Top
Begin typing your search above and press return to search.
exit_to_app
exit_to_app
Homechevron_rightTECHchevron_rightTech Reviewschevron_rightലോക കോടീശ്വരൻ...

ലോക കോടീശ്വരൻ നടക്കാനിറങ്ങിയത്​ റോബോട്ട്​ നായക്കൊപ്പം 

text_fields
bookmark_border
ലോക കോടീശ്വരൻ നടക്കാനിറങ്ങിയത്​ റോബോട്ട്​ നായക്കൊപ്പം 
cancel

കാലിഫോണിയ: റോബോട്ട്​ നായക്കൊപ്പം നടക്കാനിറങ്ങിയ അതിസമ്പന്നരിൽ ഒരാളായ ആമസോൺ സി.ഇ.ഒ ജെഫ്​ ബെസോസി​​െൻറ ചിത്രം ​സാമൂഹിക മാധ്യമങ്ങളിൽ തരംഗമാവുകയാണ്​. ‘പുതിയ നായക്കൊപ്പം നടക്കാനിറങ്ങി’ എന്ന കുറിപ്പോടെ ജെഫ്​ ബെസോസ്​ ട്വിറ്ററിൽ പങ്കുവെച്ച ചിത്രമാണ്​ വൈറലാകുന്നത്​. സയൻസ്​ ഫിക്​ഷൻ സിനിമയിലേതു പോലുള്ള ഫോ​േട്ടാ പങ്കുവെച്ച്​ മണിക്കൂറുകൾക്കകം 1,30,000 ലൈക്കും 3400 ലേറെ റീട്വീറ്റുകളുമാണ്​ ബെസോസിന്​ ലഭിച്ചത്​.

ആമസോൺ കാലിഫോണിയയിൽ സംഘടിപ്പിക്കുന്ന മാർസ്​ (മെഷീൻ ലേണിങ്​, ഒ​േട്ടാമേഷൻ, റോബോർട്ടിക്​സ്​ ആൻറ്​ സ്​പേസ്​ എക്​സ​േപ്ലാറേഷൻ) വാർഷിക കോൺഫറൻസി​ൽ പ​െങ്കടുക്കവെയാണ്​ ബെസോസ്​ റോബോട്ട്​ നായയുമായി പുറത്തിറങ്ങിയത്​. മാർസിൽ അവതരിപ്പിച്ച നായയുടെ രൂപത്തിലുള്ള ബോസ്​റ്റൺ ഡൈനാമിക്​ സ്​പോട്ട്​മിനി റോബോട്ട്​ നാലു കാലിൽ നടക്കുകയും നിർദേശങ്ങൾക്കനുസരിച്ച് പെരുമാറുകയും ചെയ്യും.

സ്​പോർട്ട്​ മിനി ഡോർ തുറക്കുന്ന ദൃശ്യങ്ങളും ജെഫ്​ ബെസോസ്​ ട്വിറ്ററിൽ പങ്കുവെച്ചിരുന്നു. ഇൗ റോബോട്ടിന്​ സാധനങ്ങൾ പിടിക്കാനും പടികൾ കയറാനും വാതിൽ തുറക്കാനുമെല്ലാം കഴിയും. സ്​പോർട്ട്​ മിനി ഡോഗിന്​ നിർദേശങ്ങൾക്കനുസരിച്ച്​ ഒാഫീസും വീടും കൈകാര്യം ചെയ്യാൻ കഴിയുമെന്നാണ്​ നിർമാതാക്കൾ അവകാശപ്പെടുന്നത്​.

 

Show Full Article
TAGS:Jeff Bezos Robot Dog technology news 
News Summary - Amazon Boss Jeff Bezos Walks His Robot Dog- Technology news
Next Story