Begin typing your search above and press return to search.
exit_to_app
exit_to_app
Homechevron_rightTECHchevron_rightSciencechevron_rightബഹിരാകാശത്ത്​...

ബഹിരാകാശത്ത്​ ചിത്രീകരിക്കുന്ന ആദ്യ സിനിമയുമായി റഷ്യ​'; പറക്കാനുള്ള ഒരുക്കവുമായി അണിയറപ്രവർത്തകർ

text_fields
bookmark_border
ബഹിരാകാശത്ത്​ ചിത്രീകരിക്കുന്ന ആദ്യ സിനിമയുമായി റഷ്യ​; പറക്കാനുള്ള ഒരുക്കവുമായി അണിയറപ്രവർത്തകർ
cancel
camera_altനടി യൂലിയ പെരസിൽഡ്​ റഷ്യൻ പ്രസിഡൻറ്​ വ്ലാദിമിർ പുടി​നൊപ്പം, സംവിധായകൻ ക്ലിം ഷിപെൻകോ

ബഹിരാകാശത്തെ വിഷയമാക്കി ഒരുപാട്​ സിനിമകൾ പല ഭാഷകളിലായി വന്നിട്ടുണ്ട്​. കോടികൾ മുടക്കി വി.എഫ്​.എക്​സി​െൻറയും മറ്റും സാധ്യതകൾ ഉപയോഗിച്ച് ഹോളിവുഡിൽ നിർമിക്കപ്പെട്ട പല ബ്രഹ്മാണ്ഡ സ്​പേസ്​ ബേസ്​ഡ്​ സിനിമകളും ഇന്ത്യക്കാരടക്കം ഇരുകൈയ്യുംനീട്ടിയാണ്​ സ്വീകരിച്ചിട്ടുള്ളത്​. എന്നാൽ, ഗ്രാഫിക്​സ്​ ഉപയോഗിച്ചുള്ള ഹോളിവുഡി​െൻറ കസർത്തിനെ മറികടന്ന്​ ആദ്യമായി ഒരു സിനിമ ബഹിരാകാശത്ത്​ ചിത്രീകരിക്കാൻ പോവുകയാണ്​. റഷ്യയാണ്​ അതിന്​ മുൻകൈയെടുക്കുന്നത്​. റഷ്യൻ ബഹിരാകാശ ഏജൻസിയായ റോസ്​കോസ്​മോസ്​ സിനിമയുടെ അണിയറപ്രവർത്തകരെ ബഹിരാകാശത്തേക്ക്​ അയക്കാൻ തയ്യാറായിക്കഴിഞ്ഞു.

പുറത്തുവരുന്ന റിപ്പോർട്ടുകൾ അനുസരിച്ച്​, ബഹിരാകാശത്ത്​ ചിത്രീകരിക്കുന്ന ആദ്യ സിനിമയിലെ നായികയെയും സംവിധായകനെയും റഷ്യ വരുന്ന ഒക്​ടോബറിൽ കസാഖിസ്​താനിലെ ബൈകോനർ കോസ്​മോഡ്രോമിൽ വെച്ച്​ അവരുടെ റോക്കറ്റിൽ ബഹിരാകാശത്തേക്ക്​ അയക്കും. യൂലിയ പെരസിൽഡ്​ എന്ന നടിയും സംവിധായകനും നടനുമായ ക്​ലിം ഷിപെൻകോയും അവരുടെ ക്ര്യൂവും ആണ്​​ ചരിത്ര സംഭവത്തി​െൻറ ഭാഗമാവാൻ പോകുന്നത്​. 'ചലഞ്ച്​' എന്നാണ്​ നിലവിൽ വർകിങ്​ ടൈറ്റിലായി ചിത്രത്തിന്​ നൽകിയിരിക്കുന്ന പേര്​. ജൂൺ ഒന്ന്​ മുതൽ അതിന്​ വേണ്ടിയുള്ള പരിശീലനം അണിയറപ്രവർത്തകർ ആരംഭിച്ചേക്കും. റോസ്​കോസ്​മോസും റഷ്യയിലെ സർക്കാർ നിയന്ത്രിത ചാനലായ 'ചാനൽ വൺ' എന്നിവരും ചേർന്നാണ്​ ചിത്രം നിർമിക്കുന്നത്​.

അഴിമതിയെ തുടർന്നള്​ സോവിയറ്റ്​ യൂണിയ​െൻറ കാലഘട്ടം മുതൽ സ്തംഭനാവസ്ഥയിലായ തങ്ങളുടെ ബഹിരാകാശ പദ്ധതിയെ വീണ്ടും സജ്ജമാക്കാനുള്ള പുറപ്പാടിലാണ്​ റഷ്യ. യു.എസ് ടെക് കോടീശ്വരൻ എലോൺ മസ്‌ക്കി​െൻറ കമ്പനിയായ സ്‌പേസ് എക്‌സ്​ അതിനിടെ വലിയ വളർച്ച നേടിയതും അവരുടെ അതിവേഗമുള്ള നീക്കത്തിന്​ കാരണമായി. നാസ കഴിഞ്ഞ വർഷം നടൻ ടോം ക്ര്യൂസിനെ ഒരു സിനിമയുടെ ചിത്രീകരണത്തി​െൻറ ഭാഗമായി ബഹിരാകാശത്തേക്ക്​ അയക്കുമെന്ന്​ പ്രഖ്യാപിച്ചിരുന്നു. എന്നാൽ, അവർക്ക്​ മു​േമ്പ സിനിമ ചിത്രീകരണം നടത്താനുള്ള ഒരുക്കത്തിലാണ്​ റഷ്യ.

Show Full Article
TAGS:Roscosmos space agency Russia film shoot in space NASA 
News Summary - Russian space agency Roscosmos to send film crew to space for first feature film
Next Story