Begin typing your search above and press return to search.
exit_to_app
exit_to_app
Homechevron_rightTECHchevron_rightSciencechevron_rightഭോപ്പാൽ സ്വദേശിയുടെ...

ഭോപ്പാൽ സ്വദേശിയുടെ മരണകാരണം കോവാക്​സിനല്ല....; വിശദീകരണവുമായി ഭാരത്​ ബയോടെക്​

text_fields
bookmark_border
ഭോപ്പാൽ സ്വദേശിയുടെ മരണകാരണം കോവാക്​സിനല്ല....; വിശദീകരണവുമായി ഭാരത്​ ബയോടെക്​
cancel

ഇന്ത്യയുടെ തദ്ദേശീയ വാക്​സിനായ കോവാക്​സി​െൻറ മൂന്നാം ഘട്ട ട്രയലിന്​ വിധേയനായ ഭോപ്പാൽ സ്വദേശി മരിച്ച സംഭവത്തിൽ വിശദീകരണവുമായി ഭാരത്​ ബയോടെക്​. കഴിഞ്ഞ മാസമായിരുന്നു ഞെട്ടിച്ച സംഭവമുണ്ടായത്​. വാക്​സിനേഷൻ കഴിഞ്ഞ്​ ഒമ്പത്​ ദിവസങ്ങൾക്ക്​ ശേഷം വോളണ്ടിയർ മരണത്തിന്​ കീഴടങ്ങുകയായിരുന്നു. എന്നാൽ, മരണം വാക്​സിനേഷൻ മൂലമല്ലെന്നാണ്​​ സൈറ്റി​െൻറ പ്രാഥമിക അവലോകനങ്ങൾ സൂചിപ്പിക്കുന്നതെന്ന്​ ഭാരത്​ ബയോടെക്​ പുറത്തുവിട്ട പ്രസ്​താവനയിൽ പറഞ്ഞു.

വിഷം കഴിച്ചതി​െൻറ ഫലമായുള്ള ഹൃദയ സംബന്ധമായ തകരാറാണ്​ മരണകാരണമെന്നാണ്​ പോസ്റ്റ്​മോർട്ടം റിപ്പോർട്ടിൽ പറയുന്നതെന്നും ഭാരത്​ ബയോടെക്​ കൂട്ടിച്ചേർത്തു. എൻറോൾമെൻറ്​ സമയത്ത്, കോവിഡ് വോളണ്ടിയർ മൂന്നാം ഘട്ട ട്രയലിൽ പങ്കാളിയാകാനുള്ള എല്ലാ മാനദണ്ഡങ്ങളും പാലിച്ചിരുന്നു. ഏഴ് ദിവസത്തെ ഡോസിങ്ങിന്​ ശേഷമുള്ള എല്ലാ വിവരങ്ങളും ശേഖരിച്ചതിൽ ആരോഗ്യവാന്മാരാണെന്നും വ്യക്​തമായിരുന്നതായി ഭാരത്​ ബയോടെക്​ പ്രസ്​താവനയിൽ പറഞ്ഞു. സംഭവം പൊലീസ്​ അന്വേഷിക്കുന്നുണ്ടെന്നും അവർ കൂട്ടിച്ചേർത്തു.

Show Full Article
TAGS:Bharat Biotech Covaxin 
News Summary - Death of volunteer in vaccine trial due to suspected poisoning Bharat Biotech
Next Story