Top
Begin typing your search above and press return to search.
exit_to_app
exit_to_app
Homechevron_rightTECHchevron_rightTech Reviewschevron_rightയു.സി ബ്രൗസറിനെ...

യു.സി ബ്രൗസറിനെ സൂക്ഷിക്കുക

text_fields
bookmark_border
യു.സി ബ്രൗസറിനെ സൂക്ഷിക്കുക
cancel

ഇന്ത്യയിലെ സ്​മാർട്ട്​ ഫോൺ ഉപയോക്​താക്കൾ ഏറ്റവുമധികം ഉപയോഗിക്കുന്ന ബ്രൗസറാണ്​ യു.സി. ചൈനീസ്​ കമ്പനിയായ ആലിബാബയുടെ ഉടമസ്ഥതയിലുള്ള യു.സിയുടെ ഉപയോഗം അത്ര സുരക്ഷിതമല്ലെന്നാണ്​ ഇപ്പോൾ പുറത്തുവരുന്ന വാർത്തകൾ. യു.സി ബ്രൗസർ ഇന്ത്യയിലെ ഉപഭോക്​താക്കളുടെ വിവരങ്ങൾ ചൈനയിലേക്ക്​  ചോർത്തുന്നതായാണ്​ റിപ്പോർട്ട്​. പുതിയ വിവരങ്ങളുടെ അടിസ്ഥാനത്തിൽ കേന്ദ്രസർക്കാർ ഇതിനെ കുറിച്ച്​ അന്വേഷണവും  ആരംഭിച്ച്​ കഴിഞ്ഞു.

ഹൈദരാബാദിലെ സർക്കാർ ലാബിലാണ്​ നിരീക്ഷണവും അന്വേഷണവും നടക്കുന്നത്​. ഇതിനൊടൊപ്പം ​െഎ.ടി മന്ത്രാലയും യു.സി ബ്രൗസർ വിവരങ്ങൾ ചോർത്തുന്നതിനെ കുറിച്ച്​ അന്വേഷണം നടത്തുന്നുണ്ട്​. യു.സി ബ്രൗസർ എങ്ങനെയാണ്​ വിദൂര സെർവറുകളിലേക്ക്​ ഉപഭോക്​താക്കളുടെ വിവരങ്ങൾ അയക്കുന്നതെന്നാണ്​ മുഖ്യമായും പരിശോധിക്കുക. വിവരങ്ങൾ ചോർത്തിയത്​ തെളിഞ്ഞാൽ യു.സിയെ നിരോധിക്കുമെന്നാണ്​ റിപ്പോർട്ടുകൾ.

ജൂൺ 2017ലെ റിപ്പോർട്ടുകളനുസരിച്ച്​ ഇന്ത്യയിൽ ഏറ്റവും കൂടുതൽ ആളുകൾ ഉപയോഗിക്കുന്നു രണ്ടാമത്തെ ബ്രൗസറാണ്​ യു.സി. മൊബൈൽ ഉപഭോക്​താകളിൽ ഒന്നാം സ്ഥാനവും യു.സി ബ്രൗസറിനുണ്ട്​. 48.66 ശതമാനമാണ്​ യു.സിയുടെ വിപണി വിഹിതം. ഇന്ത്യയിലെ യു.സി ബ്രൗസറി​​െൻറ ഉടമസ്ഥരായ ആലിബാബക്ക്​ പേടിഎമ്മിലും സ്​നാപ്​ഡീലിലും നിക്ഷേപമുണ്ട്​. ചൈനീസ്​ മൊബൈൽ കമ്പനികൾ ഉപഭോക്​താകളുടെ റിപ്പോർട്ടുകൾ ചോർത്തുന്നുവെന്ന റിപ്പോർട്ടുകൾക്ക്​ പിന്നാലെയാണ്​ ബ്രൗസറും സംശയത്തി​​െൻറ നിഴലിലേക്ക്​ എത്തുന്നത്​.

Show Full Article
TAGS:UC Browser alibaba Data leak china technology news malayalam news 
News Summary - Alibaba’s UC Browser under government scanner over data leaks-Technology
Next Story