ഉഷ്​ണമാണെന്ന്​ വെച്ച്​ എ.സിയുമെടുത്ത്​ നടക്കാൻ പറ്റുമോ...? പറ്റുമെന്ന്​ സോണി

ഏഷ്യൻ രാജ്യങ്ങളിലെ ഉഷ്​ണകാലം സഹിക്കാവുന്നതിലുമപ്പുറമായി മാറിയിരിക്കുകയാണ്​. വീടുകളിലും ഒാഫീസുകളിലും കടകളിലും ഫാൻ മാത്രം സ്ഥാപിച്ചതുകൊണ്ട്​ വേനലിൽ നിന്നും രക്ഷനേടാൻ കഴിയാത്ത സാഹചര്യമായതോടെ എയർ കണ്ടീഷ്​ണറുകളുടെ വിൽപ്പന വർധിച്ചു. എന്നാൽ അത്യാവശ്യത്തിന്​ പുറത്തിറങ്ങാമെന്നുവെച്ചാൽ എ.സിയുമെടുത്ത്​ ഇറങ്ങാൻ സാധിക്കില്ലല്ലോ... ജപ്പാൻ കമ്പനിയായ സോണി അതും സാധ്യമാക്കിയിരിക്കുകയാണ്​.

'റയോൺ പോക്കറ്റ്'​ എന്നാണ്​ സംഭവത്തി​െൻറ പേര്​. കേൾക്കു​േമ്പാൾ മണ്ടത്തരമെന്ന്​ തോന്നും. എന്നാൽ, ഒടുവിൽ അതും സംഭവിച്ചു. ധരിച്ചുനടക്കാൻ സാധിക്കുന്ന എയർ കണ്ടീഷ്​ണർ അഥവാ പോക്കറ്റ്​ എ.സി, ടോകിയോ അടിസ്ഥാനമാക്കിയുള്ള സോണി നിർമിച്ച്​ അവതരിപ്പിച്ചത്​​ 'ഫസ്റ്റ്​ ഫ്ലൈറ്റ്'​ എന്ന അവരുടെ ക്രൗഡ്​ ഫണ്ടിങ് പ്ലാറ്റ്​ഫോം വഴിയാണ്​. വേനൽക്കാലത്ത്​ ഇൗ ഉപകരണം ഉപയോഗിക്കുന്നതിലൂടെ​ തണുപ്പ്​ ലഭിക്കുകയും ശരീരത്തെ വിയർപ്പില്ലാതെ നിലനിർത്തുകയും ചെയ്യും.

അതിശൈത്യമുള്ള സമയത്ത്​ ചൂടേകാനും റയോൺ പോക്കറ്റിന്​ കഴിയും. വള​രെ ഒതുക്കമുള്ള ഇൗ ഉപകരണം​ കൈയ്യിലൊതുങ്ങുമെന്നതും പ്രത്യേകതയാണ്​. ചൂടുകാലത്തും തണുപ്പുകാലത്തും പോക്കറ്റ്​ എ.സി കയ്യിലുണ്ടെങ്കിൽ അവയിൽ നിന്നും രക്ഷനേടാമെന്നർഥം. എന്നാൽ, റയോൺ പോക്കറ്റിനെ അതി​െൻറ പൂർണ്ണതയിൽ ഉപയോഗിക്കണമെങ്കിൽ കൂടെ ലഭിക്കുന്ന ഇന്നർ ബനിയൻ കൂടി ധരിക്കണം.

V-ഷേപ്പ്​ നെക്കുള്ള ബനിയ​െൻറ പ്രത്യേക ഭാഗത്ത്​ സജ്ജീകരിച്ച ചെറിയ പോക്കറ്റിൽ റയോൺ പോക്കറ്റ്​ എന്ന ഉപകരണം ഇടണം. ഇന്നർ ബനിയൻ ധരിച്ചാൽ ഇരു തോളുകൾക്കും ഇടയിലായിട്ടുള്ള ഭാഗത്തായിരിക്കും പോക്കറ്റ്​ എ.സി സ്ഥാനം പിടിക്കുക. ശേഷം സോണിയുടെ ആപ്പ്​ ഡൗൺലോഡ്​ ചെയ്​താൽ 'ധരിക്കാവുന്ന എ.സിയെ അതിലൂടെ നിയന്ത്രിക്കാം. പ്ലേ സ്​റ്റോറിലും ആപ്പിളി​െൻറ ആപ്​ സ്​റ്റോറിലും ആപ്ലിക്കേഷൻ ലഭ്യമാണ്​.

ബ്ലൂടൂത്ത്​ വഴി ആപ്പിനെ റയോൺ പോക്കറ്റുമായി കണക്​ട്​ ചെയ്​ത്​ ആവശ്യമുള്ള ലെവലിൽ ശരീരത്തെ തണുപ്പിക്കാനും ചൂടാക്കാനും സാധിക്കും. നിലവിൽ ജപ്പാനിൽ മാത്രം ലഭ്യമായ റയോൺ പോക്കറ്റിന്​ 9,107 ഇന്ത്യൻ രൂപ നൽകേണ്ടിവരും. വൈകാതെ മറ്റ്​ രാജ്യങ്ങളിലും ധരിക്കാവുന്ന എ.സി അവതരിപ്പിക്കാനുള്ള പുറപ്പാടിലാണ്​ സോണി.