യു.എസ് മണ്ണിൽ നിന്ന് രണ്ട് യാത്രികർ ബഹിരാകാശ സ്റ്റേഷനിലേക്ക്

വാഷിങ്ടൺ: രണ്ട് ബഹിരാകാശ യാത്രികരെ അടുത്ത മാസം രാജ്യാന്തര ബഹിരാകാശ സ്റ്റേഷനിലേക്ക് (ഐ.സി.സി) അയക്കുമെന്ന് നാസ. ദീർഘകാല പരിചയമുള്ള ബോബ് ബെൻകൻ, കേണൽ ഡഗ്ലസ് ഹർലി എന്നീ അമേരിക്കാൻ യാത്രികരാണ് മെയ് 27ന് സ്പേസ് സ്റ്റേഷനിലേക്ക് യ ാത്ര തിരിക്കുക.

ഫ്ലോറിഡയിൽനിന്ന് വാണിജ്യ ബഹിരാകാശ കമ്പനിയായ സ്പേസ് എക്സ് നിർമിച്ച സ്പേസ് ക്രാഫ്റ്റിനെ ഫാൽക്കൻ 9 റോക്കറ്റാണ് ബഹിരാകാശത്ത് എത്തിക്കുക. 2011ന് ശേഷം അമേരിക്ക ആദ്യമായാണ് സ്വന്തം മണ്ണിൽ നിന്ന് യു.എസ് നിർമിത റോക്കറ്റിൽ യാത്രികരെ ബഹിരാകാശത്തേക്ക് അയക്കുന്നത്.

ദൗത്യത്തി​​െൻറ ജോയിൻറ്​ ഒാപറേഷൻ കമാൻഡ് ആണ് ബോബ് ബെൻകൻ. 2000ൽ നാസയുടെ ഭാഗമായവരാണ് ഇരുവരും. ബെൻകൻ രണ്ടു തവണ സ്പേസ് ഷട്ടിൽ ഫ്ലൈറ്റിലും ഹർലി രണ്ടു തവണ സ്പേസ് ഫ്ലൈറ്റിലും യാത്ര ചെയ്തിട്ടുണ്ട്.

എലോൺ മസ്കാണ് വാണിജ്യ ബഹിരാകാശ കമ്പനിയായ സ്പേസ് എക്സ് സ്ഥാപിച്ചത്.