ചും പച്ചയും കളർ നൽകിയുള്ള വേർതിരിവും സുക്കർബർഗി​​െൻറ ഉദ്ദേശത്തിലില്ല. ഉപയോക്​താക്കളുടെ സാമൂഹിക സാമ്പത്തിക ഭദ്രതയളക്കാൻ ഫേസ്​ബുക്ക്​ വിവരസാ​േങ്കതിക വിദ്യ ​തന്നെയാണ്​ ഉപയോഗിക്കുക. 

ഉപയോക്​താവി​​െൻറ വിദ്യാഭ്യാസം, വീടി​​െൻറ ഉടമസ്​ഥത, ഇൻറർനെറ്റ്​ യൂസേജ്​ എന്നിവ ഒാ​േട്ടാമാറ്റിക്​ ആയി കണ്ടെത്താനുള്ള ടെക്​നോളജിയുടെ പണിപുരയിലാണ്​ ഫേസ്​ബുക്ക്​. അതിനായി യൂസർമാരോട്​ ചോദ്യങ്ങൾ ചോദിക്കാനുള്ള ഫീച്ചർ ഉപയോഗപ്പെടുത്തും. 20 -30 വയസ്സുള്ളവരോട്​ അവർ എത്ര ഇലക്​ട്രോണിക്​ ഉപകരണങ്ങൾ ഉപയോഗിക്കുന്നു? എന്ന തരത്തിലുള്ള ചോദ്യങ്ങളും 30 - 40 വയസ്സുവരെയുള്ളവരോട്​ അവരുടെ ഉടമസ്​ഥതയിലുള്ള പ്രോപർട്ടികളെ കുറിച്ചുള്ള ചോദ്യങ്ങളും ഫേസ്​ബുക്ക്​ ചോദിച്ചേക്കാം. 

ഉപയോക്​താവി​​െൻറ യാത്രാ വിവരങ്ങളും വിദ്യാഭ്യാസ യോഗ്യതയും ഒരു വർഷത്തിലെ വരുമാന വിവരവും വരെ ചോദിച്ചേക്കാം. ഫേസ്​ബുക്കിൽ നാം ചെയ്യുന്നതെല്ലാം നിരീക്ഷണത്തിന്​ വിധേയമാവുകയും അതിലൂടെ നമ്മുടെ സാമൂഹിക സാമ്പത്തിക നില ഉൗഹിച്ച്​ അത്​ വഴി നമ്മെ പല ക്ലാസുകളായി വിഭജിക്കാനും ഫേസ്​ബുക്ക്​ തുനിയും എന്ന കാര്യം ഉറപ്പാണ്​.

എന്തായാലും ഫേസ്​ബുക്കി​​െൻറ പുതിയ നീക്കം സാമൂഹിക മാധ്യമങ്ങളിൽ വരും ദിവസങ്ങളിൽ ചർച്ചയാകാനും മതി.