ഐഫോൺ ഉപയോഗിച്ച് കാർ സ്റ്റാർട്ട് ചെയ്യാം; സൂചനകൾ നൽകി ഐ.ഒ.എസ് 13.4
text_fields
ഐ.ഒ.എസ് 13.4ൻെറ ആദ്യ ബീറ്റ വേർഷൻ ഐഫോൺ പുറത്തിറക്കി. കാർ കീ ആപായിരിക്കും പുതിയ ഒ.എസിൻെറ പ്രധാന സവിശേഷത. ആപ്പിൾ ഐഫ ോൺ അല്ലെങ്കിൽ വാച്ച് ഉപയോഗിച്ച് കാർ തുറക്കാനും സ്റ്റാർട്ട് ചെയ്യാനും സാധിക്കുന്നതാണ് പുതിയ സംവിധാനം.
എൻ.എഫ്.സി സംവിധാനത്തെ പിന്തുണക്കുന്ന കാറുകളിലാണ് സേവനം ലഭ്യമാവുക. ഇതിനുള്ള ഡിജിറ്റൽ കീ ആപ്പിൾ വാലറ്റ് ആപിലാവും ഉണ്ടാവുക. വാലറ്റ് ആപ് വഴി ആപ്പിൾ ഐഫോൺ ഉപയോഗിക്കുന്ന സുഹൃത്തുകൾക്കും കുടുംബാംഗങ്ങൾക്കും ഡിജിറ്റൽ കീ പങ്കുവെക്കുകയുമാവാം.
നേരത്തെ ഹ്യുണ്ടായിയും സമാനമായ ഡിജിറ്റൽ കീ അവതരിപ്പിച്ചിരുന്നു. പക്ഷേ ഹ്യുണ്ടായിയുടെ ഡിജിറ്റൽ കീ ആൻഡ്രോയിഡ് ഓപ്പറേറ്റിങ് സിസ്റ്റത്തിൽ മാത്രമാണ് പ്രവർത്തിച്ചിരുന്നത്. 2020 സോനാറ്റയിൽ മാത്രമാണ് ഡിജിറ്റൽ കീ സംവിധാനം ലഭ്യമാവുക. ഐ.ഒ.എസ് 13.4 പൂർണമായ രീതിയിൽ പുറത്തിറങ്ങുേമ്പാൾ കാർകീ ആപ് ഉൾപ്പെടുമോ എന്നത് എല്ലാവരും ആകാംക്ഷയോടെ ഉറ്റുനോക്കുന്നുണ്ട്.