Top
Begin typing your search above and press return to search.
exit_to_app
exit_to_app
Homechevron_rightTECHchevron_rightTech Reviewschevron_rightകളിപ്പാട്ടങ്ങളെ...

കളിപ്പാട്ടങ്ങളെ പരിചയപ്പെടുത്തി​ ആറ്​ വയസ്സുകാരൻ സമ്പാദിച്ചത്​ ​േകാടി ഡോളർ 

text_fields
bookmark_border
കളിപ്പാട്ടങ്ങളെ പരിചയപ്പെടുത്തി​ ആറ്​ വയസ്സുകാരൻ സമ്പാദിച്ചത്​ ​േകാടി ഡോളർ 
cancel
കുട്ടികൾക്ക്​ ഏറ്റവും ഇഷ്​ടമുള്ളതെന്താ ? കളിപ്പാട്ടങ്ങൾ അല്ലേ. എത്ര കളിപ്പാട്ടങ്ങൾ കിട്ടിയാലും പുതിയത്​ കാണു​മ്പാൾ അതും വേണമെന്ന്​ തോന്നും, അത്​ കൊണ്ട്​ ​കളിക്കാനും. 

ലോകത്ത്​ ലഭ്യമായ ഏറ്റവും നല്ല കളിപ്പാട്ടങ്ങൾ കൊണ്ട്​ കളിക്കുകയും അതുവഴി കോടികൾ സമ്പാദിക്കുകയും ചെയ്യുന്ന ആറ്​ വയസ്സുകാരനായ റയാനെ കുറിച്ചറിഞ്ഞാ​ൽ കുട്ടികൾ ഞെട്ടും. 

Ryan

റയാന്​ മൂന്ന്​ വയസ്സുള്ളപ്പോൾ അവ​​െൻറ മാതാപിതാക്കൾക്ക്​ തോന്നിയ ഒരാശയമാണ്​ ഇന്ന്​ ആ കുടുംബത്തെ സമ്പന്നരാക്കി മാറ്റിയത്​. റയാന്​ വാങ്ങിച്ചു കൊടുക്കുന്ന കളിപ്പാട്ടങ്ങൾ അവൻ ആവേശത്തോടെ തുറന്ന്​ നോക്കുന്നത്​ വീഡിയോ ആയി പകർത്തി അവർ യൂട്യൂബിൽ പോസ്​റ്റ്​ ചെയ്യാൻ തുടങ്ങി.

വിവിധ തരത്തിലുള്ള കളിപ്പാട്ടങ്ങൾ പെട്ടി തുറന്ന്​ പരിശോധിക്കു​കയും അത്​ വെച്ച്​ കളിക്കലുമാണ്​ റയാ​​െൻറ ജോലി. കൂടെ കളിപ്പാട്ടങ്ങളുടെ പ്രത്യേകതകളും കുഞ്ഞു റയാൻ വിവരിക്കും. റയാ​​െൻറ കളിപ്പാട്ടങ്ങളും അതി​​െൻറ പൊലിമ പറച്ചിലും കേൾക്കാൻ ​േലാകമെമ്പാടുമുള്ള കുട്ടികള​ും മുതിർന്നവരും കാത്തിരിക്കാൻ തുടങ്ങി. 

 

‘‘റയാൻ ടോയ്സ്​ റിവ്യൂസ്’’ എന്നാണ്​ കുഞ്ഞു റയാ​​െൻറ ചാനലി​െൻ പേര്​. ​ദിവസം കഴിയുന്തോറും റയാ​​െൻറ കൂടെ അവ​​െൻറ യൂട്യൂബ്​ ചാനലും വളരാൻ തുടങ്ങി. കഴിഞ്ഞ 12 മാസക്കാലയളവിൽ 800 കോടി കാഴ്​ച്ചക്കാരാണത്രെ റയാ​​െൻറ കളിപ്പാട്ട റിവ്യൂ കണ്ടത്​. 2016 ജനുവരിക്ക്​ പത്ത്​ ലക്ഷം സബ്​സ്​ക്രൈബർമാരെ നേടിയ റയാൻ, ഇൗ വർഷം തുടക്കത്തിൽ 50 ​ലക്ഷവും ഇപ്പോൾ ​ഒരു കോടിയിലധികം ചാനൽ സബ്​സ്​ക്രൈബർമാരെയും സ്വന്തമാക്കി. ഇന്ന്​ യൂട്യൂബിൽ നീരാടുന്ന പല ​പ്രമുഖർക്കും ഇൗ കുരുന്നി​​െൻറ പാതിപോലും സബ്​സ്​ക്രൈബർമാരില്ല എന്നത്​ സത്യം.

 

റയാ​​െൻറ കുടുംബം അവ​​െൻറ മുഴുവൻ പേര്​ പുറത്ത്​ വിട്ടിട്ടില്ല, അതിന്​ കാരണവുമുണ്ട്​. ഫോർബ്​സ്​ മാഗസിൽ പ്രകാരം യൂട്യബിൽ ഏറ്റവും കൂടുതൽ വരുമാനമുണ്ടാക്കുന്നവരിൽ എട്ടാമനാണ്​ ഇന്ന്​ റയാൻ. 2016 മുതൽ 2017 വരെ റയാൻ യൂട്യൂബിലൂടെ സമ്പാദിച്ചത്​ ഒരു കോടി 10 ലക്ഷം അമേരിക്കൻ ഡോളർ. സുരക്ഷാ കാരണങ്ങൾ കൊണ്ടാണ്​ പേര​ും മറ്റു വിവരങ്ങളും പുറത്ത്​ വിടാത്തതെന്ന്​ സാരം.

1494527290063

ഏതൊരു കുട്ടിയുടെയും സ്വപ്​നമായ, അവർക്ക്​ ഏറ്റവും സന്തോഷം നൽകുന്ന കാര്യങ്ങൾ ചെയ്​താണ്​ റയാൻ ഇന്ന്​ കോടീശ്വരനായത് എന്നതാണ്​ ഏറ്റവും കൗതുകം.​ റയാ​​െൻറ വളർച്ച കണ്ട്​ അന്തം വിട്ട ചിലർ അവരുടെ മക്കളെയും യൂട്യൂബിലിറക്കി പരീക്ഷിക്കാൻ തുടങ്ങി. റയാനെ അനുകരിച്ച്​ വീഡിയോ പോസ്​റ്റ്​ ചെയ്​ത്​ കാഴ്​ചക്കാരെയുണ്ടാക്കി മറ്റു ചിലർ. 

കഴിഞ്ഞ ജൂണിന്​ ട്യൂബ്​ഫിൽട്ടർ എന്ന യൂട്യൂബ്​ റാങ്കിങ്​ പ്ലാറ്റ്​ഫോം ‘റയാൻ ടോയ്​സ്​ റിവ്യൂസി’​െന അമേരിക്കയിലെ ഏറ്റവും കൂടുതൽ പേർ കണ്ട ചാനലായി തിരഞ്ഞെടുത്തു. അമേരിക്കയിലെ പ്രശ്​സ്​ത ബാസ്​കറ്റ്​ ബോൾ താരം കെവിൻ ഡ്യൂരൻറ്​ റയാ​​െൻറ ഒരു വീഡിയോയിൽ അതിഥിയായി വന്നിരുന്നു.

റയാനും ചില ടോയ്​സ്​ റിവ്യൂ ചാനലുകളുടെ ആരാധകനാണ്​. ഇവാൻ ടർബോ എച്ച്​.ഡി, ഹുല്യാൻ മായ എന്നീ ചാനലുകളാണ്​ അവ​​െൻറ ഇഷ്​ടങ്ങൾ. 

റയാൻ എങ്ങനെ യൂട്യൂബിലെത്തി എന്നത്​ രക്ഷിതാക്കൾ പറയുന്നു. ഒരു ദിവസം റയാൻ ചോദിച്ചത്രെ ‘‘എല്ലാ കുട്ടികളും യൂട്യൂബിലുള്ളപ്പോൾ ഞാൻ മാത്രം എന്തുകൊണ്ടില്ല’’. ഉടൻ തന്നെ ഞങ്ങൾ അവനെയും കൂട്ടി ഒരു ടോയ്​ സ്​റ്റോറിൽ ചെന്നു. അവിടെ നിന്നും അവനൊരു ​ട്രെയിൻ സെറ്റും വാങ്ങിക്കൊടുത്തു. അവനത്​ തുറക്കുന്നതും അത്​ വെച്ച്​ കളിക്കുന്നതും ഞങ്ങൾ പകർത്തി യൂട്യൂബിൽ പോസ്​റ്റ്​ ചെയ്യുകയായിരുന്നു’’. തുടക്കത്തിൽ ഒന്നും രണ്ടും കളിപ്പാട്ടങ്ങൾ തുറന്ന റയാൻ, ഒറ്റയടിക്ക്​ 100 കളിപ്പാട്ടങ്ങൾ തുറക്കുന്ന വീഡിയോ യൂട്യൂബിൽ ഹിറ്റ്​ ആയിരുന്നു.

rayan

 

Show Full Article
TAGS:technology news toys ryan Mobails malayalam news 
News Summary - 6-Year-Old Made $11 Million In One Year Reviewing Toys On YouTube-Multimedia Story
Next Story