Top
Begin typing your search above and press return to search.
exit_to_app
exit_to_app
Homechevron_rightTECHchevron_rightSciencechevron_rightപ്ലാസ്​റ്റിക്​...

പ്ലാസ്​റ്റിക്​ മാലിന്യത്തിൽ നിന്ന്​ ഇന്ധനമുണ്ടാക്കി സിറിയൻ തൊഴിലാളികൾ

text_fields
bookmark_border
പ്ലാസ്​റ്റിക്​ മാലിന്യത്തിൽ നിന്ന്​ ഇന്ധനമുണ്ടാക്കി സിറിയൻ തൊഴിലാളികൾ
cancel

ഡമസ്​കസ്​: പ്ലാസ്​റ്റിക്​ മാലിന്യങ്ങളിൽനിന്ന്​ ഇന്ധനം ഉൽ​പാദിപ്പിക്കുന്ന വിദ്യയുമായി ആഭ്യന്തരയുദ്ധം തകർത്ത സിറിയയിലെ തൊഴിലാളികൾ​. ജീവിതം ദുസ്സഹമായ രാജ്യത്ത്​ നിലനിൽപിനായി ജനങ്ങൾക്ക്​ ആക്രമണങ്ങളെ ചെറുക്കുക മാ​ത്രമല്ല അടിസ്​ഥാന വസ്​തുക്കൾ സ്വയം ലഭ്യമാക്കുകകൂടി വേണം​. സൈനിക നടപടി​ക്രമങ്ങൾ ശക്​തമായയോടെ ഇന്ധനവില കുതിച്ചുയർന്നിരുന്നു. കാർഷികാവശ്യത്തിനായി ജനറേറ്ററുകളും മറ്റ്​ ഉപകരണങ്ങളും ​പ്രവർത്തിക്കാനാവശ്യമായ ഇന്ധനമില്ലാത്തത്​ ജനങ്ങളുടെ ദുരിതം ഇരട്ടിയാക്കി. ഇതിനിടെ ഗൂത്ത ജില്ല നിവാസിയായ നിർമാണ തൊഴിലാളി അബൂ ഖാസിമാണ്​ പ്ലാസ്​റ്റിക്​ മാലിന്യത്തിൽനിന്ന്​ ഇന്ധനം ഉൽ​പാദിപ്പിക്കുന്നതിനെക്കുറിച്ചു ചിന്തിച്ചത്​. തുടർന്ന്​ ഉയർന്ന ഉൗഷ്​മാവിൽ പ്ലാസ്​റ്റിക്​ മാലിന്യം ചൂടാക്കി ഇന്ധനം വേർതിരിച്ചെടുക്കുന്ന പ്ര​​േത്യക രീതി അബൂ ഖാസിം വികസിപ്പിച്ചെടുത്തു. 

ഇൻറ​െനറ്റിലും മറ്റുമുള്ള വിവരങ്ങൾ ശേഖരിച്ചാണ്​ അദ്ദേഹം ഇന്ധനമുണ്ടാക്കുന്ന രീതി മനസ്സിലാക്കിയത്​. പിന്നീട്​ കുടുംബാംഗങ്ങൾ വിവിധയിടങ്ങളിൽനിന്നായി ശേഖരിച്ച പ്ലാസ്​റ്റിക്​ കുപ്പികൾ, പ്ലാസ്​റ്റിക്​ വീട്ടുപകരണങ്ങൾ, പഴയ പൈപ്പുകൾ എന്നിവ ഇന്ധനം നിർമിക്കാൻ ഉപയോഗിച്ചു തുടങ്ങി. മൂന്നര വർഷമായി അബൂ ഖാസിമും മൂന്ന്​ ആൺമക്കളും ഏതാനും ബന്ധുക്കളും​ ചേർന്ന്​ പ്ലാസ്​റ്റികിൽനിന്ന്​ ഇന്ധനം നിർമിക്കുന്ന ജോലിയിൽ ഏർപ്പെട്ടുവരുകയാണ്​. നിർമാണ പ്രക്രിയ ഏറെ അപകടം നിറഞ്ഞതാ​െണന്നും വളരെയേറെ ശ്രദ്ധ ആവശ്യമാണെന്നും അബൂ ഖാസിമി​​െൻറ മക്കളിൽ ഒരാളായ അബൂ ഫഹദ് ​(28) അഭിപ്രായപ്പെട്ടു. 

ദ്രവരൂപത്തില്‍ ലഭ്യമാകുന്ന ഇന്ധനം ശുദ്ധീകരിച്ച് പെട്രോൾ, ഡീസൽ, ബെന്‍സീൻ വാതകം തുങ്ങിയവ വേര്‍തിരിച്ചെടുക്കുന്നു​. ഇങ്ങനെ നിർമിക്കുന്ന ഇന്ധനം നിലവിൽ കർഷകർക്ക്​ മോ​േട്ടാറുകളിലും, കാർ, മോ​േട്ടാർ സൈക്കിൾ തുടങ്ങിയ വാഹനങ്ങളിലും ​േബക്കറികളിലും ഉപയോഗിക്കാനായി വിൽപന നടത്തുന്നു​. നിലവിൽ ദിവസവും 800 കി.ഗ്രാം മുതൽ 1,000 കി.ഗ്രാം വരെ പ്ലാസ്​റ്റിക്​ സംസ്​കരിച്ച്​ ഇന്ധനം നിർമിക്കും. 100 കി.​ഗ്രാം പ്ലാസ്​റ്റിക്കിൽനിന്ന്​ 85ഒാളം ലിറ്റർ ഇന്ധനമാണ്​ ലഭിക്കുക. ഒരു ലിറ്റർ ബെൻസീൻ ഇന്ധനത്തിന്​ 4.70 ഡോളറും ലിറ്റർ ഡീസലിന്​ 2,000 സിറിയൻ പൗണ്ടുമാണ്​ ഇൗടാക്കുന്നത്​. ജീവിത പ്രതിസന്ധികൾക്കിടയിൽ പുതിയ വഴികൾ തേടി വലിയൊരു മാറ്റത്തിന്​ തുടക്കംകുറിച്ച അബൂ ഖാസിമിനും കുടുംബത്തിനും നന്ദി അറിയിക്കുകയാണ്​ ​​ഇന്ന്​ ഗ്രാമവാസികളെല്ലാം. 

Show Full Article
TAGS:plastic waste Syrians 
News Summary - Turning plastic waste to oil, besieged Syrians have a game-changer technology
Next Story