26 കോടി ഫേസ്​ബുക്ക്​ ഉപഭോക്​താക്കളുടെ ഡേറ്റ ഓൺലൈനിൽ വിറ്റെന്ന്

ന്യൂയോർക്ക്​: 267 ദശലക്ഷം ഫേസ്​ബുക്ക്​ ഉപഭോക്​താക്കളുടെ ഡേറ്റ ഡാർക്ക് ​െവബിൽ വിറ്റതായി റിപ്പോർട്ട്​​​. സൈബ ർ സുരക്ഷയുമായി സംബന്ധിച്ച്​ ഗവേഷണം നടത്തുന്ന ബോബ്​ ഡിയാചെൻകോ നൽകിയ വിവരമനുസരിച്ച്​ സൈബർ സുരക്ഷ സ്​ഥാപനമായ സൈബ്​ൾ പുറത്തുവിട്ട റിപ്പോർട്ട്​ പ്രകാരമാണ്​ 267 ദശലക്ഷം ആളുകളുടെ വിവരങ്ങളടങ്ങുന്ന ഡേറ്റബേസ്​ വിറ്റതായി അറി യുന്നത്​.

500 ഡോളറിനാണ്​ (ഏകദേശം 41,033 രൂപ) വിവരങ്ങൾ ചോർത്തിയതെന്നാണ്​ റിപ്പോർട്ടിൽ പരാമർശിക്കുന്നത്​. ഫേസ്​ബുക്ക്​ ഐ.ഡി, മുഴുവൻ പേര്​, ഇ- മെയിൽ ഐ.ഡി, ഫോൺ നമ്പർ, അവസാന കണക്ഷൻെറ ടൈംസ്​റ്റാംപ്​, പ്രായമടക്കമുള്ള മറ്റ്​ വിവരങ്ങൾ എന്നിവ ഡേറ്റ ബേസിൽ ഉൾപെടുന്നുണ്ടെങ്കിലും പാസ്​വേഡുകൾ ചോർന്നില്ലെന്നത്​ ആശ്വാസമായി.

ഫേസ്​ബുക്ക്​ ഉപഭോക്​താക്കളുടെ വിവരങ്ങൾ എങ്ങനയാണ്​ ചേർന്നതെന്ന്​ തീർച്ചയില്ലെന്ന്​ സൈബ്​ൾ ബ്ലോഗ്​സ്​പോട്ടിൽ പ്രസിദ്ധീകരിച്ച റിപ്പോർട്ടിൽ പറഞ്ഞു. ഫേസ്​ബുക്കിൻെറ തേർഡ്​പാർട്ടി എ.പി.ഐ ചോർന്നതോ സ്​ക്രാപ്പിങ്​ വഴിയോ ആകും ഇത്​ സംഭവിച്ചുണ്ടാകുകയെന്ന്​ അവർ സംശയിക്കുന്നു.