തെരഞ്ഞെടുപ്പുകളിലെ സ്വാധീനം: പരസ്യചട്ടങ്ങളിൽ മാറ്റം വരുത്തി ഫേസ്​ ബുക്ക്​

കാലിഫോർണിയ: ഇന്ത്യ, നൈജീരിയ, ഉക്രൈൻ, യുറോപ്യൻ യൂണിയൻ എന്നിവിടങ്ങളിലെ തെരഞ്ഞെടുപ്പുകളോട്​ അനുബന്ധിച്ച്​ ര ാഷ്ട്രീയ പരസ്യ നിയമങ്ങൾ കൂടുതൽ ശക്​തമാക്കുമെന്ന്​ ഫേസ്​ ബുക്ക്​. തെരഞ്ഞെടുപ്പ്​ അട്ടിമറിക്കാനുള്ള ഉപകരണമായ ി ഫേസ്​ബുക്കി​െന ഉപയോഗിക്കാതിരിക്കാൻ വേണ്ടിയാണ്​ നിയമം കൂടുതൽ വിപുലീകരിക്കുന്നത്​.

രാഷ്​ട്രീയക്കാരും പരസ്യക്കാരും വ്യാജവാർത്തയും അജണ്ടകളും പ്രചരിപ്പിക്കാൻ ജനപ്രിയ സാമൂഹിക മാധ്യമമെന്ന നിലയിൽ ഫേസ്​ബുക്കിനെ ഉപയോഗിക്കുന്നുണ്ട്. ഫേസ്​ബുക്ക്​ പരസ്യങ്ങൾ വാങ്ങുന്നതു വഴി ഇത്തരം കാര്യങ്ങൾ എളുപ്പത്തിൽ നടപ്പാക്കാനാവുന്നു. അത്​ പലപ്പോഴും തെരഞ്ഞെടുപ്പ്​ ചട്ടങ്ങളെയും കമ്പനി നയങ്ങളെയും ലംഘിക്കുന്നതുമാകാറുണ്ട്​.

വിവിധരാജ്യങ്ങളിലെ അധികൃതരിൽ നിന്നുള്ള സമ്മർദഫലമായി കഴിഞ്ഞ വർഷം മുതലാണ്​ ഫേസ്​ബുക്ക്​ രാഷ്​​്ട്രീയ പരസ്യങ്ങളെ കൂടുതൽ ശക്​തമായ നിരീക്ഷണത്തിന്​ വിധേയമാക്കുവാൻ ആരംഭിച്ചത്​. ഇതി​​െൻറ ഭാഗമായി അതാതു രാജ്യങ്ങളി​െല പരസ്യക്കാർക്ക്​ മാത്രമേ രാഷ്​ട്രീയ പരസ്യങ്ങൾ അനുവദിക്കൂവെന്ന നിലപാട്​ ബുധനാഴ്​ച നൈജീരിയയിൽ നടപ്പിലാക്കുമെന്ന്​ ഫേസ്​ബുക്ക്​ അധികൃതർ പറഞ്ഞു. നൈജീരിയിൽ ഫെബ്രുവരിയിൽ പ്രസിഡൻറ്​ തെരഞ്ഞെടുപ്പ്​ നടക്കുകയാണ്​.

മാർച്ച്​ 31ന്​ തെരഞ്ഞെടുപ്പ്​ നടക്കുന്ന ഉക്രൈനിൽ ഫെബ്രുവരി മുതൽ ഇൗ നിലപാട്​ പ്രാവർത്തികമാക്കും. മെയിൽ തെരഞ്ഞെടുപ്പ്​ നടക്കുന്ന ഇന്ത്യയിൽ അടുത്തമാസം മുതലും പരസ്യങ്ങൾക്ക്​ നിയന്ത്രണം ഏർപ്പെടുത്തും. പരസ്യങ്ങൾ നൽകുന്നവരു​െട പേരുവിവരങ്ങൾ സൂക്ഷിക്കും. ഏഴുവർഷത്തേക്ക് പരസ്യങ്ങൾ ലൈബ്രറിയിൽ സൂക്ഷിക്കും.

ഒാരോ രാജ്യങ്ങളിൽ നിന്നും ഞങ്ങൾ പഠിക്കുകയാണ്​. പൂർണതയിൽ എത്തിയിട്ടില്ലെന്ന്​ അറിയാം. എന്നാലും അതിനായുള്ള പ്രവർത്തനങ്ങൾ തുടരും - ഫേസ്​ ബുക്ക്​ അധികൃതർ പറഞ്ഞു.