Top
Begin typing your search above and press return to search.
exit_to_app
exit_to_app
Homechevron_rightTECHchevron_rightTech Reviewschevron_rightആരോഗ്യസേതു ആപിലെ...

ആരോഗ്യസേതു ആപിലെ വിവരചോർച്ച; കൂടുതൽ തെളിവുകൾ പുറത്തുവിട്ട്​ ഫ്രഞ്ച്​ ഹാക്കർ

text_fields
bookmark_border
ആരോഗ്യസേതു ആപിലെ വിവരചോർച്ച; കൂടുതൽ തെളിവുകൾ പുറത്തുവിട്ട്​ ഫ്രഞ്ച്​ ഹാക്കർ
cancel

ന്യൂഡൽഹി: ആരോഗ്യസേതു ആപിലെ വിവരചോർച്ച സംബന്ധിച്ച്​ കൂടുതൽ തെളിവുകൾ പുറത്തുവിട്ട്​ ഫ്രഞ്ച്​ ഹാക്കർ. പ്രധാനമന്ത്രിയുടെ ഓഫിസിലെ അഞ്ച്​ പേരുടെയും ഇന്ത്യൻ ആർമി ആസ്ഥാനത്തെ രണ്ട്​ പേരുടെയും ആരോഗ്യസ്ഥിതി മോശമാണെന്നും ഇന്ത്യൻ പാർലമ​​​െൻറിലെ ഒരാൾക്കും ആഭ്യന്തര മന്ത്രാലയത്തിലെ മൂന്ന്​ പേർക്കും രോഗബാധയുണ്ടെന്നും​​ എലിയട്ട്​ ആൾ​േഡഴ്​സൺ എന്ന അപരനാമത്തിലറിയപ്പെടുന്ന ഹാക്കർ അവകാശപ്പെട്ടു. ട്വിറ്ററിലൂടെയാണ്​ അദ്ദേഹം പുതിയ വിവരങ്ങൾ പുറത്ത്​ വിട്ടത്​.  

ആരോഗ്യസേതു സുരക്ഷിതമല്ലെന്നും രാഹുൽ ഗാന്ധി പറയുന്നതാണ്​ വസ്​തുതയെന്നുമുള്ള വെളിപ്പെടുത്തലുമായാണ്​ ഫ്രഞ്ച്​ ഹാക്കർ ഇന്ന്​ രംഗത്തെത്തിയത്​. എന്നാൽ, ആരോഗ്യസേതു ആപുമായി ബന്ധപ്പെട്ട്​ ചില പോരായ്​മകൾ ഉണ്ടെന്ന്​ സമ്മതിച്ച ബന്ധപ്പെട്ടവർ ഒരാളുടെയും വ്യക്​തിപരമായ വിവരങ്ങളൊന്നും അപകടത്തിലല്ലെന്ന്​ അവകാശപ്പെട്ടു.

നേരത്തെ ആധാർ വിവരങ്ങൾ സുരക്ഷിതമല്ലെന്ന അവകാശവാദവുമായി ആൻഡേഴ്​സൻ രംഗത്തെത്തിയിരുന്നു. ഇതിന്​ പിന്നാലെയാണ്​ വിവാദമായ ആരോഗ്യ സേതു ആപിനെതിരെയും മുന്നറിയിപ്പ്​.

Show Full Article
TAGS:Arogya setu app covid 19 Data leak technology malayalam news 
News Summary - Aeogya setu app issue-Technology
Next Story