8 കെ വീഡിയോ റെക്കോർഡ്​, AI സ്​മാർട്ട്​; അടിമുടി മാറാൻ സാംസങ്​

8 കെ വീഡിയോ വരെ റെക്കോർഡ്​ ചെയ്യാൻ കഴിയുന്ന ഫോണിനായി സാംസങ്​ പുതിയ ചിപ്​സെറ്റ്​ പുറത്തിറക്കി. എക്​സിനോസ്​ 9820യാണ്​ സാംസങ്ങി​​​െൻറ ഫോണുകൾക്ക്​ കരുത്ത്​ പകരുക. പുതിയ ന്യുറൽ പ്രൊസസിങ്​ യൂണിറ്റുമായാവും ചിപ്​സെറ്റ്​ പുറത്തിറങ്ങുക. ആർട്ടിഫിഷ്യൽ ഇൻറലിജൻസ്​, 8 കെ വീഡിയോ റെക്കോർഡ്​ തുടങ്ങിയവക്ക്​ കൂടുതൽ സഹായം നൽകുന്നതാണ്​​ ചിപ്​സെറ്റ്​.

ARM ​Mail-G76 ഗ്രാഫിക്​സ്​ പ്രൊസസിങ്​ യൂണിറ്റ്​, എട്ട്​ സി.പി.യു കോർ എന്നിവയെല്ലാം ഉൾപ്പെടുത്തിയിട്ടുണ്ട്​. മുമ്പത്തെ ചിപ്​സെറ്റുമായി താരതമ്യം ചെയ്യു​േമ്പാൾ സിംഗിൾ കോറിൽ 20 ശതമാനവും ഡ്യുവൽ കോറിൽ 15 ശതമാനവും വേഗത കൂടുതലാണ്​. പുതിയ ചിപ്​സെറ്റ്​ ഉപയോഗിക്കുന്ന ഫോണുകളിൽ 2.0 ജി.ബി.പിഎസായിരിക്കും ഡൗൺലോഡ്​ വേഗം 316 എം.ബി.പി.എസായിരിക്കും അപ്​ലോഡ്​ വേഗം.

30 എഫ്​.ബി.പി.എസിൽ 8 കെ വീഡിയോ റെക്കോർഡിങ്ങും 150 എഫ്​.ബി.പി.എസിൽ 4 കെ വീഡിയോ റെക്കോർഡിങ്ങും ​സാധ്യമാവും. 3,840X2,400, 4,096X2,160 പിക്​സൽ റെസല്യൂഷനുകൾ വരെയുള്ള ഡിസ്​പ്ലേകളെ ചിപ്​സെറ്റ്​ പിന്തുണക്കും. ആർട്ടിഫിഷ്യൽ ഇൻറലിജൻസിനെ പിന്തുണക്കുന്ന ആപ്പിൾ A12, ഹ്യുവായ്​ കിരിൻ 980 തുടങ്ങിയ ചിപ്​സെറ്റ്​ എന്നിവ പുറത്തിറങ്ങിയതിന്​ പിന്നാലെയാണ്​ സാംസങ്ങും പുതിയ ചിപ്​സെറ്റുമായി രംഗത്തെത്തുന്നത്​.