ഒടുവിൽ ആപ്പിൾ മാപ്പപേക്ഷിച്ചു

ഫോണുകളുടെ വേഗം കുറച്ചതിന്​ നിരന്തരമായ വിമർശനങ്ങൾ ഉയരുന്നതിനിടെ പരസ്യമായി മാപ്പ്​ പറഞ്ഞ്​ ആപ്പിൾ. നിങ്ങളിൽ പലരെയും ഞങ്ങൾ നിരാശരാക്കിയെന്ന്​ അറിയാം. അതിനാൽ ഞങ്ങൾ മാപ്പ്​ ചോദിക്കുന്നുവെന്നാണ്​ ആപ്പിളി​​െൻറ ക്ഷമാപണം​.

പുതിയ സംഭവവികാസങ്ങളും പശ്​ചാത്തലത്തിൽ പഴയ ​​െഎഫോണിലെ ബാറ്ററി മാറ്റി വാങ്ങുന്നതിനായി പ്രത്യേക കിഴിവും ആപ്പിൾ പ്രഖ്യാപിച്ചിണ്ട്​. 50 ഡോളർ ഇളവാണ്​ ബാറ്ററി മാറു​​േമ്പാൾ ആപ്പിൾ നൽകുക. 79 ഡോളറിനു പകരം ഇനി ​െഎഫോണി​​െൻറ ബാറ്ററി മാറ്റുന്നതിന്​ 29 ഡോളർ നൽകിയാൽ മതിയാകും. ​െഎഫോൺ 6 മുതലുള്ള ഫോണുകൾക്കാണ്​ ഒാഫർ ലഭ്യമാവുക. ഇതോടൊപ്പം തന്നെ ​െഎഫോൺ ബാറ്ററിയുടെ ആയുസിനെ കുറിച്ച്​ വിവരം നൽകുന്ന സംവിധാനം അടുത്ത വർഷം മുതൽ ആപ്പിൾ അവതരിപ്പിക്കും.

കാലപ്പഴക്കം ചെന്ന മൊബൈൽ ബാറ്ററികൾക്ക്​ ​ഫോണിന്​ ആവശ്യമായ ഉൗർജം നൽകാൻ കഴി​യാതിരുന്നതോടെയാണ്​ പ്രൊസസറുകളുടെ വേഗം നിയന്ത്രിക്കാൻ ആപ്പിൾ നിർബന്ധിതമായത്​. എന്നാൽ, ഇതിനെതിരെ വ്യാപകമായ പരാതിയുയർ​ന്നതോടെ ആപ്പിൾ പ്രതിരോധത്തിലാവുകയായിരുന്നു. പല ഉപയോക്​താക്കളും കമ്പനിക്കെതിരെ കേസ്​ നൽകിയതോടെ കടുത്ത പ്രതിസന്ധിയെയാണ്​ ആപ്പിൾ അഭിമുഖീകരിച്ചത്​. ഇതാണ്​ സംഭവത്തിൽ മാപ്പപേക്ഷയുമായി രംഗത്ത്​ വരാൻ കമ്പനിയെ പ്രേരിപ്പിക്കുന്നത്​.