Begin typing your search above and press return to search.
proflie-avatar
Login
exit_to_app
exit_to_app
സഹോദരനൊപ്പം ബഹിരാകാശത്തേക്ക്​ പറക്കാനൊരുങ്ങി ആമസോൺ സി.ഇ.ഒ; യാത്ര സ്വന്തം സ്​പേസ്​ കമ്പനി നിർമിച്ച പേടകത്തിൽ
cancel
Homechevron_rightTECHchevron_rightSciencechevron_rightസഹോദരനൊപ്പം...

സഹോദരനൊപ്പം ബഹിരാകാശത്തേക്ക്​ പറക്കാനൊരുങ്ങി ആമസോൺ സി.ഇ.ഒ; യാത്ര സ്വന്തം സ്​പേസ്​ കമ്പനി നിർമിച്ച പേടകത്തിൽ

text_fields
bookmark_border

സ്വന്തം സ്​പേസ്​ കമ്പനി നിർമിച്ച റോക്കറ്റ്​ ഷിപ്പിൽ അടുത്തമാസം ബഹിരാകാശത്തേക്കൊരു യാത്രക്കൊരുങ്ങുകയാണ് ആമസോൺ സി.ഇ.ഒയും​ ലോകകോടീശ്വരനുമായ ജെഫ്​ ബെസോസ്​. ആമസോണി​െൻറ കീഴിലുള്ള ബഹിരാകാശ പര്യവേക്ഷണ സാങ്കേതികവിദ്യാ നിർമാതാക്കളായ ബ്ലൂ ഒറിജി​െൻറ പേടകമായ ന്യൂ ഷെപാർഡിലായിരിക്കും ജെഫ്​ ബെസോസ്​ ബഹിരാകാശത്തേക്ക്​ കുതിക്കുക. മനുഷ്യരെ വഹിച്ചുകൊണ്ടുള്ള ബ്ലൂ ഒറിജി​െൻറ ആദ്യ ബഹിരാകാശയാത്ര കൂടിയാകുമിത്. ജൂലൈ 20നാണ് യാത്ര നിശ്ചയിച്ചിരിക്കുന്നത്. ജെഫ്​ ബെസോസി​െൻറ ഇയള സഹോദരൻ മാർക്ക്​ ബെസോസും യാത്രയിൽ കൂടെയുണ്ട്​.

അഞ്ചു വയസുള്ള നാൾതൊട്ടേ ബഹിരാകാശ യാത്രയെക്കുറിച്ച് സ്വപ്‌നം കണ്ടിരുന്നുവെന്നാണ് വിവരം അറിയിച്ചുകൊണ്ടുള്ള ഇൻസ്റ്റഗ്രാം പോസ്റ്റിൽ ജെഫ് ബെസോസ് കുറിച്ചത്. ഏറ്റവും പ്രിയപ്പെട്ട സുഹൃത്തിനൊപ്പമുള്ള ഏറ്റവും വലിയ സാഹസികകൃത്യത്തിനാണ് ഒരുങ്ങുന്നതെന്നും ബെസോസ് യാത്രയെ വിശേഷിപ്പിക്കുന്നു. അതേസമയം, ശതകോടീശ്വരൻ മുമ്പ്​ ആമസോൺ സി.ഇ.ഒ സ്ഥാനം രാജിവെക്കാൻ ഒരുങ്ങുകയാണെന്ന സൂചന നൽകിയിരുന്നു.

ഏഴ്​ വർഷത്തോളം നീണ്ട അതീവ രഹസ്യവും ശ്രമകരവുമായ പരീക്ഷണങ്ങൾക്കൊടുവിലാണ് ബ്ലൂ ഒറിജി​െൻറ ന്യൂ ഷെപാർഡ് പേടകവും റോക്കറ്റും മനുഷ്യനെ വഹിച്ചുകൊണ്ട്​ ബഹിരാകാശത്തേക്കുള്ള സ്വപ്​ന യാത്രക്കൊരുങ്ങുന്നത്​. പ്രതീക്ഷിക്കുന്നപോലെ കാര്യങ്ങളെല്ലാം നടക്കുകയാണെങ്കിൽ റോക്കറ്റ് യാത്ര നടത്തുന്ന ആദ്യത്തെ ബഹിരാകാശ സാങ്കേതികവിദ്യാ നിർമാതാവ് കൂടിയാകും ജെഫ് ബെസോസ്. ബഹിരാകാശ ഭീമന്മാരായ സ്‌പേസ്എക്‌സി​െൻറ തലവൻ ഇലോൺ മസ്‌ക്കിന്​ വരെ റോക്കറ്റ് സാങ്കേതികവിദ്യ ഉപയോഗിച്ചുകൊണ്ട്​ ഇതുവരെ യാത്ര നടത്തിയിട്ടില്ല. ബ്രിട്ടീഷ് ശതകോടീശ്വരനും ബഹിരാകാശ സാങ്കേതികവിദ്യാ കമ്പനിയായ വിർജിൻ ഗലാക്ടിക്കി​െൻറ ഉടമ റിച്ചാർഡ് ബ്രാൻസണും മുമ്പ്​ ബഹിരാകാശ യാത്ര പ്രഖ്യാപിച്ചിട്ടുണ്ടെങ്കിലും ഈ വർഷം അവസാനത്തിലേ അതു നടക്കാനിടയുള്ളൂ.

Photo: theatlantic.com

59 അടി ഉയരമുള്ള റോക്കറ്റിലാണ് ആറു സീറ്റുള്ള പേടകം ബഹിരാകാശത്തേക്ക് വിക്ഷേപിക്കുക. റോക്കറ്റിൽനിന്ന് ബന്ധം വിച്ഛേദിച്ച ശേഷം ഭൂമിയിൽനിന്ന് 60 മൈൽ(ഏകദേശം 96 കി.മീറ്റർ) അകലെ വരെ പറന്ന് ബഹിരാകാശത്തി​െൻറ തൊട്ടടുത്തുവരെയെത്തും ബെസോസിനെയും വഹിച്ചുകൊണ്ട് പറക്കുന്ന പേടകമെന്ന് ബ്ലൂ ഒറിജിൻ അവകാശപ്പെടുന്നു. ബഹികാരാശ ടൂറിസം ആരംഭിക്കുമെന്ന് അടുത്തിടെയാണ് ബ്ലൂ ഒറിജിൻ പ്രഖ്യാപിച്ചത്. ബഹിരാകാശ വിനോദയാത്രയ്ക്കായുള്ള ടിക്കറ്റ് വിൽപനയും ആരംഭിച്ചിരുന്നു. ഇതി​െൻറ ഭാഗമായി നടന്നുകൊണ്ടിരിക്കുന്ന ലേലത്തിലെ വിജയിക്ക് ബെസോസിനൊപ്പം ബ്ലൂഒറിജി​െൻറ പേടകത്തിൽ യാത്ര പോകാൻ കഴിയും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:spacejeff bezosblue origin
News Summary - Jeff Bezos is going to space
Next Story