Top
Begin typing your search above and press return to search.
keyboard_arrow_down
Login
exit_to_app
exit_to_app
venus phosphine
cancel
Homechevron_rightTECHchevron_rightSciencechevron_rightശുക്ര​നിൽ ജീവ​െൻറ...

ശുക്ര​നിൽ ജീവ​െൻറ സൂചനകൾ; പുതിയ കണ്ടെത്തലിൽ 'തരിച്ചുപോയി' ശാസ്​ത്രജ്​ഞർ

text_fields
bookmark_border

വാഷിങ്​ടൺ: ശുക്ര​െൻറ മേഘങ്ങൾക്കുള്ളിൽ ഫോസ്​ഫിൻ എന്ന വാതകം കണ്ടെത്തിയതായി ശാസ്​ത്രജ്​ഞർ. ഇത്​ സൂക്ഷ്​മജീവികളുടെ സാന്നിധ്യത്തിലേക്ക്​ വിരൽചൂണ്ടുന്നത്​. ഭൂമിയിൽ ഫോസ്​ഫിൻ നിർമിക്കപ്പെടുന്നത്​ ഓക്​സിജൻ ഇല്ലാത്ത സാഹചര്യങ്ങളിൽ പെരുകുന്ന ബാക്​ടീരിയ ആണ്​. മൂന്ന് ഹൈഡ്രജൻ ആറ്റങ്ങളും ഒരു ഫോസ്ഫറസ് ആറ്റവും ചേർന്ന ഫോസ്ഫൈൻ ഏറെ വിഷാംശമുള്ള വസ്​തുവാണ്​​.

ശുക്രനിൽ ജീവ​െൻറ കൃത്യമായ രൂപങ്ങൾ കണ്ടെത്താൻ ഗവേഷകർക്കായിട്ടില്ല. എങ്കിലും പുതിയ കണ്ടെത്തെലിൽ 'തരിച്ചുപോയെ'ന്ന്​ വെയിൽസ്​ കാർഡിഫ്​ സർവകലാശാലയിലെ ​ഗവേഷകനായ ജെയ്​ൻ ഗ്രീവ്​സ്​ പറഞ്ഞു. ഇദ്ദേഹത്തി​െൻറ നേതൃത്വത്തിൽ ഇതുസംബന്ധിച്ച്​ തയാറാക്കിയ പ്രബന്ധം 'നാച്വർ അസ്​ട്രോണമി'യിൽ പ്രസിദ്ധീകരിച്ചിട്ടുണ്ട്​.

ഹവായിയിലെ ജെയിംസ് ക്ലർക്ക് മാക്‌സ്‌വെൽ ടെലിസ്‌കോപ്പ് ഉപയോഗിച്ച് അന്താരാഷ്ട്ര ശാസ്ത്രസംഘമാണ്​ ആദ്യമായി ഫോസ്ഫൈൻ കണ്ടെത്തിയത്​. ചിലിയിലെ അറ്റകാമ ലാർജ് മില്ലിമീറ്റർ / സബ്‌മില്ലിമീറ്റർ അറേ റേഡിയോ ദൂരദർശിനി ഉപയോഗിച്ച് ഇത് സ്ഥിരീകരിക്കുകയായിരുന്നു. അന്യഗ്രഹങ്ങളിലെ ജീവൻ സംബന്ധിച്ച്​ ശാസ്ത്ര​ ലോകം എന്നും അന്വേഷണത്തിലാണ്​.


'ഇത് പ്രധാനമാണ്. കാരണം ഇത് ഫോസ്ഫൈൻ ആണെങ്കിൽ അത് ജീവ​െൻറ അടയാളമാണ്​. അതിനർത്ഥം നമ്മൾ ഒറ്റക്കല്ല എന്നാണ്' -മസാച്യുസെറ്റ്സ് ഇൻസ്റ്റിറ്റ്യൂട്ട് ഓഫ് ടെക്നോളജി മോളിക്യുലർ ജ്യോതി ശാസ്ത്രജ്ഞനും പ്രബന്ധ സഹഎഴുത്തുകാരനുമായ ക്ലാര സൂസ-സിൽവ പറഞ്ഞു.

'ശുക്ര​െൻറ അന്തരീക്ഷത്തിൽ ഒാരോ ബില്യണി​െൻറയും 20 ഭാഗങ്ങളിൽ ഫോസ്​ഫിൻ കണ്ടു. അഗ്നിപർവതം, ഉൽക്കകൾ, മിന്നൽ, വിവിധതരം രാസപ്രവർത്തനങ്ങൾ തുടങ്ങിയ ജൈവശാസ്ത്രപരമല്ലാത്ത സ്രോതസ്സുകൾ ഗവേഷകർ പരിശോധിച്ചെങ്കിലും അവയൊന്നും പ്രായോഗികമല്ല. ജീവിതത്തി​െൻറ സാന്നിധ്യം സ്ഥിരീകരിക്കുകയോ ബദൽ വിശദീകരണം കണ്ടെത്തുകയോ ചെയ്യുന്നത്​ വരെ ഗവേഷണം തുടരും' ജെയ്​ൻ ഗ്രീവ്​സ്​ പറഞ്ഞു.

ഭൂമിയുടെ ഏറ്റവും അടുത്ത ഗ്രഹമാണ് ശുക്രൻ. ഘടനയിൽ സമാനമാണെങ്കിലും ഭൂമിയേക്കാൾ അൽപ്പം ചെറുതാണ്. സൂര്യനിൽ നിന്നുള്ള രണ്ടാമത്തെ ഗ്രഹമാണിത്. ഭൂമി മൂന്നാമത്തേതുമാണ്.

224.7 ഭൗമദിനങ്ങൾ കൊണ്ടാണ്‌ ഈ ഗ്രഹം സൂര്യനെ ഒരു തവണ പരിക്രമണം ചെയ്യുന്നത്. ഭൂമിയിൽ നിന്നു നോക്കുമ്പോൾ സൂര്യനും ചന്ദ്രനും കഴിഞ്ഞാൽ ആകാശത്ത്‌ ഏറ്റവും പ്രഭയോടെ കാണുന്ന ഗ്രഹം ശുക്രനാണ്‌.

ഇവിടെ വലിയ തോതിൽ അഗ്നിപർവത പ്രവർത്തനങ്ങളുടെ സാന്നിധ്യമുണ്ടെന്ന്​ ശാസ്​ത്രജ്​ഞർ കണ്ടെത്തിയിരുന്നു. അടുത്ത കാലത്ത് അഗ്നിപർവത പ്രവർത്തനങ്ങൾ നടന്നതി​െൻറ തെളിവാണ് അന്തരീക്ഷത്തിലെ സൾഫറി​െൻറ സാന്നിധ്യമെന്ന് കരുതപ്പെടുന്നു.

Show Full Article
TAGS:venus phosphine science 
Next Story