കഴിഞ്ഞ വർഷം തലക്കെട്ടുകളിൽ നിറഞ്ഞത്​​  ഗാലക്​സി നോട്ട്​ 7

മുംബൈ: കഴിഞ്ഞ വർഷം ഇന്ത്യയിൽ ടെക്​ ലോകത്ത്​ പ്രധാനമായും ചർച്ച ചെയ്യപ്പെട്ടത്​ ഗാലക്​സി നോട്ട്​ 7നും ​വില കുറഞ്ഞ മൊബൈൽ ഫോണായ ഫ്രീഡും 251ും ആയിരുന്നു. വില കുറഞ്ഞ ഫോൺ ബുക്ക്​ ചെയ്​ത അധികമാർക്കും ലഭ്യമായിലില്ലെങ്കിലും നിരന്തരമായി ഫോണിനെ കുറിച്ചുള്ള ചർച്ചകൾ ടെക്​ലോകത്ത്​ നടന്നിരുന്നു.  ആർട്ടിഫിഷ്യൽ ഇൻറലിജൻസ്​, വിർച്വൽ റിയാലിറ്റി എന്നീ സംവിധാനങ്ങൾ  വ്യാപകമായതും പോയ കാലത്തി​െൻറ കാഴ്​ചകളാണ്​. 

ഗാലക്​സി നോട്ട്​ 7
സാംസങ്ങി​െൻറ  തലവര തന്നെ മാറ്റി മറിക്കാൻ ​കാരണമായ മോഡലാണ്​  കമ്പനി​ ആഗസ്​റ്റിൽ പുറത്തിറക്കിയ നോട്ട്​ 7. ഗൂഗിളി​െൻറ പിക്​സലിനെ മൽസരിക്കുന്നതിനായാണ്​​ നോട്ട്​7 സാംസങ്​ പുറത്തിറക്കിയത്​. എന്നാൽ ​നോട്ട്​ 7 പൊട്ടി​െതറിക്കുന്ന സംഭവങ്ങൾ വ്യാപകമായതോടെ സാംസങിന്​ തിരിച്ചടിയേറ്റു. ലോകത്താകമാനം 2.5 മില്യൺ ഫോണുകൾ കമ്പനിക്ക്​ തിരിച്ച്​ വിളിക്കേണ്ടി വന്നു. നോട്ട്​ 7 സാംസങിന്​ ഉണ്ടാക്കിയ നഷ്​ടം എകദേശം 2 ബില്യൺ ഡോളറാണ്​. പുതു വർഷത്തിലും നോട്ട്​ 7 ഉണ്ടാക്കിയ പ്രതിസന്ധി സാംസങിനെ അലട്ടുമെന്നുറപ്പാണ്​.

ഫ്രീഡം 251
251 രൂപക്ക്​ സ്​മാർട്ട്​ഫോൺ ആരെയും ആകർഷിക്കുന്ന ഒാഫറുമായാണ്​ റിംഗിങ്​ ബെൽസ്​ എന്ന കമ്പനി രംഗത്ത്​ എത്തിയത്​. നിരവധി പേർ കമ്പനിയുടെ വെബ്​സൈറ്റിലെത്തി ഫോൺ ബുക്ക്​ ചെയ്​തു. പല ടെക്നോളജി വിദഗ്​ധൻമാരും ഇത്​ സാധ്യമാണോ എന്ന്​ ആദ്യം തന്നെ സംശയം പ്രകടിപ്പിച്ചിരുന്നു. ബുക്ക്​ ചെയ്​തവർക്ക്​ ഫോണുകൾ ലഭ്യമാകാതിരുന്നതോടു കൂടിയാണ്​ ഒാഫർ തട്ടിപ്പാണെന്ന്​ പലർക്കും ബോധ്യമായത്​

ഡ്രൈവറില്ല കാറുകൾ
ഗൂഗിളാണ്​ ​ഡ്രൈവറില്ല കാറുകൾക്കായുള്ള ഗവേഷണം തുടങ്ങിയത്​. എന്നാൽ കഴിഞ്ഞ വർഷം കമ്പനികൾ ഇൗ രംഗത്ത്​ ഗവേഷണം നടത്തുകയും ഡ്രൈവറില്ല കാറുകൾ വികസിപ്പിക്കുകയും ചെയ്​തു. യൂബർ സാൻഫ്രാൻസിസ്​കോയിൽ വൈകാതെ തന്നെ ഇത്തരം കാറുകൾ അവതരിപ്പിക്കുമെന്നാണ്​ അറിയുന്നത്​.  വോൾവോ, ടെസ്​ല കമ്പനികളും ഡ്രൈവറില്ല കാറുകൾ വികസിപ്പിച്ചെടുക്കാനുള്ള ശ്രമത്തിലാണ്​. വരും വർഷങ്ങളിൽ ഇത്തരം കാറുകൾ ഗതാഗത രംഗത്ത്​ വൻ വിപ്ലവമുണ്ടാക്കുമെന്ന സൂചന നൽകിയാണ്​ 2016 കടന്നു പോവുന്നത്​.