Begin typing your search above and press return to search.
proflie-avatar
Login
exit_to_app
exit_to_app
Homechevron_rightTECHchevron_rightSciencechevron_rightഭൂമിയുടെ സമീപത്ത്​...

ഭൂമിയുടെ സമീപത്ത്​ ആയിരാമത്തെ ഛിന്നഗ്രഹമെത്തുന്നു

text_fields
bookmark_border
asteroid
cancel

വാഷിങ്​ടൺ: ഭൂമിയുടെ സമീപത്ത്​ ആയിരാമത്തെ ഛിന്നഗ്രഹമെത്തുന്നുവെന്ന്​ നാസ. ഏജൻസിയുടെ ജെറ്റ്​ പ്രോപ്പൽഷെൻ റഡാറാണ്​ ​ ഭൂമിക്ക്​ 1.7 മില്യൺ കിലോമീറ്റർ അകലെ ഛിന്നഗ്രഹം എത്തുമെന്ന്​ വ്യക്​തമാക്കിയിരിക്കുന്നത്​​. 2021 പി.ജെ വൺ എന്നാണ്​ ഛിന്നഗ്രഹത്തിന്​ പേര്​ നൽകിയിരിക്കുന്നത്​.

താരതമ്യേന വലിപ്പം കുറഞ്ഞ ഛിന്നഗ്രഹമായതിനാൽ ഇത്​ ഭൂമിക്ക്​ വെല്ലുവിളിയാകാനിടയില്ല. പ്രാഥമിക ഘട്ടത്തിലെ വിലയിരുത്തലുകൾ പ്രകാരം ഛിന്നഗ്രഹത്തിന്​ 65 മുതൽ 100 അടി വരെ വലിപ്പമുണ്ടാകുമെന്നാണ്​ കണക്കാക്കുന്നത്​. ഭൂമിക്കടുത്തെത്തുന്ന ആയിരാമത്തെ ഛിന്നഗ്രഹമായി ഇതിനെ ചരി​ത്ര പുസ്​തകത്തിൽ രേഖപ്പെടുത്തും.

ആയിരാമത്തെ ഛിന്നഗ്രഹത്തെ കണ്ടെത്തി ഏഴ്​ ദിവസങ്ങൾക്ക്​ ശേഷം ജെ.പി.എൽ 1001-ാമത്തെ ബഹിരാകാശ വസ്​തുവിനേയും കണ്ടെത്തിയിരുന്നു. 2016 AJ193 എന്നാണ്​ ഇതിന്​ പേരിട്ടിരിക്കുന്നത്​. ഭൂമിയുടെ ഏകദേശം 34 ലക്ഷം കിലോ മീറ്റർ അകലെ കൂടിയാണ്​ ബഹിരാകാശവസ്​തു കടന്നു പോയതെന്നും നാസ വ്യക്​തമാക്കിയിട്ടുണ്ട്​.

അതിവേഗത്തിൽ നീങ്ങുന്ന ബഹിരാകാശ വസ്​തുക്കളെ നിരീക്ഷിക്കുന്നതിനായി 1968ലാണ്​ റഡാർ സ്ഥാപിച്ചത്​. ഛിന്നഗ്രഹങ്ങൾ ഉൾപ്പടെയുള്ളവ ഭൂമിക്ക്​ ഭീഷണിയാവുമോയെന്ന്​ റഡാറുകളിലൂടെ നിരീക്ഷിക്കാൻ സാധിക്കും. ബഹിരാകാശ വസ്​തുക്കളുടെ വലിപ്പം, ആകൃതി തുടങ്ങിയവയെ കുറിച്ചുള്ള വിവരങ്ങളെല്ലാം റഡാറുകൾ കണ്ടെത്തും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:asteroidnasa
News Summary - Nasa detects 1000th asteroid to come close to Earth
Next Story