'അന്യഗ്രഹജീവികൾ പല തവണയായി തട്ടിക്കൊണ്ടുപോയി'; വിചിത്രമായ തെളിവുകൾ നിരത്തി സ്​ത്രീയുടെ അവകാശവാദം

ധാരാളം ഹോളിവുഡ്​ സിനിമകളിൽ കടന്നുവരികയും ആളു​കളെ അതിശയിപ്പിക്കുകയും ചെയ്​തിട്ടുണ്ടെങ്കിലും അന്യഗ്രഹ ജീവികളും പറക്കും തളികയുമൊക്കെ ഇന്നും ശാസ്​ത്ര ലോകത്തിന്​ മുന്നിൽ വലിയൊരു ചോദ്യ ചിഹ്നമായി നിലനിൽക്കുകയാണ്​. അന്യഗ്രഹ ജീവികളെ കുറിച്ചുള്ള എന്തിനും ഇപ്പോൾ ലോകത്ത്​ വലിയ ശ്രദ്ധ ലഭിക്കാറുണ്ട്​. എന്നെങ്കിലും ഒരു അന്യഗ്രഹ ജീവി മുന്നിൽ വന്ന്​ പെടാനും അവയുടെ ശക്​തിയുപയോഗിച്ച്​ ലോകം കീഴടക്കാനും ആഗ്രഹിക്കുന്നവർ പോലും ഇന്ന്​ ലോകത്തുണ്ട്​. ഇതുവരെ വിശ്വസിക്കാവുന്ന തരത്തിലുള്ള തെളിവുകൾ കൊണ്ടുവരാൻ ഒരാൾക്കും സാധിച്ചിട്ടില്ല. ഭൗമേതര ജീവികളുണ്ടെന്ന്​ അവകാശപ്പെട്ടിരുന്ന ശാസ്​ത്രജ്ഞൻ സ്റ്റീഫൻ ഹോക്കിങ്​ അവയെ കണ്ടെത്താൻ മുന്നിട്ടിറങ്ങിയിരുന്നെങ്കിലും മരിക്കുന്നതിന്​ മുമ്പുവരെ യാതൊരു തെളിവും അദ്ദേഹത്തിന്​ പോലും ഹാജരാക്കാൻ കഴിഞ്ഞിട്ടില്ല.

എന്നാൽ, തന്നെ അന്യഗ്രഹ ജീവികൾ തട്ടിക്കൊണ്ട്​ പോയിട്ടുണ്ടെന്ന്​ അവകാശപ്പെട്ടുകൊണ്ട്​ എത്തിയിരിക്കുകയാണ്​ ഒരു സ്​ത്രീ. ബ്രിട്ടനിലെ വെസ്റ്റ്​ യോർക്​ഷെയലെ ബ്രാഡ്​ഫോർഡിൽ താമസിക്കുന്ന പൗല സ്​മിത്ത്​ എന്ന 50കാരിയുടേതാണ്​​ വിചിത്രമായ അവകാശവാദം. എലിയൻസ്​​ തന്നെ ഇതുവരെ 50 ഒാളം തവണ തട്ടിക്കൊണ്ടുപോയിട്ടുണ്ടെന്നും അത്​ തെളിയിക്കാൻ ത​െൻറ ശരീരത്തിൽ പാടുകളുണ്ടെന്നും അവർ ഡൈലി സ്റ്റാറിനോട്​ പറഞ്ഞു. ചെറിയ കുട്ടിയായിരുന്നപ്പോൾ മുതലാണ്​ എലിയൻസിനെ താൻ അടുത്ത്​ കാണുന്നത്​. അതിന്​ ശേഷം പലതവണയായി അവർ തന്നെ തേടിവന്നെന്നും അവർ പറയുന്നു. പറക്കും തളികയിലാണത്രേ യാത്ര.

തട്ടിക്കൊണ്ടുപോവു​േമ്പാൾ ഉണ്ടായ പരിക്കുകൾ എന്ന്​ അവകാശപ്പെട്ടുകൊണ്ട്​ ശരീരത്തിലെ പാടുകളുടെ ചിത്രങ്ങളും അവർ പങ്കുവെച്ചു. കൂടാതെ, അന്യഗ്രഹ ജീവികളെ കാണാൻ എങ്ങനെയുണ്ടാകും എന്ന് പൗല ഒായിൽ പെയിൻറിൽ​ വരച്ചുകാണിക്കുകയും ചെയ്​തു. ''52 ഒാളം തവണ അസാധാരണ സംഭവങ്ങളിലൂടെ ഞാൻ കടന്നുപോയിട്ടുണ്ട്​. മുന്നറിയിപ്പുകളൊന്നുമുണ്ടാവാറില്ല. എന്തെങ്കിലും സംഭവിക്കുമെന്ന് എനിക്ക് കണ്ടെത്താനും കഴിയാറില്ല. അത് സംഭവിക്കുന്നു അത്ര തന്നെ. എനിക്ക് ചെയ്യാൻ കഴിയുന്നത് സാധാരണപോലെ തുടരുക എന്നതാണ്​, അല്ലാത്തപക്ഷം എനിക്ക് ഭ്രാന്താകും. " -പൗല സ്​മിത്ത്​ ഡൈലി സ്റ്റാറിനോട്​ പ്രതികരിച്ചു.

ടച്ച്​ സ്​ക്രീൻ ഉപകരണങ്ങൾ നമ്മുടെ ഗ്രഹത്തിൽ കണ്ടുപിടിക്കുന്നതിന്​ മുമ്പായി അന്യഗ്രഹ ജീവികളുടെ കൈയ്യിൽ താൻ കണ്ടിരുന്നു എന്നും പൗല അവകാശപ്പെട്ടു. പറക്കും തളികയിലാണ്​ തന്നെ തട്ടിക്കൊണ്ടുപോയതെന്നും അതിൽ ഇവിടെയില്ലാത്ത പല സാ​േങ്കതിക വിദ്യകളും താൻ കണ്ടെന്നും അവർ പറഞ്ഞു. ട്രാൻസ്​പോർട്ട്​ മേഖലയിൽ ജോലി ചെയ്യുന്ന പൗല, ത​െൻറ അനുഭവം ഇത്രയും കാലം ആരോരും പറയാതെ മറച്ചുവെക്കുകയായിരുന്നുവത്രേ.. ആളുകൾ തനിക്ക്​ ഭ്രാന്താണെന്ന്​ കരുതുന്നതിനാലാണ്​ അങ്ങനെ ചെയ്​തതെന്നും അവർ പറയുന്നു. പക്ഷെ തന്നെപോലെ അനുഭവമുള്ള ആയിരക്കണക്കിന്​ ആളുകളുണ്ടെന്നും അവർ കൂട്ടിച്ചേർത്തു.