വാട്​സ്​ ആപ്പിനെ ഏറ്റെടുക്കൽ; ഫേസ്​ബുക്കിന്​ 800 കോടി പിഴ

ബ്രസൽസ്​: സോഷ്യൽ മീഡിയ നെറ്റ്​വർക്കായ വാട്​സ്​ ആപ്പിനെ ഏറ്റെടുത്തതുമായി ബന്ധപ്പെട്ട്​ ഫേസ്​ബുക്കിന്​ 800 കോടി രൂപ പിഴ. ഏറ്റെടുക്കലുമായി ബന്ധപ്പെട്ട്​ തെറ്റായ വിവരം സമർപ്പിച്ചതിന്​ യൂറോപ്യൻ യുണിയനാണ്​ പിഴ ശിക്ഷ വിധിച്ചത്​. 2014ലാണ്​ 1900 കോടി ഡോളർ മുടക്കി ഫേസ്​ബുക്ക്​ വാട്​സ്​ ആപ്പിനെ ഏറ്റെടുത്തത്​.

2014ൽ വാട്​സ്​ ആപ്പിനെ ഏറ്റെടുക്കു​േമ്പാൾ രണ്ട്​ നെറ്റ്​വർക്കുകളിലും അക്കൗണ്ടുകളും ഒാ​േട്ടാമേറ്റഡായി ബന്ധിപ്പിക്കില്ലെന്നാണ്​ ഫേസ്​ബുക്ക്​ അറിയിച്ചിരുന്നത്​. പിന്നീട്​ ഫേസ്​ബുക്ക്​ തങ്ങളുടെ സ്വകാര്യത നയത്തിൽ മാറ്റം വരുത്തുകയായിരുന്നു. വാട്​സ്​ ആപ്പ്​ ഉപഭോക്​താകളുടെ ഫോൺ നമ്പറുകളും അവരുടെ ഫേസ്​ബുക്ക്​ അക്കൗണ്ടുകളുമായി ബന്ധിപ്പിക്കുന്നതിനുള്ള സാധ്യതകളാണ്​ ഫേസ്​ബുക്ക്​ പരിശോധിച്ചത്​. ഇതാണ്​ ഫേസ്​ബുക്കിന്​ യൂറോപ്യൻ കമീഷൻ പിഴ ശിക്ഷ വിധിക്കാൻ കാരണം.

അതേസമയം, അന്വേഷണത്തില്‍ കമ്മിഷനുമായി സഹകരിച്ചെന്നും തെറ്റായ വിവരം നല്‍കിയത് മന:പൂര്‍വമല്ലെന്നും ഫെയ്‌സ്ബുക്ക് വ്യക്തമാക്കി. പിഴയോടെ വിഷയത്തില്‍ മറ്റു നടപടികൾ ഉണ്ടാവില്ലെന്ന്​ കമീഷൻ ഉറപ്പ്​ നൽകിയതായും ഫേസ്​ബുക്ക്​ പ്രസ്​താവനയിൽ പറഞ്ഞു.