നികുതി കുടിശ്ശിക തീർക്കാൻ വഴിയില്ല; പ്രമുഖ ശാസ്​ത്രജ്​ഞൻ ഹോക്കിങ്ങി​െൻറ ഓഫീസും ആർ​െക്കെവും സർക്കാറിന്​

ലണ്ടൻ: സമീപ കാലത്ത്​ ലോകം കണ്ട ഏറ്റവും പ്രതിഭാധനനായ ശാസ​്​ത്രജ്​ഞൻ സ്​റ്റീഫൻ ഹോക്കിങ്ങി​െൻറ വിലപിടിച്ച സ്വാകര്യ രേഖകളും ഗവേഷണ പ്രബന്ധങ്ങളും ബ്രിട്ടീഷ്​ സർക്കാറിന്​. നികുതി കുടിശ്ശിക ഒടുക്കാൻ വഴിയെന്ന നിലക്കാണ്​ കാംബ്രിജ്​ യൂനിവേഴ്​സിറ്റിയിൽ സൂക്ഷിച്ച ഈ രേഖകൾ സർക്കാർ ഏറ്റെടുത്തത്​.

വിവിധ മാർപാപ്പമാരും രാഷ്​ട്രപതിമാരും അയച്ച കത്തുകൾ, പ്രത്യേകമായി തയാറാക്കിയ വീൽ ചെയറുകൾ, ഹോക്കിങ്ങി​െൻറ ഒറിജിനൽ പി.എച്ച്​ഡി പ്രബന്ധം (വികസ്വരമായ പ്രപഞ്ചത്തി​െൻറ സ്വഭാവവിശേഷങ്ങൾ എന്നു പേര്​), ഫ്രെഡ്​ ക്യൂമിങ്​ വരച്ച പോർട്രെയ്​റ്റ്​ തുടങ്ങിയവ സർക്കാർ ഏറ്റെടുത്തതിൽ പെടും. 40 കോട​ിയിലേറെ രൂപയാണ്​ അദ്ദേഹത്തി​െൻറ പേരിൽ നികുതി കുടിശ്ശികയുള്ളത്​.

ഇതിൽ ഹോക്കിങ്ങി​െൻറ ഓഫീസിലെ വസ്​തുവകകൾ സയൻസ്​ മ്യൂസിയത്തിനും ആർക്കൈവ്​ കാംബ്രിജ്​ യൂനിവേഴ്​സിറ്റി ലൈബ്രറിക്കുമാകും കൈമാറുക.

1988ൽ ഹോക്കിങ്​ പുറത്തിറക്കിയ 'ഏ ബ്രീഫ്​ ഹിസ്​റ്ററി ഓഫ്​ ടൈം' രണ്ടര കോടിയിലേറെ പ്രതികൾ വിറ്റുപോയിരുന്നു.

ശരീരം നിശ്​ചലമാക്കുന്ന മോ​ട്ടോർ ന്യൂറോൺ രോഗം ബാധിച്ച്​ 21ാം വയസ്സ്​ മുതലാണ്​ കടുത്ത ശാരീരിക അവശതകളിലേക്ക്​ അദ്ദേഹം മാറിയത്​. രണ്ടു വർഷം മാത്രം ജീവിക്കുമെന്ന്​ വിദഗ്​ധർ പറഞ്ഞിടത്ത്​ പിന്നെയും 55 വർഷം ശാസ്​ത്രവൈഭവം കൊണ്ടും ഇഛാശക്​തികൊണ്ടും കീഴടക്കി അദ്ദേഹം ജയിച്ചുനിന്നു. 2018ലായിരുന്നു വിയോഗം.

കാംബ്രിജ്​ വാഴ്​സിറ്റിയിലെ അ​ൈപ്ലഡ്​ മാത്തമാറ്റിക്​സ്​ ആൻറ്​ തിയോററ്റിക്കൽ ഫിസിക്​സ്​ വിഭാഗത്തിൽ 2002 മുതൽ അദ്ദേഹമുണ്ടായിരുന്ന ഓഫീസ്​ വിടപറയുന്നതിന്​ ​തൊട്ടുമുമ്പാണ്​ ഒഴിഞ്ഞിരുന്നത്​. റഫറൻസ്​ പുസ്​തകങ്ങൾ, ബോർഡുകൾ, കോഫിമേക്കർ, മെഡലുകൾ, മെമ​േൻറാകൾ എന്നിവയെ​ാക്കെയും ഇവിടെയുണ്ടായിരുന്നു.

മറ്റു ശാസ്​ത്രജ്​ഞരുമായി ഇദ്ദേഹം ബെറ്റുവെച്ചതി​െൻറ പകർപ്പുകളും ഇവിടെയുണ്ട്​. സിഗ്​നസ്​ നക്ഷത്രക്കൂട്ടത്തിൽ തമോഗർത്തം കാണപ്പെടുന്നതുമായി ബന്ധപ്പെട്ടായിരുന്നു ഒന്ന്​. ബെറ്റ്​ തോറ്റെങ്കിലും സിദ്ധാന്തം ത​െൻറതായതിനാൽ ജയിക്കുകയും ചെയ്​തു.

1960കൾ മുതൽ വീൽചെയറിലായിരുന്നു ഹോക്കിങ്​. 1986 മുതൽ വോയ്​സ്​ സിന്തസൈസറും കൂടെയുണ്ടായിരുന്നു.

ഹോക്കിങ്​ വാഴ്​സിറ്റി ലൈബ്രറിയിലെ നിത്യസ്​മാരകമായി മാറു​േമ്പാൾ നേരത്തെ അവിടെയെത്തിയ മറ്റു ചിലരുമുണ്ട്​. സർ ഐസക്​ ന്യൂട്ടൺ, ചാൾസ്​ ഡാർവിൻ തുടങ്ങിയവരാണവർ.