ജിയോയെ വെല്ലാൻ ബി.എസ്​.എൻ.എൽ; പ്രതിദിനം 4 ജി.ബി ഡാറ്റ

19:42 PM
13/06/2018
bsnl

മുംബൈ: പ്രതിദിനം 3 ജി.ബി ഡാറ്റ നൽകുന്ന റിലയൻസ്​ ജിയോയുടെ ഡബിൾ ധമാക്കക്ക്​ മറുപടിയുമായി ബി.എസ്​.എൻ.എൽ. 149 രൂപക്ക്​ പ്രതിദിനം 4 ജി.ബി ഡാറ്റ ലഭിക്കുന്ന പ്ലാനാണ്​ ബി.എസ്​.എൻ.എൽ അവതരിപ്പിച്ചിരിക്കുന്നത്​.  149 രൂപക്ക്​ 28 ദിവസത്തേക്ക്​ പ്രതിദിനം 4 ജി.ബി ഡാറ്റ നൽകുന്നതാണ്​ ബി.എസ്​.എൻ.എൽ ഒാഫർ കാലാവധി. ലോകകപ്പ്​  മൽസരങ്ങൾ കഴിയുന്നത്​ വരെ ബി.എസ്​.എൻ.എല്ലി​​െൻറ പുതിയ ഒാഫർ ലഭ്യമാകും.

ജൂൺ 14 ബുധനാഴ്​ച മുതൽ 149 രൂപയുടെ ഫിഫ വേൾഡ്​ കപ്പ്​ റീചാർജ്​ ലഭ്യമാവും. ബി.എസ്​.എൻ.എല്ലി​​െൻറ എല്ലാ ടെലികോം സർക്കിളുകളിലും പുതിയ ഒാഫർ ലഭിക്കും. അതേ സമയം, ബി.എസ്​.എൻ.എല്ലി​​െൻറ പുതിയ പ്ലാനിൽ വോയ്​സ്​, എസ്​.എം.എസ്​ സേവനങ്ങൾ സൗജന്യമായി നൽകില്ലെന്നാണ്​ റിപ്പോർട്ടുകൾ.

149 രൂപക്ക്​ പ്രതിദിനം 3 ജി.ബി ഡാറ്റ നൽകുന്ന ഒാഫറാണ്​ ജിയോ അവതരിപ്പിച്ചത്​. പ്ലാനുകളിൽ 1.5 ജി.ബി ​ഡാറ്റ അധികമായി നൽകാനായിരുന്നു ജിയോയുടെ തീരുമാനം. ജിയോയുടെ പ്ലാനുകളിൽ കോളുകളും എസ്​.എം.എസുകളും സൗജന്യമാണ്​.

Loading...
COMMENTS