Top
Begin typing your search above and press return to search.
exit_to_app
exit_to_app
Homechevron_rightTECHchevron_rightTech Reviewschevron_rightഇന്ത്യയിൽ സൗജന്യ...

ഇന്ത്യയിൽ സൗജന്യ ഇൻറർനെറ്റ്​ സേവനം നൽകാൻ അലിബാബ

text_fields
bookmark_border
ഇന്ത്യയിൽ സൗജന്യ ഇൻറർനെറ്റ്​ സേവനം നൽകാൻ അലിബാബ
cancel

മുംബൈ: ചൈനയിലെ ഇൻറർനെറ്റ്​ രംഗത്തെ ഭീമൻമാരായ അലിബാബ ഇന്ത്യയിൽ സൗജന്യ ഇൻറർനെറ്റ്​ സേവനം നൽകാൻ ഒരുങ്ങുന്നു. ഇതാനായി രാജത്തെ പ്രമുഖ മൊബൈൽ സേവനദാതാക്കളോടും വൈ–ഫൈ നെറ്റ്​വർക്ക്​ ദാതാക്കളോടും കമ്പനി ആദ്യഘട്ട ചർച്ചകൾ നടത്തിയെന്നാണ്​ റിപ്പോർട്ട്​. 

​െചലവ്​ കുറഞ്ഞ ഇൻറർനെറ്റ്​ സേവനം ലഭ്യമാക്കുന്നതിനായി ഇന്ത്യയിലെ പ്രമുഖ മൊബൈൽ സേവനദാതാക്കളുമായി ചർച്ചകൾ ആരംഭിച്ചതായി കമ്പനിയുടെ അന്താരാഷ്​ട്ര ബിസിനസി​െൻറ ചുമതലയുള്ള പ്രസിഡൻറ്​ ജാക്ക്​ ഹങ്​ പ്രതികരിച്ചു. സൗജന്യ സേവനമോ കുറഞ്ഞ നിരക്കിലുള്ള ഇൻറർനെറ്റ്​ സേവനമോ ആണ്​ ലഭ്യമാക്കാൻ ഉദ്ദേശിക്കുന്നതെന്ന്​ ബിസിനസ്​ ഇൻസൈഡറിന്​ നൽകിയ അഭിമുഖത്തിൽ അദ്ദേഹം പറഞ്ഞു. ഇന്ത്യയിൽ ഇൻറർനെറ്റ്​ കണക്​ടിവിറ്റിയിൽ പ്രശ്​നങ്ങൾ നേരിടുന്ന സംസ്ഥാനങ്ങൾക്ക്​ പ്രാധാന്യം നൽകിയാവും പുതിയ സേവനം കമ്പനി അവതരിപ്പിക്കുകയെന്നും അദ്ദേഹം വ്യക്​തമാക്കി.
 
ഫേസ്​ബുക്കി​െൻറ ഫ്രീ ബേസിക്കി​െൻറ മാതൃകയിലാവും അലിബാബ പുതിയ സേവനം അവതരിപ്പിക്കുക എന്നും റി​പ്പോർട്ടുകളുണ്ട്​. ഫേസ്​ബുക്കി​െൻറ ഫ്രീ ബേസിക്കിന്​ ഇന്ത്യയിൽ നിന്ന്​ വൻതോതിൽ എതിർപ്പുകൾ നേരിടേണ്ടി വന്നിരുന്നു. നെറ്റ്​ ന്യൂട്രാലിറ്റിയുടെ ലംഘനമാണ്​ ഫേസ്ബുക്കി​െൻറ പദ്ധതിയെന്നായിരുന്നു വിമർശനങ്ങൾ. ഫേസ്​ബുക്കി​െൻറ ഫ്രീ ബേസിക്ക്​ പോലെ ചില വെബ്​ സൈറ്റുകൾക്ക്​ അലിബാബയും നിയന്ത്രണമേർപ്പെടുത്തിയാൽ സമാനമായ വിമർശനങ്ങൾ അലിബാബക്കും നേരിടേണ്ടി വരും.

Show Full Article
TAGS:alibaba free internet 
News Summary - alibaba starting free internet services
Next Story